Matyu 24:30 - Nobonob Baibel

³⁰ Haen amuppa amu Danab Bekkalag da, dahil epponak keeke habppa bekku. Beeb amu wanppanu danab ah oh gaaglag. Gaappeg, Danab Bekkalag da, da lombig hab waappa daatteb, da lombig amuppa ɠagattag okkai, binag amahlak oppiaawak ele uɗippi aniɗkkulag.

Matyu 24:30 ပူးပေါင်းရင်းမြစ်များ

Daniel 7:13

Da tuqan tulegleg anidmi, amuppa da neekki ukke, da noolppa laa nug danab bekka bia, nug lombig hab waappa daatteb, nug amuppa dayaya uɗieye anidmi. Nug ukka, Kayak Hanhan Daatte guguitta ukke, laa ag omaleg, Nug gumittanab ukkom.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Sekaraia 12:11

Anukka Megido uɗemppa, Hadatrimon appa Juda danab ah gayak naɗi, okkai heppig; amu deɗ amuppa danab ah Jerusalem appa ag amubia gaaglag.

Matyu 24:3

Jesus Nug Olipnu Qaukoppa ta dayeye amu ippunittak awak danab ag akka gumidna goppig. Ag gona appig. “Na ig amenigppa ame amu, kobol amu haen ganeb bekku? Ele amu, epponak keeke aɗi tatam beeb, ig na uɗikkutnu, amu gog tak haen miag daatte ele doognig,” aon appig.

Matyu 24:37

Noanu haenppa danab ag kobol aɗi aɗi heppig, amubia Danab Bekkalag da, da eɗue uɗikkulnu haenppa amu, danab ag kobol anamib hekkulag.

Matyu 24:39

Ag amu henana, hiɗ bekkunu dab-ii-mettaegeg, hiɗ ba diia ukkom, amubia Danab Bekkalag da, da uɗikkul haenppa, ag anamib daaglag.

Matyu 26:64

Nug anam a amu, Jesus Nug oɗeppa awa aum. “Na ame. Amge da ag amelagppa attem. Dimppa Danab Bekkalag da, da Kayak Ɠagattag Oh Ele eppeg naɗiap-ppa daabppi aniɗna, amu ele ag lombig hab waappa daatteb, da lombig amuppa dayeye uɗippippi aniɗkkulag,” awa aum.

Mak 13:26

Keeke amu oh ba maleb, Danab Bekkalag da, da lombig ooppa ɠagattag okkai, amu binag amahlak oppiaawak ele uɗippippi danab ag da aniɗkkulag.

Mak 13:4

Nug oɗ medappig. “Na ig amenigppa ame amu, kobol amu haen ganeb bekku? Ele amu, epponak keeke aɗi tatam beeb, ig keeke amu oh bekkunu miag daatte doognig?” aon appig.

Luk 21:27

Ag anam hebeppeg, Danab Bekkalag da, da lombig laa ooppa ɠagattag, binag amahlak oppiaawak okkai ele uɗippippi aniɗkkulag.

Luk 22:69

amge dimppa Danab Bekkalag da, da Kayak Ɠagattag Oh Ele amu, da Nug eppeg naɗiap-ppa daakkul,” awa aum.

Aposel 1:11

aa apiɗ. “Galili danab, aɗinu ag hippaidna daanna, habppa neegna daatteb? Amu gemu Kayak Nug Jesus ahilagppanu awe, hab aabppa ukkom. Aria, geha Nug hab aabppa ugekke anidppig bia eɗua uɗikku,” aoya apiɗ.

2 Tesalonaika 1:7

Nug ag uug dootteb ele amu, haen ena matta, Nug ig ele haen ena megakku. Naɗi Jesus eɗua, aab aɗu amu engel ɠagattag nuhikkud ele ag hab attannu miag atiak nekkulag, haen amuppa Kayak Nug kobol amu hekku.

Revelesen 1:7

Antteg! Nug eɗua lombigppa nekku. Danab oh ag Nug anidkkulag. Yo, danab ag Nug qetti banppa atulppig ele, ag ele Nug anidkkulag. Amu wan ohppan danab ag Nug anidna, ag nuhignu mahiak okkai hekkulag. Ao, keeke amu anam bekku. Genab.

Revelesen 12:1

Epponak keeke okkai laa habppa tula be, danab ah anidna dabmak okkai aoppig; amuam ah laa, nug nuhig lamen am aam daye, kalam nug baeg waappa dayom. Nuhig haɗ, amuppa hoɗopai 12 daatteb amu, haɗ amu nug igippa dayom.