Matyu 25:3 - Nobonob Baibel

³ Ah makkun dabmak iitta amu, ahilag lam amahlaknu le inak ele aon goppig, amge amahlaknu le nippud laappa aon ii goppig.

Matyu 25:3 ပူးပေါင်းရင်းမြစ်များ

Prowerb 31:18

Nug aɗi keeke hette amu, nug keeke amu ena beum anidtte; nug uɗat he ukke, uudo, gatatu ele uɗat hette.

Aisaia 58:2

Deɗ oh Israel danab ag ⌊gaɗalagppaib⌋ da aniɗna dim lamiɗkkulagnu mattiɗtteb, ag dahil nai dooglagnu hetteb bia hetteb, ⌊amge ag keeke amu oh ag oolagppa ele ii hetteb⌋. Ag huu laa kobol tutukku dim lamidtteb, dahil ɗo di-ii-mettan oitteb, ag huu amu, ag kobol amu genab hetteb bia ⌊dimittimnuib⌋ hetteb. Ag anam heegeg, laa anadna, ‘Danab ah umu ag genab Kayaknu ib dim lamidkkulagnu oolag hette,’ atteb, amge iitta! Ag da, Kayak, ag da hettoɗiakppa nai doya mala hettoɗia epeɗia elele mettak kobol dim lamidkkulnu anana, ag da Kayak, ag dahilnu, ‘Nug ig guguikka uɗikkunu oonig hette,’ ele atteb ⌊amge ag amu oh am gaɗalkadppaib hetteb. Oolagppa ele ii hetteb⌋.

Esekiel 33:3

Ag tituanppeg, aria nug kekeɗ uɗippeg anatta, nug wan amuppan danab ah ag kekeɗ uɗitteb dooglagnu trampet iwalak hekkun daakku amunu, deɗ laa kekeɗ uɗippeg antta, danab ah ag nau aomnanu nug trampet amu iwalak hekku dayeb amu,

Matyu 25:1

Haen amuppa Kayaknu ɗo maɗoɗ amu ah makkun eblaih tanig ele, ahilag hak bia daakku. Amu ah makkun amu ag ahilkad lam aon, danab laa ah aokkun heum ele amu, nug ameg meegeg, nug ibppa uɗieye, ag ahan gona, ibppa uɗa tena anidna omalppeg, ah nuhig laugppa gokkulagnu daappig.

Matyu 25:2

Ah makkun tanig ele amu ag dabmak tutukku iitta ele, tanig ele laa amu ag doyak dabmak ena ele.

Matyu 25:4

Ah makkun doyak dabmak ena ele, ag amahlaknu le nippudppa mewona aɗanna, ahilkad lam amahlaknu le inak ele aon goppig.

2 Timoti 3:5

Ag Kayaknu kobol amu gaɗalagppaib, danab amelagnuib hekkulag, amge Kayak kobolnu ɠagattag amu, ag dimettaglag. Na danab amu dilagnu qe mena oiye!

Hibru 12:15

Danab laa nug Kayaknu ehanittak okkai hamu megatte ele amu dimetta na qemanu dabmeig! Ag oolagppa danab laa nug ad laa tiig mua ele, danab lanana mauhtteb ele, amubia dayaya, nug heeb, uug aqeb, ag kuɗum ag Kayak amegppa dubuttid ele daamnanu ele dabmeig!

Revelesen 3:1

Nug anam ana, Nug nai tuɗitta aum. “Na nai da attem imu Sardis Kristen tamaniaknu ikki danab, nuhignu inam ye! Laa Nug Kayak Ouɗi, nuhigppa kobol ena oh ambak daatte, Nug hoɗoppai eblaih aɗit ele aɗualadtte amu, nai imu nuhigppanu uɗitte. Da nahip hak oh amu, da doottem. Danab ag nahipnu, ‘Nug bauklel ele,’ aon atteb amge iitta. Na bauklel iitta, na mauhme.