Matyu 27:19 - Nobonob Baibel

¹⁹ Pailat nug anam oɗ matta, nug hettoɗiak abenppa dayeye, nug wau nai inam me uɗiom. “Danab beɗuppa aab iitta amunu amu, na nuhigppa keeke laa aib heme. Da gemu nuhignu tul niimi, amu da uug, guittak ele huanak doomi,” awa aum.

Matyu 27:19 ပူးပေါင်းရင်းမြစ်များ

Genesis 31:11

Anatti amu, Kayaknu engel nug da onil diia a, da inam ami. ‘Da ina, aɗitai, appe dookkul,’ awe ami.

Genesis 31:24

Ag anam daaegeg, tuqan amuppa Kayak Nug tulppa Aram danab Laban amegppa aum. “Da na nau aomnanu dabmettak nai imu na amenppa attem. Na Jakopnu eheɗ laa aib heme,” awa aum.

Genesis 31:29

Da na eheɗ heidkkulnu elele, amge na mamennu Kayak Nug tuqan da amelppa aum. ‘Da na nau aomnanu dabmettak nai imu na amenppa attem. Na Jakopnu eheɗ laa aib heme,’ awa aum.

Prowerb 29:1

Danab nug oo eɗukkunu daug batak kuɗum awawa, hamu bia doyaya, nug oo eɗumanu dabmak nuhig ɠagattag eppe oitte, nug guittak okkai awa nauhkku; nauhaknu aɗi keeke bette amu, baoliaknu ib laa iitta.

Aisaia 53:11

Amu Yawe Nug atte. “Dahil maɗi nid, nug genab tutukku hak kobolib dim lamidtte amu, Nug guittak amu mawa malowa, nug bau dayaya, ⌊danab oolag eɗueb ele antta,⌋ elele dookku. Dahil maɗi nid nug nuhig doyak, nug amuppa heeb, danab ah kuɗumnab ag genab tutukku hak danab ah daaglag. Nug ahilag hipunin mawa heeb, iitta mekku.

Sekaraia 9:9

Danab ah ag Sion appa daatteb, ag oolag huana gamag ahaɗ! Yo, danab ah ag Jerusalem daatteb, ag oolag gamag aheb, huana eig! Antteg! King ahilag Nug ahilagppa aakku uɗitte. Nug genab tutukku hak kobol haaha, nug danab ah ehanatteb, padal ii memananu kobol ele dim lamitta haaha uɗitte. Nug nukka Nug onig qe ne, ⌊Nug danab onig iitta bia,⌋ Nug donki laa attan dayaya uɗitte. Yo, Nug donki nag laa ⌊nakok okkai meum⌋ attan dayaya uɗitte.

Namba 12:6

Nug aum. “Aa nai dahil doyeɗ! Haen dahil propet danab laa ag oolagppa daatte amu, da Yawe, da tuleglegppa da diil, dahil nai ele nug ippunidttem, tul niiakppa da nug amegppa nai madittem.

Matyu 1:20

Josep nug amunu dabmak awewe, tuqan tulppa Naɗinu engel nug gumitta neum. Na amu nug aum. “Josep, Dawit bekka, na Maria ah nahip daakkunu, na nug aokkutnu aib baɗame. Doye! Kayak Ouɗi Nug nukka nid amu mettom.

Matyu 2:19

Aria, Josep aɗi ag Isip gona daaegeg, Herot nug mauhe, Naɗinu engel tulppa Josep gumitta doum.

Matyu 2:22

Goppig amge Josep nug Herot bekka Akelaus, nug mameg abenab awa, Juda dilag king dayeye doya, nug appa ukkaknu oo baɗom. Oo baɗeɗe, tuqan tulppa Kayak Nug Josep, Juda wanppa gokkunu, “Aib,” aum amunu, nug aha, wan atu onig Galili ukkom.

Matyu 27:18

Pailat nug Juda okkai ag Jesusnu amelag qe oolag elele ii daye, Jesus hettoɗiakppa meppig doyom amunu, Nug anam oɗ mattom.

Matyu 27:24

Aeg amu, Pailat nug doyom, nug heeb, ag Jesus ii mauhmanu ii amana. Iitta. Ele amu, nug qak bekkunu daye anttom amunu, nug le awa, danab ah oh amelagppa eppeg ihaaha nug aum. “Danab imu mauhkku amu, mauhak amunu aab am dahil iitta. Ag ahilag hipuninib daakku,” awa aum.

Matyu 27:4

nug aum. “Da hipunin hemi. Da danab nug eheɗ laa ii heum amu da hamu kekeɗ eppelagppa mauhkkunu memi,” awa aum. Anam awa a doona ag appig. “Amu ihinig keeke iitta. Am nahip keeke,” aon appig.

Luk 23:41

I nitaeg mauhttep imunu am ag eheɗ laa ii hetteb; ag kobol elele hetteb. I nob imu aognihnu am nai iitta. Aɗinu? Ihinih eheɗ hemuɗ nob iikku aottep, amge danab imu Nug eheɗ laa ii heum,” awa aum.

Luk 23:47

Jesus mauhe, ban daup 100 dilag ikki nug amu antta, nug Kayak binag ma aum. “Genabnab danab imu Nug genab tutukku hak danab,” awa aum.

Jon 19:13

Pailat nug nai anam doya, nug Jesus omala dimittim doa, hettoɗiak aben onig Men Duqappig, appa epeɗiaknu balalppa dayom. Men duqak amunu ag Hibru naippa, Gabata, aon adappig.

Aposel 12:21

Ag anam heeg, Blastus ehanadkkunu ana, Herot amegppa a, aria Herot nug doya, amu hekkunu deɗ laa mewowa, nug deɗ amuppa nug kingnu lamen elab ma, nuhig balal enanagnabppa dayaya, ag amelagppa nai mattiom.

Aposel 18:12

Am Pol nug Korint dayaya, anam heum, amge dimppa Galio nug prowins Akaia dilag gawana dayeye, haen amuppa Juda ag oh qagmena, Pol kekeɗ mettan, aɗan aon hettoɗiak abenppa goppig.

Aposel 18:16

Nug anam ana amu nug ag hettoɗiak aben amuppanu lamattom.

Aposel 18:17

Galio nug lamatte amu ag ahan hettoɗiak aben guguittakppa Sostenes, nug am Juda dilag nai doyak lagnu ikki danab amu, ag nug aɗan makkuɗppig. Juda ag anam heppig, amge Galio nug amunu ii dabmeum.

Aposel 25:10

Nug anam aum amge Pol nug aum. “Da gemu Rom dilag hettoɗiakppa daattem, amuam tutukku. Da eɗuen Juda dilag hettoɗiakppa ii daapa. Na aakku doome, da Juda, ahilagppa eheɗ laa ii hemi.

Aposel 25:17

Ag anam heeg, da ai, ag da ele oh uɗit daamut. Amu da haen ii kakidmi. Iitta! Wagɗe deɗ amuppa amu da he, ig hettoɗiak abenppa daata, danab amu omalna dokkulagnu amelagppa ai, aon doeg,

Aposel 25:6

Pestus nug Jerusalem ag ele deɗ eblaih ewamtai iitta eblaih tanig ele anam dayona, nug eɗua Sisaria noum. Wagɗe deɗ amuppa nug aha, hettoɗiak abenppa dayeye, nug daup nuhikkud amelagppa, “Ag Pol omalna uɗieg!” awa aum.

1 Pita 2:22

Nug hipunin laa ii heum, oɗeppa nai hambuppuak ele ii dayom.

1 Jon 2:1

O nid naunau dahilad, ag hipunin ii hemananu da nai imu ye madattem. Amge laa nug hipunin hekku amu, ihinig ehanittak, Nug am gamag danab, Nug Mame toppa daatte. Nug Jesus Kristus; Nug am genab tutukku hak danab.