Matyu 26:24 - Nobonob Baibel

²⁴ Danab Bekkalag da, Kayak nai atte amubianab da mauhkkul, amge danab nug Danab Bekkalag da, kekeɗ eppelagppa meiɗkku amu, nuhignu gadonnab gadon. Nug anig nug ii menulo am ena,” awa aum.

Matyu 26:24 ပူးပေါင်းရင်းမြစ်များ

Genesis 3:15

Amu da heppi, na ah ele gamalahppa hanhan kekeɗ daakku. Ele amu, ah buɗub, amu na buɗun ele gamagppa kekeɗ daakku. Amu ah buɗub laa aha, na ikkin tappeb toɗeb, na danab amu baeg bittub heppe hinqekku,” awa aum.

Sam 55:15

Dahil kekeɗ ag hanhan kobol nauib hetteb amunu, ag dab-ii-menana mauhkkulagnu ool daatte. Ao, ag paha moɗppa nokkulagnu ool daatte.

Sam 55:23

Amge, O Kayak, na nau hak danab hadappe nauhna iitta mekkulag. Laa makkuɗe mauhak danab, amu hambuppuak danab ele, ag danab bau daanna, ag mauhkkulag, amge na da padal mepanu ehaniɗkkutnu oolppa genab doottem.

Daniel 9:26

Amge haen maha 62 amu dimugppa ⌊huu laa⌋ ag heppeg, laa king daakkunu goɗen gokkaɗakppa tituanak ele, nug king ii daama, nuhig ehanittak laa ele ii daama. Wan laappan okkai, dimppa aha amu, nug nuhikkud daup ele ag uɗin, Jerusalem, Kayaknu mettid lag ele heppeg nauhkku. Ag le ui uɗia keeke he nauhtte, amubia ag Jerusalem, Kayaknu mettid lag ele heppeg nauhkkulah. Aria, amu dimppa ukkeb ukkeb, gog tak haen batak amu, ban hak, keeke heeb nauhak ele daakku.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Sekaraia 13:7

Yawe Nukka Ɠagattag Oh Ele Nug atte. “Qep elab, na ahan, dahil sipsip gumak danab qe! Ge, qep elab, na danab da gukkuiɗak daatte ele qe! Qep elab am sipsip gumak danab qeeb amu, sipsip, ⌊dahilad danab ah amu,⌋ ag oolna, matatun gokkulag. Anam, amge da dahiladnab sipsip gumak danab sipsip nakkud bekkadtte bia atognoadkkul.

Matyu 18:7

Wan imuppan danab ag laala hipunin hekkulagnu eeɗadtteb amu, ahilagnu gadonnab gadon. Kobol amuam genabnab daatte, amge danab nug anam hette, nuhignu am gadonnab gadon.

Matyu 26:31

Ag gona, Jesus Nug ag amelagppa aum. “Kayak naippa yaak laa niitte am inam. ‘Da sipsip gumak danab qeppi mauheb, sipsip ag oolna matatun gokkulag,’ amunu yaak amubia, gemu tuqan imu ag oh dahilnu uug doon, uuiɗna oolna gokkulag.

Matyu 26:54

Amge da anam heppi amu, Kayak nai attem genab bekku? Kayak nai nug imu bekkunu atte amu, nug anamib bekku,” awa aum.

Matyu 26:56

Amge keeke imu oh amu propet nai yaappig, amu meu medatte,” awa aum. Anam a amu ippunittak awak danab oh ag Nug uuidna oolna goppig.

Mak 14:21

Danab Bekkalag da, Kayak nai atte amubianab, da mauhkkul, amge danab nug da kekeɗ eppelagppa meiɗkku amu, nuhignu gadonnab gadon. Nug anig nug ii menulo am ena,” awa aum.

Mak 9:12

Ag anam aeg amu Jesus Nug aum. “Ɗo mehuqak danab ag, ‘Elaiya nug tatam uɗia, keeke oh bappaidkku,’ atteb amu, ag genab atteb, amge ag dahilad, ag Kayak nai laa ele dabmekkulag. Nai amuam inam. ‘Danab Bekkalag da, da guittak dooppi geɗilkkulag.’

Luk 22:22

Danab Bekkalag da, da Kayak anukka aum amubia mauhkkul, amge danab nug da kekeɗ eppelagppa meiɗkku amu, nuhignu gadonnab gadon,” awa aum.

Luk 24:46

amelagppa aum. “Anukkanu uɗiak amu, Kayaknu nai yaappig ele am inam ippunigtte. Kristus Nug guittak awa mauhowa, deɗ ewamppa nug eɗua hippaidkku. Am anam ippunigtte.

Jon 17:12

Na onin na da meɗame amu, da ag ele daamut haenppa da onin amuppa ag ⌊nena qemananu⌋ dabmattami. Da ahilag guppiɗ ele daami amunu, laa ii qettoɗom; laippu aakkuib, nug am ib appiɗittak danab, nug aakkuib Kayaknu ib apiɗitta qettoɗom amunu, Kayak nai meu oum.

Jon 19:24

amunu, daup danab ag appig. “Ig lamen imu iitai pattiɗmata. Ig om yaakppa heta, ig oonigppanu aun ig laa oh eɗikka amu, nug aokku” aon appig. Ag anam heeg amu Kayak naippa, nai laa daatte amu elele mettom. Nai amuam inam. “Ag lamen dahil otin, akka akka aotteb. Yo, ag om yaan, lamen dahil aotteb.” Daup danab ag anam heppig.

Jon 19:28

Keeke amu oh ba male amu Jesus doyom, uɗat nuhig oh aakku ha malak dayom amunu, Kayak naippa yaak laa daatte, amu elele medakkunu, Jesus aum. “Da le baal diitte,” awa aum.

Aposel 2:23

Kayak Nug anukka nuhig doyakppa anam hekkunu nai mattiom, amu Nug Jesus awa, ag eppelagppa me, ag danab nau, ahilag ehanittakppa, ag ad emaitakppa atulna, qeeg mauhom.

Aposel 28:23

Ag Pol ele nai anam mattiona amu, ag deɗ meeg, deɗ amuppa danab ah kuɗum ag Pol gumidna, nug dayom, lag amuppa uɗieg, buttuanu ukke tueb batak nug Kayaknu ɗo maɗoɗnu nai mehuqa, nai Mosesnu ɗoppa niitte, amu propet dilag yaaknu ele, nug nai amuppa ag Jesusnu oolagppa genab dooglagnu, ahilag dabmak maɗetta ippuanatta mattiom.

Aposel 4:28

Ag anam hekkulagnu qagmena anam heppig amu, Kayak na nahip ɠagattagppa, nahip doyak dabmak ena eleppa keeke oh anam bekkunu anukka ib amunu ame amu, ag amuib heppig.

1 Korint 15:3

Da ippunittak aomi amu da nai amu ag amelagppa mehuqi dooppig. Nai amu inam. Kayak naippa nai daatte amubia Kristus Nug ig oh ihinig hipunin uhuqa megakkunu mauhom.