Matyu 25:10 - Nobonob Baibel

¹⁰ Ah makkun doyak dabmak ena ele ag anam aeg, ah makkun dabmak iitta ele ag en lakka amahlaknu le aoglagnu ukkaegeg amu, danab ah aokkun heum ele aakku uɗiom. Uɗie amu, ah makkun dabmak ele ag nug ele ewau matulak hobulppa nona malaeg, maɗi nid ag od manappig.

Matyu 25:10 ပူးပေါင်းရင်းမြစ်များ

Genesis 7:16

Kayak Noa hekkununab aum bia, doɗ iɗu iɗu oh bau daappig ele, ag oolagppanu anig, dawai ele, Noa ele uub ooppa noeg, Yawe Nug uub od manom.

Sam 95:11

Anam amunu, da ool nauhe, da keeke laa hekkulnu dahil nai ɠagattag qein ami. ‘Danab ah amu ag hik awak dahil iinab aomna.’ ” Yawe Nug anam aum.

Matyu 24:42

Amunu ag Danab Bekkalag da, da eɗuen nekkulnu dabmenan dayeg! Aɗinu? Deɗ adekkuppa ahilag Naɗi uɗikku amu, ag ii dootteb.

Matyu 24:43

Ag doyeg! Lag mameg nug haen adekkuppa tuqan yabhok danab uɗikku doolo, nug ib aɗaɗa heeb, yabhok danab nug laug loppaɗa, lag ooppa ii nolo.

Matyu 24:44

Amunu ag ele bappaidna dayeg! Aɗinu? Danab Bekkalag da, da haen laa ag ii dabmekkulag ele, haen amuppa uɗikkul,” awa aum.

Matyu 25:6

Niiegeg, tuqan tugmag baag laa ewa aum. ‘Danab nug ah aokkunu hette ele, nug aakku uɗitte. Ag gona, nug uɗa teig!’ awa aum.

Matyu 7:21

Danab ah ag da amelppa, ‘O Naɗi, O Naɗi,’ atteb ele, amu oh ag dahil ɗo maɗoɗ ooppa ii nomana. Iitta. Danab nug da Mamel, hab aabppa daatte, nug nuhig dabmak dim lamidtte ele, nugib dahil ɗo maɗoɗ ooppa nokku.

Luk 12:35

Jesus Nug nai amu ana, Nug nai imu ele mattiom. “Ag lamen matagiɗ ele takkan, lam amotna, uɗat hekkulagnu bappaidna,

Luk 13:25

Lag mameg nug aha, lag od maneb amu ag uɗina, dimittim daanna od qeqalnana, inam unuqkkulag. ‘Naɗi od matulna mekke!’ aon akkulag. Amu geha nug ag amelagppa akku. ‘Da ag ii doyadttem, ag adeppanu uɗippig?’

Kolosi 1:12

ag ig Mamenig amegppa, “Ena heme,” akkulag. Aɗinu? Nug he, ag keeke oh, Nug ag aoglagnu tituanom amu, ag amu aoglagnu elele daatteb. Ao, geha ag, amu Kayaknu danab ah oppiaawak ele laa ele, ig oh nuhig ɗo maɗoɗ, amahlak ele ooppa daattem amu, ig oh ele aognig.

2 Timoti 4:8

amu gemu nob ena da aokkulnu amu, Kayak Nug aakku meum daatte. Nob ena amu Naɗi, Nug danab ah tutukkuib epeɗiadtte ele, Nug eɗua hibaittaknu deɗppa da meɗakku. Amge dakkaib iitta. Aun laa oh ag Nug eɗua uɗikkunu tappaɗidna daatteb ele, Nug ag ele madakku.

1 Pita 1:13

Amunu ag ɠagattag daaglagnu ag dabmak ahilag bappaidna daanna, ag akka ahilag oiyak pehettak atognoig! Ag Kayaknu ehanittak okkai hamu mettak, Jesus Kristus eɗua uɗieb aoglag, ag amunab dabmenan dayeg!

Revelesen 1:7

Antteg! Nug eɗua lombigppa nekku. Danab oh ag Nug anidkkulag. Yo, danab ag Nug qetti banppa atulppig ele, ag ele Nug anidkkulag. Amu wan ohppan danab ag Nug anidna, ag nuhignu mahiak okkai hekkulag. Ao, keeke amu anam bekku. Genab.

Revelesen 19:7

Gemu ig maɗoɗppan gamag ahak doot, binag amahlak oppiaawak metu! Aɗinu? Sipsip Nag Nug nuhig ah aokkunu haen aakku beum, amu ah nuhig nug ha, nug amunu babaittak daatte.

Revelesen 22:20

Laa Nug nai imu oh aum amu Nug atte. “Yo, da paha eɗuen uɗikkul,” awa atte! Genab, Naɗi Jesus, na uɗie!