Matyu 27:3 - Nobonob Baibel

³ Aria Judas, nug Jesus kekeɗ eppelagppa meum ele, nug ag Jesus mauhkkunu nai qagappig doya, nug oo uug daye, silwa men doɗo 30 amu eɗua awa ukka, mana mettak danab okkai amu danab ah dilag ikki danab ele madakkunu haaha,

Matyu 27:3 ပူးပေါင်းရင်းမြစ်များ

Job 20:5

Kobol amuam inam. Nau hak danab ag wanppa daan, deɗ laala ag gamag ahak dootteb, amge gamag ahak amuam haen tutuib daatte. Ge, Kayaknu nuhig haknu ele uuak danab ag ahilag gamag ahak haen tutuib daatte.

Eksodas 21:32

Amu makau dawai nug begbeg maɗi nid, o begbeg maɗi ah yeeb mauhkku dayeb amu, aria makau mameg nug 300 gram silwa begbeg maɗi nidnu okkai metteb, aria ag makau am menppa qeppeg mauhaɗ!

Sekaraia 11:13

Ag meɗaeg, Yawe Nug da amelppa aum. “Buɗippe ukkeb, waa keeke hak danab nug awaɗ!” awa aum. Ag dahilppa heppig amu, ag eheɗ hena, uɗat dahilnu nob men doɗo honapnab da meɗappig. Amu Yawe Nug anam aum amunu, da men doɗo amu buɗii ukke, waa keeke hak danab, nuhignu Yawe laugppa ukkom.

Jon 13:2

Nug nuhikkud ippunittak awak danab ele ee lanan daanna, Satan nug matu Judas Iskariot, Saimon bekka, nug Jesus kekeɗ eppelagppa mekkunu dabmak metta malom amu,

Jon 13:27

Judas ee amu awe amu, Satan nug ooppa noum. No amu Jesus Nug Judas amegppa aum. “Keeke na hekkutnu hettem am paha he!” awa aum.

Jon 18:3

Amunu Judas nug Rom dilag ban danab laala, amu daup ag Kayaknu mettid lag gumappig ele, ag oolagppanu mana mettak danab okkai amu ɗo gumak danab-Parasia ele ag laala heeg goppig ele amu, Judas nug ag oh ib ippuanatte, aben amuppa uɗippig. Ag amahlak, hul amu ban haknu keeke ele aon goppig.

Aposel 1:18

(Judas nug eheɗ ha, uɗat amunu men doɗo awom ele amuppa ag wan laih laa daden meppig. Aria, nug nukka wan amuppa nug beɗu aiha na qe, beɗu aoɗe, biig oh wanppa ne,

2 Korint 7:10

Ooppa guittak doyak, Kayak Nug he bette amu, oo guittak doyak amuam he, ig danab aakku oonig eɗutte. Kobol amuppa Kayak Nug ig eɗua awigtte. Danab amunu am eheɗ laa ii dooma, amge ooppa guittak doyak, wannu kobolppa bette ele amu, ooppa guittak doyak amuam he, mauhak bette.