Matyu 24:19 - Nobonob Baibel

¹⁹ Am haen amuppa ah oolkad ele, ah ag nid yuɗ huh madatteb ele amu, ahilagnu gadonnab gadon.

Matyu 24:19 ပူးပေါင်းရင်းမြစ်များ

2 Samuel 4:4

Amu Saul buɗub laa, am Jonatan bekka onig Mepiboset. Nug baekuɗ am kaliak ele. Uug amu nuhigppa beumnu diig am, haen Pilistia ag Israel eɗadna heeg, Saul, Jonatan ele mauhpiɗ, haen amuppa nid amu nug maɗ tanig ele, amu haen amuppa ele laa Jesrilnu uɗia, mauhpiɗnu a, ah nug nid amu gumom ele nug nai amu doya, oola gokkunu nid amu huma awa, qaiqaɗ ugakka, nid paɗe na qa, guittak awe, baekuɗ kaliak daapiɗ.

2 King 15:16

Haen Menahem nug nuhikkud huu ele ag Tirsa uun, Samaria gokkulagnu gonana, ag gona Tapua aabppa teppig. Teppig, amge Tipsa ag Menahem, nuhikkud huu ele aab ahilag ooppa nokkulagnu uuppig amunu, Menahem, nuhikkud huu ele ag ban hena, aab ahilag amu heeg nauha auta awe, appanu danab ah am aqan, aab laala Tipsa guguittak daatteb, appan danab ah ele aqan, ah oolkad ele amu diin, oolag oppateg mauhppig.

Gayak Nai 4:10

Kekeɗ ag daan, ban heeg, dahilad huu nauhppig, haen amuppa ah laala, ag anukka, uug naunab iitta haenppa ag oo bodoetta le mak kobol dim lamidppig amu; ah amu uug naunab haenppa ag nid naunau ahilkad diin, battiadna lappig.

Hosea 13:16

Israel danab ah ag tappe nak hena, da, Kayak, ahilag Kayak, ag da oɗel ii dim lamidppig, ag beɗulagppa aab daatte amunu, ag bu aoglagoitte. Ahilkad kekeɗ dilag ban danab geha ag qep elabppa aqaglag. Ao, kekeɗ ag nid yuɗ, nid naunau ele aɗualadna, buɗiadppeg wanppa noppeg, ag beɗulag oh aoɗeb, huppu huppu nekku. Ge, ag geha qep elabppa ah oolkad ele oppatadppeg mauhkkulag.” Yawe Nug anam atte.

Matyu 21:16

Nug oɗ medappig. “Na nid naunau aɗitai atteb umu doottemte?” aon appig. Aeg amu Jesus Nug amelagppa aum. “Da doottem, amge ag nai laa daatte ele amu ag iite ebqeppig. Nai amuam inam. ‘Na he, nid naunau amu nid yuɗ huhppanu ele ag na binan humaglagnu dootteb.’ ”

Matyu 24:18

O laa nug dad okkaippa dayaya, nug oolkkunuib dabmaama, eɗua ulahnu lamen nuhig aokkunu lakka aib ukkom.

Matyu 24:20

Ag oug haenppa o Sabat deɗppa oolmananu ag unuqitteg!

Luk 21:23

Amu haen amuppa ah oolkad ele, ah ag nid yuɗ huh madatteb ele amu, ahilagnu gadonnab gadon. Aɗinu? Haen amu uug okkainab wan imuppa bekku amu, Juda danab ah haen amuppa Kayaknu oppoɗi bak ag aqadkku.