Matyu 27:51 - Nobonob Baibel

⁵¹ Nug mauhom, haen amuppa Kayaknu mettid lag ooppa, lamen naɗi aiheg dayom attannu kattiɗa ukka, honap noa, aɗit meum. Anam amu, wan uɗale, men ele aoɗppig.

Matyu 27:51 ပူးပေါင်းရင်းမြစ်များ

2 Stori 3:14

Amu Solomon nug ele linen muɗi hakkab, am linen muɗi kaala iɗu iɗu, am ed, perpel, kokoɗnab ele, nug muɗi amuppa lamen otala naɗi ha, nug engel okkai-kerubim dottog amuppa ele koitattom.

Sam 18:15

O Yawe na he, ulah huanak hos ihie, ulah huana noobppa doa gotte, amubia Na hee, ulah huanak ukke, yu oppate, yu unuqag diigppa oolnu noak daatteb amu, ag miag atippig. Ao, Yawe na nai hee, wan ukku miag atiom.

Sam 18:7

Nug unuqittak dahil doya he, wan uɗalala, hahaɗom. Ao, Nug doya he, qauko ukkulkad uɗalom. Ge, wan, qauko ele aa anam hepiɗnu diig am, Kayak Nug ⌊laa ag da heiɗppeg nauhkkul anatta,⌋ Nug oo nauhom.

Eksodas 40:21

Nug anam hewowa, nug Tituanak Nainu Kunup kontrak inak ele mettid haknu peh lag ooppa mewowa, nug Oo Gun Ele, Oo Gunnab Ele makkulaknu lamen, Tituanak Nainu Kunup amu miag atiak daamanu, qehakkak daakkunu ele aihom. Nug Yawe nug amegppa haknunab aum, nug aumbianab aakku heum.

Aisaia 25:7

Qauko amuppanu amu, Yawe Nug heeb, danab ah ag baula ii mauhmana ⌊amunu, mauhaknu oo doyak baula ii daama⌋. Ao, Nug heeb, uug danab ah oh baula ii aqama ⌊amunu, uugnu guittak baula ii doomna⌋. Iitta.

Lewitikas 16:2

Yawe Nug Moses amegppa inam aum. “Na awan Aron amegppa, nau aomanu dabmettak nai imu appe, nug Oo Gunnab Ele, Oo amuam Oo Gun Ele, Oo Gunnab Ele makkulaknu lamen dimugppa daatte amu, nug oo amu ooppa, nug nukka dabmette haenppa oo amuppa aib noum. Aben amuam Tituanak Nainu Kunup ameg, ameg amuam eheɗ haknu nob nau tiigppa iitta me elele medatte ippunadtte amu, am aben amu. Lombig laa, Tituanak Nainu Kunup ameg, amuam eheɗ haknu nob nau tiigppa iitta me elele medatte ippunadtte amu, lombig amu ameg amu attan daatte, am da, da lombig amuppa daattem amunu, Aron nug dabmak nuhigppa mauhnoak, nug appa gokkunu da ii ami dayebeb, nug appa gokku amu, nug mauhkku,” awa aum.

Lewitikas 21:23

Nug beɗuppa uug ele daatte amunu, nug Yawe laugppa Oo Gun ele, Oo Gunnab Ele makkulaknu lamen, o nug qaɗab guguittak ii goma. Nug amu helo am nug heeb, dubuttid tak am dahil mettid haknu peh lagppa daalo, amunu nug ii hekkuoitte. Da am Yawe, da hei, aben aɗit amu aa dahilnu tituanak daattep,” awa aum.

Habakuk 3:10

Ao, na wanppa nee, qauko ag uɗalppig. Le ui eheɗ oum. Yo, yu huana koɗkoɗ qe, oqotti okkai oum.

Habakuk 3:13

Na amu hemenu diig am, na nahipad danab ah ehanadppe, qagaiettak ii daamnanu heme. Ao, na laa na nug okkai daakkunu goɗen gokkaɗakppa tituanme amu, na nug padal memanu ehanidme. Na danab ag wan laa, appan danab ah ag nau hak danab ah ele amu, na amu dilag okkai maduduɗme. Ao, na nuhig lamen ikki ukka baegppa batak amu, na amu oh uɗadme. Sila.

Namba 4:5

Haen danab ag ahan laih gokkulagnu heppeg amu, Aron nug bekkod ele ag mettid haknu peh lag ooppa nona, ag Oo Gun Ele, Oo Gunnab Ele makkulaknu lamen, ag amu autppeg neeb, ag Tituanak Nainu Kunup kontrak inak ele amuppa hautppeg daakku.

Matyu 27:54

Amu ban daup 100 dilag ikki nug, amu daup laa ag nug ele daanna Jesus guman daappig, ag mim ne, keeke laala oh ele beeg anidna, baɗak eheɗ nau doon appig. “Genab, danab imu Nug Kayak Bekka!” aon appig.

Matyu 28:2

Ukkaeheh am mim okkai neum. Aɗinu? Naɗinu engel laa hab aabppanu na, moɗppa ukka, men buɗibɗib mette ukke, ameg kola, men amu qaɗeppa heɗep na dayom.

Mak 15:38

Jesus mauhom, haen amuppa Kayaknu mettid lag ooppa, lamen naɗi aiheg dayom attannu kattiɗa ukka, honap noa, aɗit meum.

Luk 23:47

Jesus mauhe, ban daup 100 dilag ikki nug amu antta, nug Kayak binag ma aum. “Genabnab danab imu Nug genab tutukku hak danab,” awa aum.

Hibru 6:19

Amu gog tak haenppa ig genab bauklel aognig, dabmak amuam ig dabmak digdig dim lamidmatanu, uub mameg nug uubnu anka eum daatte, amubia aɗaikke daattem. Ihinig ehanittak amuam keeke genab, hab attannu Kayaknu mettid lag Oo Gunnab Eleppa omaikka gotte.

Hibru 9:3

Aria lag ooppa, lamen naɗi dimugppa, lag oo makkulak laa, makkulak amunu ag, “Oo Gunnab Ele,” atteb, amuppa dayom.

Revelesen 11:13

Anam amu, haen amuppanab mim okkai laa ne, aab okkai amuppa lag 10 oolagppa laippu nauhom, lag 10 laa oolagppa laippu nauhom, amu aab okkai ohppa anamib beum. Amu danab 7,000 mim amuppa mauhppig. Laa oh bau daappig ele ag baɗak eheɗ nau dooppig. Baɗak eheɗ nau doon, ag Kayak binag amahlak oppiaawak ele medappig.

Revelesen 11:19

Ag anam aeg amu, Kayaknu mettid lag, hab aabppa daatte ele, laa nug od matule, tituanak nainu kunup amu miag atiom. Miag atie amu, amemɗi awewe, hakkaɗ diigppa qeeqe, hakkaɗ qa aɗeɗe ne, mim ne, ais doɗo okkainab ele neum.