Matyu 27:5 - Nobonob Baibel

⁵ Ag anam aeg amu, Judas nug men doɗo amu Kayaknu mettid lag ooppa mawe ukke, nug ukka, muɗippa aiha mauhom.

Matyu 27:5 ပူးပေါင်းရင်းမြစ်များ

2 Samuel 17:23

Ag anam mataɗppig, amge Ahitopel nug Apsalom nug nuhig ulum nai ii dim lamittom antta, nug donki nuhig gomeppa dayaknu keeke qakka, nug donki attan ta nug appag diigppa gokkunu ukkom. Nug ukka, nug laugppa Gilo appa teum. Nug ta, nuhig keeke oh babaitta mala, nug nugakka muɗi laa awa, baagppa qakke dayeye, nug beɗu aiha, nug mauhom. Nug anam he, ag nug gaɗa mamegnu boumak abenppa boumppig.

1 King 16:18

Haen amuppa am Simri nug Tirsa dayeye, Omrinu ban danab ag nuhig huu amu eɗadna, aab okkai amu aoeg antta, nug kingnu lag enanagnabnu laih laa aɗ ɠagattagnab ele amuppa noa, kingnu lag enanagnab amu amote, lag amu ewa, nug ele ewe mauhom.

Job 2:9

Job anam heehe, nug wau uɗia, amegppa aum. “Na gemu ele danab nug dabmak oiyak nuhig ele am tutukkuib daakkutnu dabmenana hettemte? Uuppe! Na Kayak eheɗ laa awaknu anak waappa daakkunu awona, na mauhe!” awa aum.

Job 7:15

Anam amunu, laa nug da baal ɠagattag aɗeb, ulah ii awen mauhkkulnu am da ena doottem. Ge, da tuɗitten, beɗul nau imuppa daakkulnu amu, da ool ii daatte.

Sam 55:23

Amge, O Kayak, na nau hak danab hadappe nauhna iitta mekkulag. Laa makkuɗe mauhak danab, amu hambuppuak danab ele, ag danab bau daanna, ag mauhkkulag, amge na da padal mepanu ehaniɗkkutnu oolppa genab doottem.

Matyu 26:61

beya apiɗ. “Danab imu nug, ‘Da Kayaknu mettid lag heppi nauheb, deɗ ewam ooppa da eɗue hekkulnu elele,’ aum,” aoi apiɗ.

Matyu 27:6

Mana mettak danab okkai ag men doɗo amu aon appig. “Imu amu danab mauhkkunu daden maknu men doɗo. Ɗo daatte amunu, ig Kayaknu mettid lagnu ofa inaknu kunup-ppa ii memata,” aon appig.

Luk 1:21

Aria, engel nug nai amu mattieye, Sekaraia nug lag ooppa dayeye, danab ah ag nug ameg mena daanna, dabmak kuɗum aona, akka akka appig. “Kayaknu mettid lag amuppa keeke attem be, nug haen elab daatte?” aon appig.

Luk 1:9

Nug heehe, mana mettak danab kobolppa om ena yaakppa amu ag nug ukka, kalu danab ile muttuɗig enanag bette ele, nug amu amotkkunu meeg, nug amu hekkunu Naɗinu mettid lag Oo Gun Ele amuppa noum.

Ikki Danab 9:54

Nug ikki aoɗe, aakku nug danab nug nuhig bannu keeke mawom ele, nug danab amu amegppa aum. “Nahip qep elab eeɗna aon, da duul o! Na da duul ii okkut amu, danab ag, ‘Ah laa Abimelek qe mauhom,’ akkulag! Da ag anam akkulagnu, da ool iinab daatte!” awa aum. Nug anam aum amunu, danab bau amu nug nuhig qep elabppa ye mauhom.