Matyu 26:5 - Nobonob Baibel

⁵ Ag hettoɗiak hena amu ag appig. “Danab ah ag nug qemana, muttub ele qemananu amu, ig Pasowanu Hobul haenppa Jesus ii aɗamta,” aon appig.

Matyu 26:5 ပူးပေါင်းရင်းမြစ်များ

Sam 76:10

Danab ah ag nahip oppoɗi bak eheɗ haknu anidtteb amu, ag na onin humidtteb. Ao, laa ag nahip oppoɗi bak anidna dootteb ele amu, ag nau haknu uutteb.

Prowerb 19:21

Danab ag keeke laala haknu maittak digdig kuɗum aotteb; amge Yawe Nug aɗi bekkunu oo daatte ele amu, gog takppa amuib aakku bette.

Prowerb 21:30

Doyak dabmak ena ele laa, o diignu doyak tutukku laa, o maittak awak laa; amu oh oolagppanu Yawe eɗidkkunu elele iitta.

Aisaia 46:10

Da digmak haenppa keeke laanu gogppa tak haenppa bekku amu hei, miag atitte. Da anukkanab aɗi keeke butti aɗi bekku ai dooppig. Da attem. ‘Da aɗi keeke dabmein attem amu, da hei bette. Da aɗi oh hekkulnu hettem amu, da hekkul.’

Gayak Nai 3:37

Naɗi Nug keeke laa bekkunu ii aum dayeb amu; laa nug ab bekkute?

Matyu 14:5

Amu nug Jon qeeb mauhkkunu heum, amge nug danab ah dilag baɗom. Aɗinu? Danab ah ag Jonnu, “Nug am Kayaknu propet,” aon appig.

Matyu 21:26

Amge ig, ‘Danabnu keeke,’ akkunig amu, danab oh ag Jonnu, nug am propet dootteb amunu, ig ahilagnu baɗattem,” akka akka aon appig.

Matyu 27:24

Aeg amu, Pailat nug doyom, nug heeb, ag Jesus ii mauhmanu ii amana. Iitta. Ele amu, nug qak bekkunu daye anttom amunu, nug le awa, danab ah oh amelagppa eppeg ihaaha nug aum. “Danab imu mauhkku amu, mauhak amunu aab am dahil iitta. Ag ahilag hipuninib daakku,” awa aum.

Mak 14:12

Aria, Bret Yis Iitta Lanaknu Hobul Nakok deɗ tatamnu ne, deɗ amu Juda danab ag Pasowa Hobulnu sipsip nakkud aqadttappig ele, deɗ amuppa Jesusnu ippunittak awak danab ag dona, Jesus oɗ medappig. “Na Pasowanu ee lakkutnu amu, ig amunu adeppa bappaidkkunignu oot daatte,” aon appig.

Mak 14:2

Amu ag keeke amu hekkulagnu inam appig. “Danab ah nug qemana, muttub ele qemananu amu, ig Pasowanu Hobul haenppa Jesus ii aɗamta,” aon appig.

Mak 14:27

Ag gona tena, Jesus Nug aum. “Kayak naippa yaak laa niitte am inam. ‘Da sipsip gumak danab qeppi mauheb, sipsip ag oh oolna matatun gokkulag,’ amunu, yaak amubia, gemu tuqan imu ag oh uuiɗna oolna gokkulag.

Luk 20:6

Amge ig, ‘Danabnu keeke,’ apput am, geha danab oh ag Layattak Jonnu, nug am propet oolagppa genab dootteb amunu, ag menppa iqaglag,” aon appig.

Luk 22:7

Aria, Bret Yis Iitta Lanaknu Hobul Nakok deɗ tatamnu neum. Kayak Nug anukka ag deɗ amuppa Pasowa Hobulnu sipsip nakkud aqaglagnu ɗo meum.

Jon 18:28

Matuk gaye amu buttuanab ag Jesus Kaiapas toppanu aona, gawananu lag enanagnabppa goppig, amge ag akka ag gawana laug ooppa ii noppig. Iitta. Ag Pasowanu Hobulnu ee lakkulagnu oolag he, ag oolagppa, “Gawana imu nug Juda iitta, ihinig ɗoppa ig nug laug ooppa gokkunig dayeb, ig Kayak ele ouqa dayaknu elele iitta daagnig. Ig anam daatta amu, ig Pasowanu Hobulnu ee ele lakkunignu elele iitta daagnig amunu, ig lag ooppa ii gomata,” anana, lag ooppa ii goppig.

Aposel 19:29

Ag anam aon eeg amu ewak baag naɗinab aab okkai amuppa ahehe, danab ah oh ag muttub qenana, ag ahan oh qaiqaɗ qagmak abenppa gonana, ag Gaius, Aristarkus ele aɗualatna eeɗatna ag ele oh goppig. Aa amu Makedonia danab aɗit, aa Pol ele oh oippig.

Aposel 21:38

Amu na am Isip danab nug nakok matu gabman ele ban hekkulagnu haaha, nug aha, danab 4,000 gabman ele ban hekkulagnu diie, qep elab aɗaegeg omalatte, ag atu taɗakppa goppig amu, na am nug iittatai? Na am aun?” awa oɗ mettom.

Aposel 4:28

Ag anam hekkulagnu qagmena anam heppig amu, Kayak na nahip ɠagattagppa, nahip doyak dabmak ena eleppa keeke oh anam bekkunu anukka ib amunu ame amu, ag amuib heppig.