Matyu 27:42 - Nobonob Baibel

⁴² “Nug danab laa ehanattom, amge nug nugakka ehanidkkunu elele iitta. Nug am Israel dilag kingde! Nug ad emaitak uua, honap neeb amu, ig nuhignu oonigppa genab doognig.

Matyu 27:42 ပူးပေါင်းရင်းမြစ်များ

Matyu 2:2

“Nid nakok laa doum, Nug Juda dilag king amu, Nug adeppa daatte? Ig nuhig hoɗoppai aam bedeppa anidta, Nug noobppa dup nota binag mekkunignu uɗimut,” aon appig.

Matyu 27:37

Amu haen Rom danab ag danab ad emaitakppa atuladttappig ele, ag aɗi nai ag beɗulagppa yaappig ele, danab ag amu anidkkulagnu, ag ad mahappa yaana, ad emaitakppa atulppig. Aria, Jesusnu amu, ag Nug igippa ad emaitakppa, ag nai imu yaan atulppig. “Imu Jesus, Nug Juda dilag king.”

Matyu 27:40

“Na, na am Kayaknu mettid lag loppaɗna, eɗun deɗ ewamppaib hekkutnu ame amu, na Kayak Bekka daattem dayeb, na nakka na ehanidna, na beɗun uhuqna, na ad emaitakppanu nee!” aon appig.

Matyu 27:41

Amubia mana mettak danab okkai, ɗo mehuqak danab, amu Juda dilag ikki danab ele ag Nug aon aon qettanna appig.

Mak 15:31

Ag anam aegeg amu mana mettak danab okkai, ɗo mehuqak danab ele ag akka akka Nug aon aon qettan appig. “Nug danab laa ehanattom, amge Nug nugakka ehanidkkunu elele iitta.

Mak 15:32

Nug am Kristus, Israel dilag kingde! Nug ad emaitak uua, honap neeb, ig anitta, ig nuhignu oonigppa genab doognig,” aon appig. Ag anam aegeg amu danab aɗit ag aa Jesus ele atuladppig amu, aa ele Jesus amegppa awa awa qettak nai madipiɗ.

Luk 19:38

Ag Kayak binag human, baalag okkai enan appig. “King nug Naɗi onigppa uɗitte amu, ig Naɗi Nug itidkkunu oonig daatte. Nuhigppa Kayak Nug ig danab, ihinignu oo ena daatte. Ig Kayak Ebehi Ele, Nug binag attannab humatu.”

Luk 23:35

Danab ah ag hippaidna daanna anttegeg, ikki danab ag nug aon aon qettan appig. “Nug danab laala ehanattom amunu, Nug genab Kayak Bekka, Kayak tituanom dayeb amu, Nug nugakka Nug ehanittaɗ!” aon appig.

Luk 23:37

Ag anam henan amu inam appig. “Na Juda dilag king daattem dayeb amu, na nagakka na ehanitte!” aon appig.

Jon 1:49

Jesus anam a amu, Nataniel oɗeppa awa aum. “Ippunittak danab, na am Kayak Bekka, na Israel dilag king,” awa aum.

Jon 12:13

Ag anam doona, ag ad pam eppeg uɗug ele qiialadna, Jesus uɗa tekkulagnu gona eppig. “Ig Kayak onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Naɗi Nug Israel dilag king itidkkunu oonig daatte!” aon appig.

Jon 12:47

Am laa nug dahil nai doya dim ii lamidtte amu, da nug ii epeɗipa. Da wanppan danab ah epeɗiadkkulnu ii uɗimi. Iitta. Da ag eɗuen diikkulnu uɗimi.

Jon 9:24

Juda okkai ag ahilah nai doon, danab amu genab ameg gaɗuak dayom, gemu ena daatte oolagppa genab dooppig amunu, ag baula ameg gaɗuak ena dayom ele onigppa eeg uɗie, ag nug amegppa appig. “Na Kayakib binag amahlak oppiaawak ele me! Ig doottem, danab amuam hipunin danab,” aon appig.

Aposel 4:14

Anam amge danab beɗu ena dayom amu nug Pita, Jon ele ag oh hippaidna daaegeg anadppig amunu, ag aa nai apiɗ amu eɗun nob mekkulagnu ib laa ii anidppig.