Matyu 25:21 - Nobonob Baibel

²¹ Anam a amu nuhig okkai nug aum. ‘Na maɗi nid ena, na oo metta ii uuak kobol dim lamidna, uɗat enanag heme. Na keeke nakok amu dabmettan autna aome amunu da heppi, na keeke kuɗum dilag okkai daanna gumadkkut. Na doppe, da ele oonih gamag ahaɗ!’ awa aum.

Matyu 25:21 ပူးပေါင်းရင်းမြစ်များ

Prowerb 14:35

King nug maɗi nid nuhig laa, nug doyak dabmak ena ele, nug nuhignu oo enanagnab dootte; amge nug maɗi nid laa, nug uɗa nak keeke laa hette amu, nug nuhignu oppoɗi bette.

Prowerb 28:20

Danab laa nug oo metta ii uuak kobol haahaib daatte, nug itittak ena kuɗum aokku; amge laa ag enulag okkai ele daaglagnu hik aqe oitteb, ag am bu aoglag.

Matyu 24:45

Jesus Nug anam ana, Nug nai tuɗitta aum. “Maɗi nid laa doyak dabmak ena ele, nug oo metta ii uuak kobol haaha daatte amu, nuhig okkai nug maɗi nid amu nuhikkud maɗi nid laa gumattatta, haenppa ee madakkunu uɗat medakkunu elele.

Matyu 24:47

Da genab ag amelagppa attem. Danab okkai nug maɗi nid amu nuhig keeke ohnu ikkilag meeb daakku.

Matyu 25:23

Amu nuhig okkai nug aum. ‘Na maɗi nid ena, na oo metta ii uuak kobol dim lamidna, uɗat enanag heme. Na keeke nakok amu dabmettan autna aome amunu, da heppi, na keeke kuɗum dilag okkai daanna gumadkkut. Na doppe, da ele oonih gamag ahaɗ!’ awa aum.

Matyu 25:46

Aria, danab amu ag gona, haen ohnu nau awak abenppa daaglag, amge genab tutukku hak danab ag bauklel hanhannu aon daaglag,” awa aum.

Luk 12:44

Da genab ag amelagppa attem. Danab okkai nug maɗi nid amu, nuhig keeke ohnu ikkilag meeb daakku.

Luk 16:10

Am danab laa nug keeke nakok dabmedakkunu oo metta ii uuak kobolppa dabmedatte amu, aria geha nug keeke okkai ele oo meta ii uuak kobolppa dabmedakku. Amu danab nug keeke nakokppa uɗat tutukku haknu ii dootte, am geha nug keeke okkaippa uɗat tutukku haknu ele ii dooma.

Jon 12:26

Amu laa nug da waalppa dayaya da oɗel dim lamidkku dayeb amu, nug da dim lamiɗkkuoitte. Am da adeppa daattem amu, dahil maɗi nid nug ele appa daakku. Am laa nug da waalppa dayaya da oɗel dim lamidkku amu, Mame Nug nug binag humakku,” awa aum.

Jon 14:3

Da ukken, ahilag aben babaittoya, ag da daakkulppa da ele daagnignu da eɗuen uɗien, omalatte gokkul.

Jon 17:24

Mame, danab na da meɗame amu, haen da binag amahlak oppiaawak ele daakkul, haen amuppa ag da ele aben amuppa daagnignu ool daatte. Ag da binag amahlak oppiaawak ele anukka wan ii dayomppa na dahilnu oot mauhom, gemu ele oot mauhtte amunu, na da meɗame amu, ag amu anidkkulagnu ool daatte.

Rom 2:29

Iitta. Danab nug Juda danabnab amu Nug Jesusnu ooppa genab doye, Kayak Ouɗi Nug danab amu oo babaittom. Amuam gaɗa otaɗak genab aakku. Oo babaittak amuam ɗo nai yaak niitte amu dim lamittaknu keeke iitta, Ouɗinu keeke. Danab amu nug danab amelagppa nug binag iitta, amge Kayak amegppa nug binag ele.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

2 Korint 10:18

Danab nug nukka nuhignu, “Da uɗat amu hekkulnu ena, elele daattem,” atte, amuam keeke hamu, amge danab Naɗi Nug nuhignu, “Nug uɗat amu hekkunu ena, elele daatte,” atte, amuam meu ele.

2 Korint 5:9

Anam daatte amunu, ig ii mauhmut, haen imuppa, ihinig mauhak dimppa ele amu ig kobol oh, Naɗi Nug oo daatte, amubia hekkunignu dabmak ɠagattag aottem.

Pilipai 1:23

Da keeke amunu ool aɗit ele daattem. Amu da goppi, Kristus ele daagnih, amuam keeke enanagnab, da amunu ool hette.

1 Timoti 3:13

Danab ag Kayaknu tamaniaknu toliak uɗat elele hetteb, ag tamaniak dilag neekkakppa anuqak daanna, ag ooppa genab doyak Kristus Jesusnu ɠagattag mehuqkkulagnu elele daatteb.

2 Timoti 2:12

Ig uug maognignu ɠagattag daattem dayeb; ig Nug ele keeke oh gumadkkunig. Ig Nug dimettagnig dayeb; Nug ig ele dimegakku.

Hibru 12:2

Amu ig amenig ukkeb, Jesus, Nug am ooppa genab doyaknu diig daatte, Nug ooppa genab doyak ihinig elelenab medakku diig ele amu, ig Nug anidtu! Jesus Nug anukka maɗoɗppan gamag ahak geha dimppa anidkkunu dabmeum amunu, Nug ɠagattag dayaya, ad emaitakppa uug doyaya, guittak awa mauhom. Ad emaitakppa mauhaknu amu uɗa nak ele, amge Nug dimppa maɗoɗppan gamag ahak okkai aokkunu dabmaama, uɗa nak amunu dab-ii-meum; am keeke hamu bia doyom. Nug amu hewowa, Nug hab aabppa, Kayak eppeg naɗiap-ppa heɗep na dayom.

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.

Revelesen 21:7

Laa nug ban eɗidkku amu, da nug imu medakkul. Da nuhig Kayak daakkul; nug dahil nid daakku.

Revelesen 3:21

Aun laa nug ban eɗidkku amu, da nug daakkunu elele appi, nug da ele dahil sia kingppa, anukka da ban eɗitti, gemu da Mamel ele nuhig sia kingppa daattep amubia daagnih.

Revelesen 7:17

Aɗinu? Sipsip Nag Nug gamagppa sia king ⌊anuqak⌋ guguittak daatte amu, Nug ahilag gumak danab ena dayaya, geha gumattebeb gona, moɗ laappa, le qeppuɗia bette ele, amuppa ag bauklel le aoglag. Amu Kayak nug geha amelag leb oh amelagppanu obikku,” awa aum.