Matyu 26:53 - Nobonob Baibel

⁵³ Na iite doottem? Da Mama amegppa ehaniɗkkunu appi amu, pahanab nuhikkud engel daup kuɗumnab, ban danab ameg 12 eɗattak, da meɗakku.

Matyu 26:53 ပူးပေါင်းရင်းမြစ်များ

2 King 6:17

Elisa nug anam awowa, nug inam unuqittom. “O Yawe, dahil maɗi nid ameg oppatppe, ig ehanigkkulagnu ameg naɗi daatteb amu, nug anadkkunu oɗ medattem,” awa unuqittom. Aria, Yawe Nug maɗi nid amu ameg oppate, hos, bannu karis ele kuɗumnab qauko nakok kuɗum Elisa daatteppa, ag amuppa elele mette, ambena daaegeg anattom. Hos am bannu karis ele daappig anttom amu, ag am aab aɗu, amge aab aɗu amu dottog am hos, bannu karis dottolag dayom.

Daniel 7:10

Le noa gotte, amubia Nug dayomppa aab aɗu le bia, noa ukkom. Engel tausen gane ag Nug ehanidna daaegeg, milion gane ag Nug noobppa daappig. Nug he, laa ag hettoɗiakppa epeɗiak danab daaglagnu daappig ele, ag heɗep nena daaegeg, ⌊ag epeɗiak uɗat hekkulagnu⌋ laa buk kolattom. ⌊Buk amuppa danab ah ag attem attem wanppa daanna heppignu nai am daatte.⌋

Matyu 25:31

Jesus Nug anam ana Nug nai tuɗitta aum. “Dimppa haen Danab Bekkalag da, da binal amahlak oppiaawak ele uɗippi, engel oh ele uɗignig, haen amuppa da sia king binag amahlak oppiaawak ele dahilppa daakkul.

Matyu 4:11

Jesus Nug anam a amu, Satan Jesus uuittom. Uuitte, amu engel ag nena, Jesus ehanidppig.

Mak 5:15

Ag gona, Jesus gumidna gona, ag danab amu dayeye anidppig. Anukka nug ouɗi nau kuɗum qalittak ele dayom, amge haen laa ag aɗi beum anidkkulagnu goppig amu, haen amuppa nug lamen takka, dabmak ena ele toetta dayom. Anam dayeye anidna, ag baɗappig.

Mak 5:9

Aria, Jesus Nug ouɗi nau oɗ mettom. “Na onin aun?” Oɗ mette amu ouɗi nau nug aum. “Ig am kuɗumnab amunu da onil am, ‘Daup Kuɗum,’ ” awa aum.

Luk 8:30

Aria, Jesus Nug oɗ mettom. “Na onin aun?” Awa oɗ mette amu, nug aum. “Da onil am, ‘Daup kuɗum,’ ” awa aum. Aɗinu? Ouɗi nau kuɗumnab nug ooppa nona daappig.

Jon 10:18

Laa nug heeb, bau dahil iitta mekkunu am iitta; da dakka dahil bau heppi iitta mekku. Da dahil bau dayak heppi iitta mekkunu ehah ele, amu da bau dayak dahil eɗue aokkulnu, da ehah amu ele. Da haknunab anak amu Mamenu aomi,” awa aum.

Jon 18:36

Pailat anam a amu Jesus aum. “Dahil ɗo maɗoɗ am wan imuppan iitta. Dahil ɗo maɗoɗ wan imuppanulob amu dahilad danab ag ban heppeg, Juda okkai ag da ii aɗailob. Amge dahil ɗo maɗoɗ amu ippanu iitta,” awa aum.

2 Tesalonaika 1:7

Nug ag uug dootteb ele amu, haen ena matta, Nug ig ele haen ena megakku. Naɗi Jesus eɗua, aab aɗu amu engel ɠagattag nuhikkud ele ag hab attannu miag atiak nekkulag, haen amuppa Kayak Nug kobol amu hekku.

Jut 1:14

Enok, nug am Adamnu buɗub buɗub uɗiak eblaih aɗit ele batak amu, nug danab laa amelagppa propet nai danab nau imu dilag mehuqa inam aum. “Antteg! Naɗi amu nuhikkud engel kuɗumnab, ebaqaknu elele iitta uɗitteb. Nug hettoɗiakppa, wanppan danab ah oh epeɗiaknu, Nug heeb, danab ag nuhignu, hak nuhignu ele uuak danab daan, ag Kayaknu, hak nuhignu ele uuak kobol dim lamidna, Kayaknu, hak nuhignu ele uuak kobol nau heppig miag atiak dooglagnu, hipunin danab Kayaknu, hak nuhignu ele uuak danab daan, ag nai nau oh Kayaknu madippig, ag amu miag atiak dooglagnu, Kayak amu nuhikkud engel ele uɗitteb.”