Matyu 26:61 - Nobonob Baibel

⁶¹ beya apiɗ. “Danab imu nug, ‘Da Kayaknu mettid lag heppi nauheb, deɗ ewam ooppa da eɗue hekkulnu elele,’ aum,” aoi apiɗ.

Matyu 26:61 ပူးပေါင်းရင်းမြစ်များ

Genesis 19:9

Lot anam a amu, Sodom danab ag appig. “Na qe me!” Awona amu, ag akka akka appig. “Danab imu nug ig ted iitta. Nug wan laihnu danab nug uɗia, ihinig epeɗiak danab bia daakkunu hette,” appig. Ag akka akka anam ana amu, ag Lot amegppa baula appig. “Aakku amunu, ig danab aɗit dilahppa kobol nau hekkunig, amge nahip-ppa amu, ig kobol naunab hekkunig,” aon appig. Anam ana amu, ag Lot duttuneg, nug bittumttum ukke, ag od panaglagnu gukkuidna wappig.

1 King 22:27

aa amelahppa inam appeg doyeɗ! ‘King nug inam atte. Aa danab imu aoya, maniguittakppa mewoya, bret, le ele nakokib medapeɗ dayebeb ukkeb, ban maleb, da maɗoɗ ele eɗue uɗikkul batak,’ ” awa aum.

2 King 9:11

Propet nug anam ana mala, qaiqaɗ ukke, Jehu nug eɗua laikkud ban daup ikki laala gumatta ukke, amu ag inam oɗ medappig. “Keeke eheɗ laa beumte? Keeke oh amu enaibtte daatte? Kaaka danab amu aɗinu uɗia na anittom?” aon oɗ medappig. Oɗ mettaeg amu, Jehu nug nai amu nob ma, inam aum. “Danab amunu amu, ag nuhig hak, amu nuhig mattiak ele ag aakku dootteb,” awa aum.

Aisaia 49:7

Yawe, Nug am Israel, ahilag qagaiettakppanu eɗua uhuqaknu ehanittak daatte, Nug Israel dilag Kayak Oppiaawak Ele amu, Nug nuhig maɗi nid, laa ag nuhig danab amunu oolagppa ena iinab dootteb, nuhig danab amu Nug wanppan okkai dilag maɗi nid daatte amu, Nug nug amegppa atte. “King ag na anidna, ag ahaglag. Danab okkai laa ag na anidna, ag dup nona, gomelna daaglag,” awa atte Ag amu hekkulagnu diig am, Yawe Nug nuhig diignu oo metta ii uuak kobol dim lamidtte; Nug aɗi hekkunu atte amu, Nug hette, ag amu anidkkulag. Ao, ag amu hekkulagnu diig am, ag Yawe, Nug Israel, ahilag Kayak Oppiaawak Ele, ag Nug na tituanittom amu, ag Nug anam heum anidkkulag.

Aisaia 53:3

Danab ah ag nuhignu ena iinab doon, ag nug guhuɗidppig. Nug bau dayaya, nug oo doyak huanaknab doyaya, guittak huanak ele doyom. Danab ah ag laa, ag nug nakok laa anidkkulagnu oolag iinab hette amu, ag Yawenu maɗi nidnu ena iinab dooppig. Ig nug binag nakok laa ii mettamut.

Matyu 12:24

Amge haen ɗo gumak danab-Parasia ag amu doon, ag inam appig. “Umu Nug ouɗi nau ikkilag Belsebub, Nug nuhig ɠagattagppa aakkuib ouɗi nau lamadtte,” aon appig.

Matyu 26:62

Aa anam aeh amu mana mettak ikki danab nug hibaitta, Jesus oɗ mettom. “Nai amunu amu, na nob iite memana? Nai anak amuam genab o genab iitta?” awa aum.

Matyu 26:71

Nug awona amu aha wana, lagnu haɗap odppa ukka dayeye, maɗi nid ahin laa na, nug danab appa daappig ele amelagppa aum. “Danab imu nug anukka Jesus, Nasaret ted ele oipiɗ,” awa aum.

Matyu 27:40

“Na, na am Kayaknu mettid lag loppaɗna, eɗun deɗ ewamppaib hekkutnu ame amu, na Kayak Bekka daattem dayeb, na nakka na ehanidna, na beɗun uhuqna, na ad emaitakppanu nee!” aon appig.

Matyu 27:5

Ag anam aeg amu, Judas nug men doɗo amu Kayaknu mettid lag ooppa mawe ukke, nug ukka, muɗippa aiha mauhom.

Mak 14:58

“Danab imu Nug inam a doomuɗ. ‘Da Kayaknu mettid lag imu, danab eppelagppa heppig ele amu, da heppi nauheb, da deɗ ewam ooppa, da bau hekkul, amge da eppelppa ii hepa.’ Nug anam aum,” aoya apiɗ.

Mak 15:29

Aria, danab ah ag nug noobppa dona wanana, ag ikkilag matuɗna, aon aon qettanna inam appig. “O na, na am Kayaknu mettid lag loppaɗna, eɗun deɗ ewamppaib hekkutnu ame amu,

Luk 23:2

Ag gona, appa ahan, nug beɗuppa nai huanak yaan appig. “Ig danab imu anittutut, Nug ihinkad danab hambuppualadtte. Nug ig Sisarnu takis mematanu gun ma, Nug nugakka hume attan te, Nug atte. ‘Da Kristus, da king laa,’ awa aum,” aon appig.

Jon 9:29

Ig doottem, Kayak Nug Moses nai mettom, amge danab imu am adebtagnu uɗiom amu, ig ii doottem,” aon appig.

Aposel 17:18

Amu nug anam heehe, aria doyak danab ameg aɗit daappig, ag nug ele aeg ona aeg doum. Doyak danab ameg laa amu ag doyak onig Epikuriannu doyak, ag amunu nai aɗappig, laa amu ag doyak onig Stoiknu doyak, ag amunu nai aɗappig. Doyak danab amu ag oolagppa laala Polnu inam appig. “Danab umu nug aɗi nai mauhnoak maditte?” Aegeg, Pol nug Jesusnu Nai Ena, Nug mauhakppanu eɗua hibaittomnu ele mattiom amunu, laa ag appig. “Nug aab laappan dilag kayak, ig ii doottem ele, amunutai nai mehuqtte,” aon appig.

Aposel 18:13

Ag Pol aon hettoɗiak abenppa gona, ag nuhigppa nai yaan, inam appig. “Danab imu nug danab ah oh ag ɗo nai daatte amu tabappeg neebeb, ag kobol laappa Kayak noobppa dup nona binag mekkulagnu ippunadtte,” aon appig.

Aposel 22:22

Pol nug nai amu mattie, Juda danab ag Pol nai mattiom amu doyeg ukke ukke, nug iitta aɗi gumatta gokkunu aum, haen amuppa ag ahan, huana qattiɗna, baalag okkaippa eppig. “Qeppeg mauhaɗ! Danab anam amu nug wanppa bau daakkunu elele iitta,” aon eppig.