Matyu 26:63 - Nobonob Baibel

⁶³ Nug anam aum, amge Jesus Nug nai nakok laa ii mattiom. Aria, baula mana mettak ikki danab Nug amegppa aum. “Da Kayak bauklel onigppa da na amenppa attem. Na nai genab tutukku a! Na genab Kristus, Kayak Bekkate o iitta?” awa aum.

Matyu 26:63 ပူးပေါင်းရင်းမြစ်များ

1 King 22:16

Mikaia nug anam aum, amge King Ahap nug Mikaia amegppa aum. “Da hei, na Yawenu nai da amelppa akkutnu akkut amu, na Nug genab aɗi aum aakkuib akkutnu nahip nai ɠagattag qena ame. Amu da heppi, na nai amu baubau haen gane awona, na Yawenu nai genabib da amelppa madikkut?” awa aum.

2 Stori 18:15

Mikaia nug anam aum, amge King Ahap nug Mikaia amegppa aum. “Da hei, na Yawenu nai da amelppa akkutnu akkut amu, na Nug genab aɗi aum aakkuib akkutnu nahip nai ɠagattag qena ame. Amu da heppi, na nai amu baubau haen gane awona, na Yawenu nai genabib da amelppa madikkut?” awa aum.

Sam 42:2

Ao, danab le baag diieb, le antta lakkunu oo huana daatte, anamnab, da Kayak gumitte ukken daakkulnu ool huana daatte. Nug am Kayak bauklel. Ganeb da Nug noobppa daakkul?

Prowerb 29:24

Aun laa nug yab danab laa ehanitte yab hette, nug nugakka nuhig kekeɗ daatte; Nug hettoɗiakppa nai genab madikku dayeb, nug amunu bu aokku, me nug ii akku dayeb amu, Kayak Nug nug bu medakku.

Aisaia 53:7

Laa ag nug eheɗ hettan, guittak medappig, amge nug nai laa ii mattiom. Ao, danab nug sipsip qekkunu omala, qaaknu abenppa ugekke, sipsip ii gaatte amu, amubia nug eheɗ ag nuhigppa heppignu nai laa ii mattiom. Ge, danab nug sipsip nag uɗig otaɗeɗe, sipsip nug ii gaatte, amubia ag nuhignu nau heppignu oɗe qamuta, toetta dayom.

Daniel 3:16

King Nebukatnesar nug Satrak, Mesak, Abetnego ele amelagppa anam a, ag nob mena appig. “O Nebukatnesar, keeke beum imunu amu, ig na eɗun, ena anigkkutnu nai qinonob, nai ittag ele ii mattimta.

Lewitikas 5:1

Aun nug laa kobol he antta doyom, diig amunu ⌊epeɗiak danab⌋ ag nug hettoɗiakppa aɗi anttomnu madikkunu onigppa eppeg, nug madikkunu uukku dayeb, nug aakku eheɗ ha, nug amunu bu aokku.

Matyu 16:16

Jesus anam a amu, Saimon Pita Nug oɗeppa awa aum. “Na am Kristus, na Kayak bauklel ele Bekka,” awa aum.

Matyu 26:62

Aa anam aeh amu mana mettak ikki danab nug hibaitta, Jesus oɗ mettom. “Nai amunu amu, na nob iite memana? Nai anak amuam genab o genab iitta?” awa aum.

Matyu 27:12

Nug anam a amu, mana mettak danab okkai, amu Juda dilag ikki danab ele ag nuhignu nai yaan heeg, Nug nai nob laa ii meum.

Matyu 27:14

A amu, Jesus Nug nai laippu laanu Pailat oɗeppa ii awom. Anam he amu, Pailat nug dabmak kuɗum awom.

Matyu 27:40

“Na, na am Kayaknu mettid lag loppaɗna, eɗun deɗ ewamppaib hekkutnu ame amu, na Kayak Bekka daattem dayeb, na nakka na ehanidna, na beɗun uhuqna, na ad emaitakppanu nee!” aon appig.

Matyu 27:43

Nug Kayaknu ooppa genab dootte amunu, Kayak Nug nuhignu oo heeb amu, geha iikku Nug ehanittaɗ! Aɗinu? Nug aum, ‘Da Kayak Bekka,’ ” aon appig.

Matyu 27:54

Amu ban daup 100 dilag ikki nug, amu daup laa ag nug ele daanna Jesus guman daappig, ag mim ne, keeke laala oh ele beeg anidna, baɗak eheɗ nau doon appig. “Genab, danab imu Nug Kayak Bekka!” aon appig.

Matyu 4:3

Enug qeeqe amu, eheɗ haknu oo eeɗak danab nuhigppa beum. Ba amu nug aum. “Na Kayak Bekka daattem dayeb amu na appe, men imu eɗua bret baɗ!” awa aum.

Mak 14:61

Nug anam aum, amge Jesus Nug nai nakok laa ii mattiom. Aria, mana mettak ikki danab nug eɗua, bau oɗ mettom. “Na am Kristus, Kayak Bekkate o iitta?” awa aum.

Jon 1:34

Da Jesusnu amu beum anidmi, amu da nuhignu da iikku attem, Nug am Kayak Bekka.” Jon anam aum.

Jon 1:49

Jesus anam a amu, Nataniel oɗeppa awa aum. “Ippunittak danab, na am Kayak Bekka, na Israel dilag king,” awa aum.

Jon 10:24

Nug anam noa oiyeye, Juda ag dona hippaidna, Jesus oo mettan daanna appig. “Na haen ganebnab heppe, ig dabmak aɗit ele daattem amu iitta mekku? Na genab Kristus daattem dayeb amu, na pehettana tutukku miag atiak appe dootu!” aon appig.

Jon 10:30

Da Mamel ele amu i am laippu,” awa aum.

Jon 10:36

amunu aɗinu ag dahilnu, ‘Nug Kayaknu dabittak nai maditte,’ atteb? Kayak Nug da tituaniɗa, meiɗe wanppa uɗimi. Nug anam heum, amu anukka Nug wan imuppan danab laa dilag, ‘Ag am Kayak ganiappud,’ aum amunu, ‘Da am Kayak Bekka,’ haen da ami am, aɗinu ag amunu, ‘Nug Kayak aben aokkunu hette,’ aon appig.

Jon 18:37

Jesus anam a amu, Pailat nug Jesus amegppa aum. “Na anam attem amunu, na aakku king daattem,” awa aum. Nug anam a amu, Jesus Nug aum. “Na dahilnu, ‘Na am king daattem,’ mattina attem amu na tutukku attem. Da anil nug da doyak diig genabib mehuqeqe oikkulnu menuiɗom. Ge, diig amunu da wanppa uɗimi. Laa oh ag doyak diig genabib dim lamidtteb amu, ag dahil nai dootteb,” awa aum.

Jon 19:7

Pailat anam a amu ag appig. “Ig ɗo ele, amu ihinig ɗoppa amu Nug mauhkkuoitte. Aɗinu? Nug, ‘Da am Kayak Bekka,’ aum,” aon appig.

Jon 19:9

nug eɗua lag ooppa noa, Jesus oɗ mettom. “Na am aab adeppanu uɗime?” oɗ metta aum, amge Jesus oɗeppa nakok laa ii awom.

Jon 20:31

Amge yaak imu daatte amu, ⌊ag ebqetteb ele,⌋ ag ebqenana, ag Jesus, Nug am Kristus, Kayak Bekka daatte, ag amu doona, oolagppa genab dooglagnu daatte. Amu yaak imu daatte amu, yaak amuam ag Jesusnu ooppa genab doyakppa ag bauklel hanhannu aotteb oolagppa genab dooglagnu ele daatte.

Jon 6:69

Ig na dooidta, oonigppa genab ele doottem; na aakkuib am Kayak Bekka Oppiaawak Ele,” awa aum.

Jon 8:25

Jesus anam a amu ag Nug oɗ medappig. “Na am aun?” appig. Aeg am Jesus Nug aum. “Da tatam ai dooppig ele, da am anamnab aakkuib.

2 Korint 1:19

Aɗinu? Silas, Timoti amu da ele ig ag oolagppa nai mehuqmut amu, nai amuam Kayak Bekka, Jesus Kristusnu nai. Amu Kristus Nug “ao” amu “iitta” ele ii ouaqatom. Iitta. Kristus Nug aɗi atte am genabib atte.

1 Pita 2:23

Danab ag nuhignu nai eheɗ appig, amge Nug nai eheɗ ahilagnu nob ii meum. Nug guittak awom, amge nuhig guittak amunu Nug ag nob nau aoglagnu ii aum. Jesus Nug amu ii heum, me Nug Kayak, epeɗiakppa keeke oh eleleppaib epeɗidtte amu, Nug nukka Nug beɗu oh Nug eppegppa meum.

1 Samuel 14:24

Amu Saul nug deɗ amuppa Kayak onig awa, nuhig nai ɠagattag qetta, inam aum. “Israel daup laa nug deɗ imuppa, aam ii noobob, da dahilad kekeɗ nob nau elele ii madappi, ee nakok laa lakku dayeb amu, nug eheɗ laa awaknu anak waappa dayaɗ!” awa aum. Saul nug anam aum, Israel ag oolagppan laa nug ee nakok laa ii laum amunu, ag uug nau daan oippig.

1 Samuel 14:28

Jonatan nug uppuh leppu amu lana male, daup laa nug amegppa aum. “Na mamen nug Kayak onig awa, ig nuhikkud daup, ig gemu ee laa lamatanu nai ɠagattag qetta inam aum. ‘Danab laa nug ee laa lakku dayeb amu, nug eheɗ laa awaknu anak waappa dayaɗ!’ awa aum. Nug anam aum amunu, ig daup nuhikkud, ig gai-iitta oittem,” awa aum.