Matyu 26:48 - Nobonob Baibel

⁴⁸ Amu Judas, nug Jesus dimug meum amu, nug tatam ag Jesus aɗaglagnu epponak keeke laa hekkunu amelagppa inam aum. “Da geha laa ootuqidkkul amu, danab amu aakkuib. Ag Nug aɗeg!” awa aum.

Matyu 26:48 ပူးပေါင်းရင်းမြစ်များ

2 Samuel 3:27

Anam daye, haen Apner nug eɗua Hebron uɗie amu, Joap nug aabnu aɗ odppa dayaya, nug Apner ele aa laih danab ii daattebppa goya, aya daayya, nai mattiglahnu he goya, appa Joap nug Apner big qep-ppa ye mauhom. Apner nug Asahel ye mauhom amunu, Joap nug gemu nob ma, Apner ye mauhom.

Sam 28:3

Na da am nau hak danab ele oh bu mekkamnanu oɗ medattem. Ao, na da danab ah eheɗ hetteb ele laippu bu mekkamnanu unuqidttem. Ag am lailkad mudippan laippu ele nai ena maditteb, amge ag, ag ele nai mattinna amu, ag aɗi eheɗ ahilagppa hekkulagnu oo maittak aotteb.

Matyu 26:47

Jesus anam nai mattieye amu, ippunittak awak danab 12 oolagppanu laa onig Judas, amu danab kuɗum ele, danab amu ag qep elab, daɗib ele aɗappig amu, ag uɗippig. Mana mettak danab okkai amu Juda dilag ikki danab ele ag heeg, danab amu, Judas ele uɗippig.

Matyu 26:49

Aria, ag uɗina, Judas nug pahanab Jesus gumitta ukka, “Tuqan ena Ippunittak Danab,” awowa, nug ootuqittom.

Mak 14:44

Amu Judas, nug Jesus dimug meum amu, nug tatam ag Jesus aɗaglagnu epponak keeke laa hekkunu amelagppa inam aum. “Da geha laa ootuqidkkul amu, danab amu aakkuib. Ag Nug aakkude aɗan, atognona, aon ukkeg!” awa aum.