Matyu 27:32 - Nobonob Baibel

³² Ag aon gonana, ag wan laa onig Sairini ted onig Saimon uɗappa tena, ag nug duttuna heeg, nug Jesusnu ad emaitak mawom.

Matyu 27:32 ပူးပေါင်းရင်းမြစ်များ

1 King 21:10

Dayebeb, aria ag danab nau aɗit laa, Nabot daakku, amu guguittak maatppeg daayya, aa Nabot nug Kayak, king ele aa eheɗ laa awaknu anak waappa daaglahnu aum, amu Nabot beɗuppa yaapeɗ, ag doon, dimppa Nabot aon, aab okkai dimittim gona, menppa makkuɗppeg mauhaɗ!” Nug uɗugppa anam yom.

1 King 21:13

Meeg dayeye amu, ⌊ag⌋ danab nau aɗit ⌊aeg dooya,⌋ Nabot dayom gukkuidya goya, heɗep neya daayya, aa danab ah oh daaegeg noolagppa daayya, aa Nabot nug Kayak, amu king ele aa eheɗ laa awaknu anak waappa daaglahnu aum apiɗ. Ayaya, Nabot beɗuppa yaapiɗ. Amu danab ah nai amu doon, ag ahan, Nabot aɗan, aon aab okkai dimittim gona, menppa makkuɗeg mauhom.

Lewitikas 4:21

Am mana mettak danab nug makau gaiɗ amunu huppu laala daatteb, amu oh haen tutu dayaknu aab kalak dimittim awa ukka, appa maneb eokkuoitte. Amu laa nug ib etta hipunin haknu ofa hekkunu, mana mettak ikki danab hipunin hewowa heumbianab hekkuoitte. Amuam ib etta hipunin haknu ofa, Israel dilag tamaniak oh dilag aakku.

Lewitikas 4:3

Laa amu hekku, nug mana mettak ikki danab daatte dayeb, nug Israel oh ag hipunin hekkulagnu elele daatteb bia hipunin hekku dayeb, nug Yawe toppa makau gaiɗ laa, ib etta hipunin haknu ofa daakkunu, beɗuppa eheɗ laa iitta ele amu awa, Yawe gumitta ukka, Nug medakuoitte.

Matyu 16:24

Haen amuppa Jesus Nug nuhikkud ippunittak awak danab amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema. Iitta. Nug nuhig ad emaitak mawa, da dim lamiɗaɗ!

Matyu 5:41

Danab laa ehah amu hekkunu elele nug na nug ehanidppeppe, nug ele 1 kilomita gokkulahnu ɠagattag duttunitta heeb, na nug ele 2 kilomita ukkeɗ!

Mak 15:21

Ag ibppa gonana amu ag Sairini ted, Rupus, Aleksander ele mamelah, onig Saimon, nug aab okkai dimittimnu uɗia, aab okkai ooppa nokkunu doodo, ag nug anidna, ag duttunna heeg, nug Jesusnu ad emaitak mawom.

Luk 23:26

Pailat nug Jesus daup eppelagppa me, daup ag Jesus aon gonana, ibppa ag Sairini ted onig Saimon anidppig. Nug aab okkai dimittimnu uɗia, aab okkai ooppa nokkunu doodo, ag nug aɗan, ad emaitak aon, nug gugappa mena duttunna heeg, nug mawa Jesus dim lamitta ukkom.

Jon 19:17

Pailat Jesus ag eppelagppa me, ban danab ag aoeg, Jesus nukka ad emaitak mawewe, aben laa onig Ikki Ebehinu Aben, appa goppig. Hibru naippa ag aben amunu Golgata aon atteb.

Aposel 11:20

Aria, ag anam heppig, amge ag oolagppanu danab laippu laippu, ag am Saiprus amu Sairini danab ele, ag gona, Grik danab Antiok daappig ele amelagppa Naɗi Jesusnu Nai Ena mehuqppig.

Aposel 13:1

Aria, Antiok Kristen tamaniakppa propet, amu ippunittak danab laala ele appa daappig. Ag onilag am Barnabas, Simeon, nug onig laa Naisa, Lusius, nug am Sairini ted, Manain, nug Herot Antipas ele buɗub laippu, amu Saul aakku.

Aposel 2:10

Amu ig Prigia, Pampilia, Isip, amu Libianu wan atuppa, Sairininu wan atuppa ele daattem. Aria, Rom danab ele ig oh uɗimut daattem.

Aposel 6:9

amge danab laala ag Stiven ele oolag laippu iitta, ag heeg, ag nug ele nai aeg ona aeg doum. Danab amu ag Juda dilag nai doyak lakka, ag lag amunu, Danab Begbeg Maɗi Nid Iitta atteb ele amu, ag lag amuppa godappig. Danab amu ag am Sairini, Aleksandria, Silisia, Asia elenu uɗiak.

Aposel 7:58

Ag aɗan, aon aab okkai amu dimittim eeɗna gona, ag digmena, menppa nug makkuɗppig. Tatam danab ag nug beɗuppa nai yaappig ele amu, ag ahilag ulahnu lamen uɗan, nid bau laa gumakkunu medappig. Nid amu onig Saul.