Matyu 24:42 - Nobonob Baibel

⁴² Amunu ag Danab Bekkalag da, da eɗuen nekkulnu dabmenan dayeg! Aɗinu? Deɗ adekkuppa ahilag Naɗi uɗikku amu, ag ii dootteb.

Matyu 24:42 ပူးပေါင်းရင်းမြစ်များ

Matyu 24:36

Anam, amge laippu laa nug amunu haen, deɗ ele ii dootte. Engel hab aabppa daatteb ele ii dootteb. Da ele ii doottem. Mama nukka keeke amu dootte.

Matyu 24:43

Ag doyeg! Lag mameg nug haen adekkuppa tuqan yabhok danab uɗikku doolo, nug ib aɗaɗa heeb, yabhok danab nug laug loppaɗa, lag ooppa ii nolo.

Matyu 24:44

Amunu ag ele bappaidna dayeg! Aɗinu? Danab Bekkalag da, da haen laa ag ii dabmekkulag ele, haen amuppa uɗikkul,” awa aum.

Matyu 25:10

Ah makkun doyak dabmak ena ele ag anam aeg, ah makkun dabmak iitta ele ag en lakka amahlaknu le aoglagnu ukkaegeg amu, danab ah aokkun heum ele aakku uɗiom. Uɗie amu, ah makkun dabmak ele ag nug ele ewau matulak hobulppa nona malaeg, maɗi nid ag od manappig.

Matyu 25:13

Jesus Nug anam ana amu, Nug nai tuɗitta aum. “Anam daakku amunu, ag dabmenan dayeg! Aɗinu? Da eɗuen uɗikkulnu haen amu, ag deɗ, haen ele ii dootteb,” awa aum.

Luk 21:34

Jesus Nug anam ana, Nug nai tuɗitta aum. “Keeke amu bekkun daatte amunu, ag daulag atieb, ag hanhan ee lanaknuib hik aqeb, le ɠagattag labeppeg, kaaka aqebeb, beɗu ena dayak amunu guattebeb hebeppeg, kobol amuib aha ag tonadmanu tutukku dabmeig! Kobol amu ag tonatteb, Naɗinu deɗ amu ag dab-ii-menana, pahaettak, doɗ pelemppa notte bia ag anadkku.

Luk 21:36

Amunu ag hanhan tutukku dabmena daanna, keeke amu oh anidmananu amu, ag Danab Bekkalag da, da noolppa hippaidkkulagnu elele daaglagnu ele unuqitteg!” awa aum.

Rom 13:11

Laa ele amu, ag haen gemu ig daattem ele imu ag doyeg! Gemu am ag niiak uuna ahaglagnu haen daatte. Aɗinu? Anukka haen ig baubunab ooppa genab doomut amu, Kayak ig eɗua awikkaknu haen gogppa tekkunu am uma dayom bia, amge gemu am haen amu nakok gukkuikkak doum daatte.

1 Korint 16:13

Ag Korint danab ag ib apiɗidna eheɗ gomananu amu, ag dabmettan autna aona, ag ahilag ooppa genab doyakppa ɠagattag daan, ag ooppa ɠagattag dayak ele daanna, ɠagattag ele dayeg!

1 Tesalonaika 5:6

Amunu amu, ig laala niitteb bia aib niimut. Iitta. Ig haen oh dabmetata daatta, ikka ig ihinig oiyak pehettak atognoak kobol dim lamidta oitu!.

1 Pita 4:7

Aria, keeke oh iitta mekkulagnu haen aakku guguittak daatte amunu, ag unuqittak hekkulagnu elele daaglagnu, ag dabmen autna aona, ag nukka nug nuhig oiyak pehettak atognoak kobol ele dim lamidna dayeg!

1 Pita 5:8

Ag hanhan dabmena autna aweg! Satan, kekeɗ ahilag, nug am laion laa bia danab laa diia lakkunu oiyaya, huanak gayaya oitte.

Revelesen 16:15

Aakku, ouɗi nau ag gona, aben laa, Hibru naippa ag aben amunu Armagedon atteb, ag amuppa king qagmaadppig. Amu Naɗi Nug nuhig deɗ naɗinu inam atte. “Antteg! Da yabhok danab bia uɗittem amunu, danab laa nug beɗu miag dayeb, laa ag anidppeg, nug uɗa nemanu, danab nug maɗaɗ maama, nuhig lamen atognoawa daatte amu, nug itittak awom daatte,” awa atte.