Matyu 25:14 - Nobonob Baibel

¹⁴ Aria Jesus Nug nai anam awowa, Nug nai laa ele inam aum. “Kayaknu ɗo maɗoɗ amu danab okkai laa nug atu laappa gokkunu ha, nuhikkud maɗi nid onilagppa e uɗieg, nug enub ag eppelagppa meum, amubia.

Matyu 25:14 ပူးပေါင်းရင်းမြစ်များ

Matyu 21:33

Jesus baula ele amelagppa aum. “Ag keeke danab ag dootteb ii dootteb ele ouaqata ippuanittak nai imu baula doyeg! Danab laa nug wan ele amu, nug grep dad eppowa, aɗ ita, dad ooppa amu nug grep meu tappa leppu awaknu aben laa ha, nug neekkeb ukkeb aɗi uɗitteb anttaknu lag attan ta ukkak laa ele heum. Aria, nug uɗat amu oh ha mala, nug dad uɗat danab, dimppa ag dad amunu meu laih mettaglagnu ag eppelagppa mewowa, nug aha, atu laih umanab ukkom.

Mak 13:34

Haen amu inam bia bekku. Danab laa nug atu laih gokkunu aha, nug laugppanu uɗat oh otia, nuhikkud maɗi nid eppelagppa mewowa, laa nug od gumom ele, nug nuhig okkai eɗua uɗikkunu dabmaama daakkunu awowa, aha ukkom.

Luk 20:9

Jesus Nug anam awowa, Nug digma keeke danab ag dootteb, ii dootteb ele ouaqata ippuanatta, danab ah amelagppa mattia inam aum. “Danab laa nug grep dad eppom. Nug grep dad eppowa amu awa, nug dad uɗat danab eppelagppa mewowa, nug aha laih umanab ukka haen elab dayom.

1 Korint 12:4

Kayak Ouɗi Nug nuhig ɗo hamu mettak megatte, amge Kayak Ouɗi am laippu, Nug aakkuib ɗo hamu mettak amu megatte.

1 Korint 3:5

Ag tutukku dabmak aon antteg! Apolos nug am aun? Am da Pol am aun? I am maɗi nidib; Naɗi Nug i uɗat ihinih piɗe piɗe metom. Nug uɗat amu mete, i uɗat amu heuɗuɗ, ag Kristusnu oolagppa genab dooppig.

Epesus 4:11

Nugib ehah iɗu iɗu matta, danab laa ag totol danab dilag uɗat hekkulagnu mattom. Laa ag propet daaglagnu mattom. Laa ag nai mehuqak danab daaglagnu mattom. Laa ag pasto am laa ag ippuanittak uɗat hekkulagnu mattom.