Matyu 24:15 - Nobonob Baibel

¹⁵ Aria, propet Daniel nug keeke naunab laa, nug aab he nauhtte ele amu, nug amunu yom. Danab aun nug nai imu ebqette amu nug meu nuhig tutukku aokkunu dabmaɗ! Aria, ag keeke naunab amu aben gun eleppa meppeg dayebeb anidna amu, laa ag

Matyu 24:15 ပူးပေါင်းရင်းမြစ်များ

Jeremaia 44:29

Amu Yawe Nug imu ele atte. “Da bu matten, aɗi uug laala ahilagppa bekkunu appi, amu aakku bekku dooglagnu da bu okkai ag madakkul. Amu da ag genab Isip wan imuppa bu okkai ag madakkul dooglagnu, da at imu ag mattai bette anidtteb, ag anam dooglag.

Esekiel 40:4

Da danab anam dayeye anitti, nug da amelppa aum. “Danab bekka, da na aɗi ippunidkkul amu, na amenppa pehettan neegna, dautppa ele pehettan doon, keeke amu oh pehettak dabmette! Aɗinu? Na anam hekkutnu Kayak Nug he, na ippa uɗime. Amu na aɗi keeke digdig anidkkut amu, na amu oh Israel danab ah amelagppa appe doyeg!” awa aum.

Daniel 1:6

Nebukatnesar nug anam a, Aspenas nug aakku tituanattom. Amu nug tituanattom oolagppanu waɗele ag am Juda nid; ag onilag am Daniel, Hanania, Misael am Asaria ele.

Daniel 11:31

King amu nug heeb, nuhikkud daup ag heppeg, Kayaknu mettid lag am Kayaknu neekkakppa dubuttid tak ele daakku. Kingnu daup ag Israel deɗ oh doɗ manan, Kayak medatteb, ag amu baula hemananu appeg, ii hemana. Ag keeke naunab laa, keeke amuam heeb nauhak bekkunu keeke, ag keeke amu Kayaknu mettid lag, amuppa qabappeg daakku.

Daniel 12:11

King laa nug aha, nug heeb, Israel danab ah ag deɗ oh doɗ mana, Kayak mettaknu mana mettak hekkulagnu elele iitta daappeg, nug keeke naunab laa, keeke amuam heeb nauhak bekkunu keeke, nug amu Kayaknu mettid lag, amuppa qabakku, haen nug amu hekku, haen amuppanu ukkeb ukkeb, deɗ 1,290 ukkeb, batakku.

Daniel 9:23

Kayak Nug nahipnu ooppa enanag dootte amunu, na digmena unuqidme, haen amuppanab da uɗien, unuqittak nahip nai nob medakkulnu doomi. Amunu na tulegleg anidme, nuhig meu dabmenan, nuhig diignu ele tutukku doye!

Daniel 9:25

Daniel, na keeke doon, diignu doyak tutukku aɗe! King laa nug Juda, Israel ele ag gona, Jerusalem eɗun bappaidkkulagnu ɗo laa meeb, haen amuppa digmeeb ukkeb, laa king daakkunu goɗen gokkaɗakppa tituanak ele, nug nuhig gumak abenppa tekku amu, amuam haen maha 7, amu haen maha 62 laa ele; oh am 69 aakku. Ag Jerusalem eɗun bappaidnana, ag aab ooppan ib hena, ag aab dimittim daug daug ohppa, kekeɗ ag talilidna, aab ooppa gomananu le moɗ ele buuglag. Ag haen uug eleppa aab okkai amu eɗun bappaidnana, amu hekkulag; uug haenppa ii helob bia, amge ag anam hekkulag.

Daniel 9:27

Wan laappan okkai amu nug danab ah kuɗum, wan atu kuɗumppanu ele nug tituana nai qakkak hekkulag. Amu haen maha amu gamagppa okkai amu nug heeb, Israel danab ah ag mana mettak, ofa ele iɗu iɗu Kayak mettaglagnu elele iitta daaglag. Okkai amu nug anam ha, nug heeb, ag keeke naunab laa, keeke amuam heeb nauhak bekkunu keeke, ag keeke amu Kayaknu mettid lagppa qabappeg daakku. Nug heeb, ag appa qabappeg, keeke amuam anam dayeb ukkeb ukkeb, Kayak ib attenppa danab okkai amu nauhkkunu ɗo laa meum amu, ib amuppa danab okkai amu nug nauhkku.” Gabriel, nug da, Daniel, da amelppa anam aum.

Matyu 24:16

Juda wanppa daatteb, ag oolna qaukoppa ukkeg!

Mak 13:14

Anam amge, danab aun nug nai imu ebqette amu, nug meu nuhig tutukku aokkunu dabmaɗ! Ag keeke naunab laa, nug aab he nauhtte ele, ag keeke amu ii daalo, amuppa daatte anidkkulag amu, laa ag Juda wanppa daatteb, ag oolna qaukoppa ukkeg!

Luk 19:43

Amunu ag doyeg! Geha dimppa haen amu uɗieb, ahilag kekeɗ ag aqaglagnu uɗin talilidna, wan buuppeg teeb, ag aben ohppa ag oo mattan autnanab aona,

Luk 21:20

Amge dimppa haen ag laa dilag daup ag uɗin, Jerusalem talilidppeppeg anidna, ag amuppa dooglag, aab okkai imu he nauhaknu haen aakku miag daatte.

Jon 11:48

Ig dootta daappupput, Nug inamib tuɗitta hekku dayeb amu, danab ah oh nuhignu oolagppa genab dooglag. Genab dooppeg amu, geha Rom ag, ‘Umuam king laa ahom daatte,’ anana, ag uɗin, ihinig Kayaknu mettid lag loppaɗppeg nauheb, ihinig wan ele heppeg nauhkku,” aon appig.

Aposel 21:28

“Israel danab, ag ig ehanikkeg! Danab imu nug wan atu ohppan danab ihinig huunu, ihinig ɗonu, amu Kayaknu lag imunu ele am ena iitta ippunadtte. Amuib iitta. Nug Grik danab laala ele diie uɗin, Kayaknu mettid lag nuhig tomppan keeke oh ele imu ooppa nona, ag aben imu oppiaawak ele dubuttid medatteb!” Ag anam anana eppig.

Aposel 6:13

ag qagmak amuppa heeg, aɗi heehe anttomnu mattiak danab hambuppuak laala ag ahan, Stivennu nai hambuppuak inam aon appig. “Danab imu nug hanhan Kayaknu lag imu, ɗo nai elenu nai eheɗ maditte.

Hibru 2:1

⌊Kristus Nug onig binag okkai ele amu awom daatte, Nug Kayak nai ippunikkom,⌋ diig amunu amu ig Nai Ena dim lamidkkunignu bodoettamtanu, ig nai doomut ele, nai amu ig aɗat dabmeta autanab aot dim lamidtu!

Revelesen 1:3

Danab aun aɗi ag Kayaknu nai, keeke dimppa bekkunu imu ebqena dim lamidtteb, o aun aɗi ag nai imu daulagppa doona dim lamidtteb ele amu, ag itittak ena aoppig daatteb. Aɗinu? Haen Kayak Nug heeb, keeke oh buk imuppa yaak daatteb, ag bekkulag am miag doum daatte.

Revelesen 3:22

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ!” awa aum.