Matyu 24:29 - Nobonob Baibel

²⁹ Aria, haen amunu uug nau iitta meeb, pahanab aam ii amahalma, kalam ele ii amahalma, hoɗoppai laa ag habppanu nena qebeppeg, laa ag ippulag tutukku ii dim lamidmana.

Matyu 24:29 ပူးပေါင်းရင်းမြစ်များ

Eklisiastis 12:2

Qinob na kaino mena, aamnu amahlak, kalamnu amahlak, hoɗoppai dilag amahlak ele am qinonob amahaltteb bia anidkkut; gu na maleb, aam nekku, amge na amahlaknab ii anidmana.

Aisaia 13:10

Amu deɗ amuppa habppan hoɗopai ag amahlak ahilag ii wan mettamna. Am genab, habppa hoɗopai huu mak daatteb, ag amahlak ahilag wan ii mettamna. Aam bau bette am amahlak nuhig wan iinab mettama; kalam nuhig amahlak ele wan ii mettama.

Aisaia 24:23

Yawe Nukka Ɠagattag Oh Ele, Nug uɗia, Sion qaukoppa Jerusalem appa, danab ah nuhikkud dilag ikki danab noolagppa danab ah gumattebeb, Nuhig binag amahlak oppiaawak ele am miagib daakku. Anam amunu, aamnu amahlak, kalamnu amahlak ele am geha keeke hamu bia daakku. Aam o kalam danab daalo, am nug uɗa nelo.

Aisaia 34:4

⌊Haen amuppa⌋ Yawe Nug heeb, habnu keeke, amuam aam kalam hoɗoppai keeke, keeke amu oh iitta mekkulag. Ao, Nug hab itoɗieb, qak daakku. Hoɗopai oh ag muɗi grep uɗulkad qaɗaiettan, nena qetteb bia nena qekkulag. Ao, ag ad fig uɗulkad qaɗaiettan, nena qetteb bia nena qekkulag.

Joel 2:10

Ag oiyona ukkaegeg amu, wan hab ele uɗalttep; aam, kalam ele gatatu manaeh, hoɗoppai ele ii amahaltteb.

Joel 3:15

Deɗ amuppa amu, aam, kalam ele aa gatatu maiglah, hoɗopai ele ii amahalmana; iitta.

Amos 5:20

Yawenu deɗ naɗi amu, deɗ amu geha gatatu, amahlak iitta ele iite daama? Ge, deɗ amuam gatatu naunab, amahlak nakoknab laa iitta iite daama?

Amos 8:9

Amu Naɗi Yawe Nug inam atte. “Haen amuppa da heppi, aam anig amu, aam nokku; aam anig gatatu na, wan tonakku.

Matyu 24:21

Aɗinu? Haen amuppa amu, uug naunab bekku. Uug naunab amubia nug digmak haenppa uɗiak gemu ele laa ii beum, dimppa ele amubia ii daama.

Matyu 24:8

Kobol amu oh am nid dokkunu ah ag guittak tatam dootteb, amubia aakkuib.

2 Pita 3:10

Naɗinu deɗ am yabhok danab nug danab ii dabmetteb haenppa oitte, amubia uɗikku. Deɗ amu geha oqotti naɗinab oobob, hab iitta meeb, habppan keeke, amuam aam, kalam, keeke, keeke amu oh eon iitta mebeppeg, wan, amu keeke oh wanppa daatteb ele, amuam Kayak epeɗiadkkunu miag atiak daaglag.

Revelesen 8:12

Aria, engel ebqak 4 nug nuhig trampet iwale amu laa he, aamnu laih laippu, kalamnu laih laippu, amu hoɗoppai ameg laippu ele, amu oh ii amahalppig; aamnu laih aɗit laa, kalamnu laih aɗit laa, amu hoɗoppai ameg aɗit laa ele, amu oh amahalppig. Anam amunu, amunppa aua waɗele am amahlak iitta, tuqanppa ele aua waɗele am amahlak iitta.