Matyu 25:34 - Nobonob Baibel

³⁴ Anam maattoya, da king daattem amunu, da danab ah naɗiap-ppa maadmi ele amelagppa akkul. ‘Ag inam doig! Mame Nug ag itittak ena mattom! Da Mamel Nug ɗo maɗoɗ ahilagnu haen wan bau beebe babaitta mattom.

Matyu 25:34 ပူးပေါင်းရင်းမြစ်များ

Sam 2:6

Nug amelagppa mattiaya, Nug atte. “Da hei, laa da tituanmi ele, nug Sion appa, king daatte. Ao, qauko Sionnu amu, qauko amu dahilnu tituanak daatte.” Yawe Nug anam awa atte.

Prowerb 11:17

Danab nug oo bodoettak danab daatte amu, nug nukka, nug ehanidtte; amge danab nug laa guittak madakkunu uug laa ii dootte amu, nug nukka nug uug he, beɗuppa bette.

Aisaia 33:22

Aɗinu keeke amu bekku? Yawe Nug ihinig gumak danab daatte. Nug ɗo nuhig ig megatte. Yawe Nug ihinig king daatte. Nug ehanikkebeb padal ii memata.

Aisaia 6:5

Amu oh be, da inam emi. “Dahilnu am gadonnab gadon! Da aakku nauhmi daattem! Aɗinu? Da am danab oppiak ele iitta, amu danab ah da ag oolagppa daattem ele, ag am danab ah oppiak ele iitta, amge da king, Nug Yawe Nukka Ɠagattag Oh Ele, da Nug anidmi,” awe emi.

Aisaia 9:7

Nug am King Dawit ou, Nug geha Dawitnu sia kingppa dayaya, danab ah gumadkku. Gumak uɗat pehettak hekkunu ɠagattag, maɗoɗ ele am haen oh okkai meebeb gokku. Nug Dawit ou daya, Dawitnu sia kingppa dayaya, Nug kobol genab tutukku ele, amu nai doya mala hettoɗia epeɗia elele mettak kobol ele dim lamittebeb, gumak nuhig am okkai, ɠagattag ele beebeb ukkeb, anamib hanhan daakku. Yawe Nukka Ɠagattag Oh Ele, Nugib amunu yag-nab-bak doya heeb, anam bekku.

Daniel 9:25

Daniel, na keeke doon, diignu doyak tutukku aɗe! King laa nug Juda, Israel ele ag gona, Jerusalem eɗun bappaidkkulagnu ɗo laa meeb, haen amuppa digmeeb ukkeb, laa king daakkunu goɗen gokkaɗakppa tituanak ele, nug nuhig gumak abenppa tekku amu, amuam haen maha 7, amu haen maha 62 laa ele; oh am 69 aakku. Ag Jerusalem eɗun bappaidnana, ag aab ooppan ib hena, ag aab dimittim daug daug ohppa, kekeɗ ag talilidna, aab ooppa gomananu le moɗ ele buuglag. Ag haen uug eleppa aab okkai amu eɗun bappaidnana, amu hekkulag; uug haenppa ii helob bia, amge ag anam hekkulag.

Sepanaia 3:15

Aɗinu ag Israel danab ah ag amu hekkulag? Yawe Nug ag bu aoglagnu nai daatte am heeb, bu awak amu am iitta meeb, ag baula ii aomna. Nug ahilkad kekeɗ lamadkku. Yawe, Nug am Israel dilag king daatte, Nug Israel danab oolagppa daakku amunu, ag Israel, ag baula uug naunab laa ahilagppa tekkunu ii baɗamna; iitta.

Matyu 13:35

Nuhig hak amuppa amu, propet laa nai mattiom, nai amu elele mettom. Propet nug inam aum. “Da oɗel oppaten, keeke danab ag dootteb ii dootteb ele ouaqaten ippuanatten, nai madikkul. Da keeke digmak haenppanu lokkumak daye uɗie gemu batak amunu akkul,” awa aum.

Matyu 19:29

Aria, danab aun nug da onilnu ha, nug anig, mameg, awakkud, amakkud, apakkud, appinkkud, nug wau, bekkod, aɗekkud, nug laug amu nuhig dad okkai ele uuatta, da dim lamiɗtte amu, nug hamu ii daama. Iitta. Nug amu bia amge laippuib iitta, nug 100 awa, nug bauklel hanhannu ele aokku.

Matyu 20:23

Aa anam aeh, Jesus Nug amelahppa aum. “Genab, le mua ele da lakkul amu, aa lakkulah, amge aun nug da heqol naɗiap-ppa daakku, aun nug da heqol nanehppa daakku amu, da akkulnu elele iitta. Da mamel Nug aben aɗit amu aunnu babaittom amu, aa aakkuib amuppa daaglah,” awa aum.

Matyu 21:5

Nai amuam inam. “Ag danab ah Sion daatteb amelagppa appeg doyeg! ‘Antteg! King ahilag Nug ahilagppa aakku uɗitte. Nug nukka nug onig qe ne, ⌊Nug danab onig iitta bia,⌋ Nug donki laa attan dayaya, aakku uɗitte. Yo, Nug donki nag laa ⌊nakok okkai meum⌋ attan dayaya, aakku uɗitte’ ”

Matyu 25:21

Anam a amu nuhig okkai nug aum. ‘Na maɗi nid ena, na oo metta ii uuak kobol dim lamidna, uɗat enanag heme. Na keeke nakok amu dabmettan autna aome amunu da heppi, na keeke kuɗum dilag okkai daanna gumadkkut. Na doppe, da ele oonih gamag ahaɗ!’ awa aum.

Matyu 25:23

Amu nuhig okkai nug aum. ‘Na maɗi nid ena, na oo metta ii uuak kobol dim lamidna, uɗat enanag heme. Na keeke nakok amu dabmettan autna aome amunu, da heppi, na keeke kuɗum dilag okkai daanna gumadkkut. Na doppe, da ele oonih gamag ahaɗ!’ awa aum.

Matyu 25:40

Ag anam appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa heppig amu, ag dahilppa heppig,’ awe akkul.

Matyu 25:41

Aria, laa nanehppa daatteb ele, da ag amelagppa akkul. ‘Ag laa ag eheɗ laa awaknu anak waappa daatteb amu, ag uuiɗna ukkeg! Ag aab aɗu ii qauha, hanhan eotte ele, Naɗi Nug Satan, amu nuhikkud engel ele dilag heum amu, ag amuppa ukkeg!

Matyu 27:37

Amu haen Rom danab ag danab ad emaitakppa atuladttappig ele, ag aɗi nai ag beɗulagppa yaappig ele, danab ag amu anidkkulagnu, ag ad mahappa yaana, ad emaitakppa atulppig. Aria, Jesusnu amu, ag Nug igippa ad emaitakppa, ag nai imu yaan atulppig. “Imu Jesus, Nug Juda dilag king.”

Matyu 3:2

Nug nai mehuqaqa inam aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Matyu 5:19

Amunu danab laa nug ɗo nai ooppa ɗo nakoknab laa tippala, nug danab laa ele ag amu hekkulagnu ippunadkku amu, nug onig Kayaknu ɗo maɗoɗppa nakoknab daakku, amge danab ɗo dim lamittatta, danab laa dim lamidkkulagnu ele ippunadkku amu, nug Kayaknu ɗo maɗoɗppa onig okkai ele daakku.

Mak 10:17

Jesus Nug anam ha mala amu Nug ibppa ugekke, danab laa nug qaiqaɗ Jesus gumitta ukka, Jesus baegppa laippun gateg qaun o, nug aum. “Ippunittak danab ena, da attem heina da bauklel hanhannu aokkul?” awa aum.

Mak 10:40

amge aun nug da heqol naɗiap-ppa daakku, aun nug da heqol nanehppa daakku amu, da akkulnu elele iitta. Da Mamel Nug aben aɗit amu aunnu babaittom amu, aa aakkuib amuppa daaglah,” awa aum.

Luk 11:28

Amge Jesus Nug aum. “Anam iitta! Danab ag Kayak nai doon dim lamidtteb ele, ag itittak ena aoppig daatteb,” awa aum.

Luk 11:50

Anam amunu, wan imunu digmakppanu propet aqe mauhak digmak Abel, nug mauhe uɗie, Sekaraia, ag nug qaɗab, Kayak laug ele gamagppa qeeg mauhom, nuhig mauhak batak amu, qe mauhak hipunin amu oh danab ah haen geha imunu ag qaɗelagppa daakku. Da genab ag amelagppa attem. Keeke imu oh am danab ah gemu daatteb ele dilagppa bekku.

Luk 12:32

O lailad, ag aib baɗappig. Da Mamel Nug nuhig ɗo maɗoɗ ag madakkunu oo daatte.

Luk 19:38

Ag Kayak binag human, baalag okkai enan appig. “King nug Naɗi onigppa uɗitte amu, ig Naɗi Nug itidkkunu oonig daatte. Nuhigppa Kayak Nug ig danab, ihinignu oo ena daatte. Ig Kayak Ebehi Ele, Nug binag attannab humatu.”

Jon 1:49

Jesus anam a amu, Nataniel oɗeppa awa aum. “Ippunittak danab, na am Kayak Bekka, na Israel dilag king,” awa aum.

Jon 12:13

Ag anam doona, ag ad pam eppeg uɗug ele qiialadna, Jesus uɗa tekkulagnu gona eppig. “Ig Kayak onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Naɗi Nug Israel dilag king itidkkunu oonig daatte!” aon appig.

Jon 17:24

Mame, danab na da meɗame amu, haen da binag amahlak oppiaawak ele daakkul, haen amuppa ag da ele aben amuppa daagnignu ool daatte. Ag da binag amahlak oppiaawak ele anukka wan ii dayomppa na dahilnu oot mauhom, gemu ele oot mauhtte amunu, na da meɗame amu, ag amu anidkkulagnu ool daatte.

Jon 19:15

Anam a amu Juda ag eppig. “Heppe nug mauhaɗ! Heppe nug mauhaɗ! Ad emaitakppa atule!” aon eppig. Anam eeg am Pailat oɗ mattom. “Ahilag King amu da ad emaitakppa atulkkulnu oolag daattete?” awa aum. Pailat nug anam a amu, mana mettak danab okkai ag inam appig. “Ig king laa iitta; Sisar aakkuib!” aon appig.

Aposel 15:18

Anukka Kayak Nug nai amu mattia aum, amu gemu ele Nug anamib atte.

Aposel 3:26

Anam amunu Israel danab, Kayak Nug heeb, ag oh anen anen ag hak nau ahilag uun, Nug dim lamidkkulagnu itittak amu madakkunu, Kayak Nug nuhig maɗi nid otia, ahilagppa tatam me uɗiom,” awa aum.

Rom 8:17

Amu ig Kayak bekkod daattem dayeb, ig geha keeke Nug megakkunu dabmette ele aognig. Laa ele amu, Kayak Nug keeke Kristus medakkunu dabmette amu, ig Nug ele oh amu aognig. Yo, ig Kristus uug mawom, uug amu genab tuɗidta maognig dayeb, dimppa ig Nug hab aabppa dayak enanag awom ele, ig amu ele aognig.

1 Korint 15:50

O lailad, da ag amelagppa attem. Wanppan beɗu nug Kayaknu ɗo maɗoɗppa daakkunu elele iitta. Keeke beɗatte ele, amuam wanppan beɗu, amu keeke ii beɗatte ele, amuam Kayaknu ɗo maɗoɗ, amuppa daakkunu elele iitta.

1 Korint 2:9

Kayak naippa, nai inam daatte. “Kayak Nug keeke ena ena, danab ag nuhignu oolag mauhtte ele madakkunu babaittom amu, keeke amuam danab laa nug amegppa ii anttom, daugppa ele ii doyom, dabmakppa ele ii beum. Keeke enanagnab.”

1 Korint 6:9

Ag imu iite dootteb? Danab ag nau hetteb ele amu, ag Kayaknu ɗo maɗoɗ ooppa ii daamna. Na nakka nahipnu aib hambuppume. Aun aɗi ag gappai hetteb, o aun aɗi ag kayak hambuppuak binalag metteb, o aun aɗi ag ewau pakkua gappai hak danab daatteb, o aun aɗi ag danab danabib, o ah ahib gappai aɗatteb,

Galesia 5:21

laanu ameg qe oo elele ii dayak kobol, le ɠagattag la kaaka qak kobol, goɗak qiɗ nau ele hak kobol, amu hak nau iɗu iɗu ele aakku daatte. Da anukka ag amelagppa ami, amu gemu baula ag amelagppa attem. Danab oh ag kobol amu hetteb amu, ag Kayaknu ɗo maɗoɗ ii aomna.

Epesus 5:5

Aɗinu? Ag dootteb, gappai danab, danab nug ooppa oppiaawak iitta, amu baubau awaknu hik qak danab, danab amu nug kayak hambuppuak dim lamidtte, danab amunu laa nug Kayak, Kristus ele dilah ɗo maɗoɗ ooppa ii daama.

1 Tesalonaika 2:12

ig oo ɠagattag qaknu nai ag amelagppa mattitta, ig oo maɗoɗ dayaknu nai ele mattitta, ig ag Kayak Nug oo niitte bia elele oiglagnu nai mattamut. Kayak Nug, Nug ag nuhig ɗo maɗoɗppa, binag amahlak oppiaawak nuhig ele aon daaglagnu ag onilagppa ette.

2 Timoti 2:12

Ig uug maognignu ɠagattag daattem dayeb; ig Nug ele keeke oh gumadkkunig. Ig Nug dimettagnig dayeb; Nug ig ele dimegakku.

2 Timoti 4:8

amu gemu nob ena da aokkulnu amu, Kayak Nug aakku meum daatte. Nob ena amu Naɗi, Nug danab ah tutukkuib epeɗiadtte ele, Nug eɗua hibaittaknu deɗppa da meɗakku. Amge dakkaib iitta. Aun laa oh ag Nug eɗua uɗikkunu tappaɗidna daatteb ele, Nug ag ele madakku.

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.

Hibru 11:16

amge anam am iitta. Ag appalag ena dimppanu, hab aabppa amunuib dabmeppig amunu Kayak Nug, “Da ahilag Kayak,” akkunu amu uɗa ii nette. Iitta. Nug aab enanag, ag daaglagnu babaittom daatte.

Hibru 4:3

Aria ig Jesusnu oonigppa genab doomut ele amu, ig amunu Kayak aum bia aakku Kayaknu hik awak aottem, amge laa ag oolagppa genab ii dootteb ele, Kayak Nug ahilagnu inam aum. “Anam amunu, da ool nauhe, da keeke laa hekkulnu dahil nai ɠagattag qein ami. ‘Danab ah amu ag hik awak dahil iinab aomna.’ ” Nug hik awak amu ii babaittom amunu, ag ii aoppig am iitta. Nug hik awak amu matu digmak haenppa babaittom daatte. Ag oolagppa genab ii dooppig amunu, ag ii aoppig.

Hibru 9:26

Nug laa hetteb bia helo amu Nug haen kuɗum, Kayak wan heum uɗie, gemu haen imu ele guittak awawa daalo, amge anam iitta. Haen nakok malele, Kristus Nug haen laippu aakkuib wanppa na, hipunin uhuqkkunu nukka Nug beɗu mana mettak bia Kayak mettom.

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.

1 Pita 3:9

Amu na layap nug nahip-ppa laa eheɗ heeb amu, na aib nob mena nuhigppa eheɗ heme. O iitta nug nai eheɗ laa nahipnu ab amu, na aib nob mena nai eheɗ nuhignu ame. Iitta. Na Kayak Nug itittak ena medakkunu unuqitte! Aɗinu? Ag itittak ena aoglagnu Kayak Nug ag anam hekkulagnu onilagppa eum.

Revelesen 13:8

Danab ag wanppa daatteb ele amu, ag oh nug noobppa dup nona binag menana unuqidkkulag. Yo, danab ah oh, ag onilag Sipsip Nag mauhom ele amu nuhig buk laa, onig Bauklel Awe Onig Yaaknu Buk, buk amuppa ii yaak amu, ag oh doɗ dakkuɗ noobppa dup nona binag mekkulag. Sipsip Nag mauhom ele amu, Kayak Nug anukkanab, wan digma heum haenppa, Nug anam mauhkkunu dabmeum.

Revelesen 17:8

Na doɗ dakkuɗ anidme amu, nug tatam dayom am gemu nug ii daatte, amge dimppa nug moɗ oɗe noa ukka batak iitta eleppanu bekku. Ba amu nug geha padal mekku. Wanppanu danab ah laala ag buk laa, amuam buk onig Bauklel Awe Onig Yaaknu Buk, Kayak Nug wan digma heum, haen amuppa ag onilkad buk amuppa ii yaak ele, ag doɗ dakkuɗnu ottaina dabmak kuɗum aoglag. Aɗinu? Anukka nug dayom, gemu ii daatte dimppa nug moɗppanu bekku.

Revelesen 19:16

Lamen elab nuhigppa amu nug tuɗippa ele onig imu yaak ele dayom. “Nug am king dilag King, amu naɗi dilag Naɗi.”

Revelesen 21:7

Laa nug ban eɗidkku amu, da nug imu medakkul. Da nuhig Kayak daakkul; nug dahil nid daakku.

Revelesen 5:10

Na he, ag ihinig Kayak waappa daan nuhig uɗat hekkulagnu ag king, amu mana mettak danab ele daatteb. Amu ag wan ele gumaglag.” Ag anam anana, ahi edappig.