Matyu 26:31 - Nobonob Baibel

³¹ Ag gona, Jesus Nug ag amelagppa aum. “Kayak naippa yaak laa niitte am inam. ‘Da sipsip gumak danab qeppi mauheb, sipsip ag oolna matatun gokkulag,’ amunu yaak amubia, gemu tuqan imu ag oh dahilnu uug doon, uuiɗna oolna gokkulag.

Matyu 26:31 ပူးပေါင်းရင်းမြစ်များ

Sam 38:11

Da lailad ag da oɗe aomi imunu aomnanu baɗatteb amunu, ag da gukkuiɗna uɗin ii daatteb. Da baeladppanab ag ele laih uma daatteb.

Sam 69:20

Ag dahilnu, “Keeke hamunab,” doyegeg, da keeke laa hekkulnu elele iitta. Da oo doyak laala awaknu dabmemi, amge iittanab. Ao, da danab laa, da oo mak meɗakunu neegmi, amge laal iitta.

Sam 88:18

Na he, da lailad, da ele tiinig laippu, ag da uuiɗppig. Ao, da layal laippuib da ele daattep, amuam gatatu, ⌊amunu O Yawe, da nahip ehanittak ameg mettem.⌋

Aisaia 53:10

⌊Ag Yawenu maɗi nidnu anam ii helob⌋, amge ⌊ihinig hipunin uhuqkkunu ib laa iitta amunu,⌋ Yawe Nug nuhig maɗi nid nug amu maokkunu aum. Yo, ⌊ihinig hipunin uhuqkkunu ib laa iitta amunu,⌋ Yawe Nug ag nuhig maɗi nid guittak anam mettaglagnu ib babaittom. Yawe Nug he, nuhig maɗi nid nug eheɗ haknu ofa dayom amunu, Yawe Nug heeb, nuhig maɗi nid nug buɗub ele dayaya, buɗub anadkku. Nug dayaya heeb, Yawenu dabmak am ena ma, okkai mekku.

Gayak Nai 1:19

Laa ig ele ig nug ehanittak hekkunignu nug tituanta nai qakkamut amu, ig ag onilagppa emut, amge ag uɗin ehanikkulagnu uun, kekeɗ ehanadppig. Ge, ig Juda amu, ig ihinig mana mettak danab, ihinkad ikki danab ele ag aab okkai ooppa bau daaglagnu ee mattinna, enugnu mauhadppig.

Sekaraia 13:7

Yawe Nukka Ɠagattag Oh Ele Nug atte. “Qep elab, na ahan, dahil sipsip gumak danab qe! Ge, qep elab, na danab da gukkuiɗak daatte ele qe! Qep elab am sipsip gumak danab qeeb amu, sipsip, ⌊dahilad danab ah amu,⌋ ag oolna, matatun gokkulag. Anam, amge da dahiladnab sipsip gumak danab sipsip nakkud bekkadtte bia atognoadkkul.

Matyu 11:6

Amu danab aun nug nuhig ooppa genab doyak dahilnu ii paɗe nette amu, nug itittak ena awom daatte,” awa aum.

Matyu 26:24

Danab Bekkalag da, Kayak nai atte amubianab da mauhkkul, amge danab nug Danab Bekkalag da, kekeɗ eppelagppa meiɗkku amu, nuhignu gadonnab gadon. Nug anig nug ii menulo am ena,” awa aum.

Matyu 26:56

Amge keeke imu oh amu propet nai yaappig, amu meu medatte,” awa aum. Anam a amu ippunittak awak danab oh ag Nug uuidna oolna goppig.

Jon 16:32

Antteg! Haen aakku miag uɗiom. Ao, haen aakku doum. Laa ag ag lamadppeg, da uuiɗna, matatun appalagppa ukkadkkulag. Amge da dakka ii daapa. Iitta. Da Mamel Nug da ele daagnih.