Matyu 24:14 - Nobonob Baibel

¹⁴ Amu danab ah oh dooglagnu ag Kayaknu ɗo maɗoɗnu Nai Ena wan atu ohppa mehuqppeg, danab ah dooppeg, geha haen amuppa gog tak haen bekku.

Matyu 24:14 ပူးပေါင်းရင်းမြစ်များ

Esekiel 7:10

Ag bu aoglagnu deɗ am oqiom daatte; uma iitta. Ui na, keeke le ibuppa daatte ye gotte, amubia ahilag padal mak am naɗi uɗitte. Wan laa ag bu madakku amu, bu amu nug eppegppanab daatte; am bala mapatom daatte, amubia.

Matyu 10:7

Ag gonana amu, ag inam mehuqna aeg! ‘Kayaknu ɗo maɗoɗ miag doum daatte,’ aon aig!

Matyu 18:19

Anam amunu, da genab ag amelagppa attem, ag oh wan imuppa daatteb imu, ag oolagppanu aɗit laa keeke laanu oolah laippu meya, Kayak amunu oɗ medapeɗ amu, da Mamel hab aabppa daatte, Nug matakku.

Matyu 24:3

Jesus Nug Olipnu Qaukoppa ta dayeye amu ippunittak awak danab ag akka gumidna goppig. Ag gona appig. “Na ig amenigppa ame amu, kobol amu haen ganeb bekku? Ele amu, epponak keeke aɗi tatam beeb, ig na uɗikkutnu, amu gog tak haen miag daatte ele doognig,” aon appig.

Matyu 24:6

Ag bannu doonna, bannu ulah nai ele dooglag. Keeke amu genab bekkulag, amge doyeg! Ag aib ottaippig! Keeke amu bekkulagnab, amge wan haen malak iitta.

Matyu 4:23

Jesus Nug danab amu onilagppa ewowa, Nug Galili wan ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh danab ah aqappig ele bappalattom.

Matyu 9:35

Aria, Jesus Nug ukka, aab nakok okkai ohppa, amu aab nakok ele ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh bappalattom.

Mak 13:10

Dahilnu Nai Ena wan atu ohppanu danab ah amelagppa mehuqppeg amu, malaknu haen miag daakku.

Luk 2:1

Amu Elisabet nug Layattak Jon menue, haen amu nakok dimppa Kwirinius nug Siria dilag gawana dayeye amu, Sisar Ogastus nug Rom danab oh onilkad bukppa yaalattak daaglagnu ɗo meum. Imuam haen anuqak ag onilag yaak uɗat amu heppig.

Luk 24:47

Amge laa ele ippunigtte. Amuam Kristus Nug hibaitteb, ⌊nuhikkud danab⌋ ag Kristus onigppa wan atu ohppanu danab ah amelagppa ag Kayak Nug danab ah dilag hipunin uhuqa madakkunu, ag oolag eɗuglagnu mehuqkkulagoitte. Ag uɗat amu Jerusalem digmekkulag. Kayak nai anam ippunigtte.

Luk 4:5

Awa a amu Satan nug Jesus omala ⌊qauko okkaippa⌋ ta, pahanab wanppan wan oh ippunattowa,

Aposel 11:28

Ag noeg, Kayak Ouɗi Nug propet laa onig Agabus ippunitte aha, geha enug haen naɗi Rom wan ohppa bekku, nug amunu nai mattiom. Amu dimppa Klodias nug king dayeye, haen amuppa enug haen amu beum.

Aposel 17:31

Aɗinu? Nug wanppan danab ah oh epeɗiadkkunu deɗ aakku otiom daatte. Geha, epeɗiak amuppa amu, Nug nai doya mala hettoɗia epeɗia elele mettak kobol tutukku dim lamittatta, Nug danab ah oh epeɗiadkku. Amu Nug danab laa epeɗiak amu gumakkunu otiom. Danab amu Nug mauhe, Kayak Nug he, Nug eɗua hibaittom amunu, danab oh ag keeke amu genab bekku amu, ag oolagppa genab dooglagnu elele,” awa aum.

Aposel 17:6

Ag anam heppig, amge appa ii anatna, ag Jeson, amu Kristen laala ele eeɗadna gona, aab okkai amuppanu ikki danab gumadna gona, ag inam aon eppig. “Danab nau aa kobol nau wan ohppa heeh bette ele amu, gemu aa uɗiya, ippa hettep.

Aposel 19:27

Pol nai atte, amuam ihinig men doɗo aognignu uɗat imu onig aakku heeb nauhkkutai. Amuib iitta, nug nai atte amuam geha danab ah ag genab dooppeg amu, kayak ah Artemis, nuhig mettid lag amunu geha danab ah ag, ‘Umu am keeke genab iitta, keeke hambuppuak,’ aon akkulagtai. Gemu Asia prowins ooppanu oh amu danab ah wan ohppanu ele ag kayak ah onig Artemis noobppa dup nona binag metteb, amge Polnu nai heeb, Artemis onig naɗi aakku iitta mekkutai,” awa aum.

Aposel 20:25

Ag doyeg! Anukka da ag oolagppa oiyeye, da Kayaknu ɗo maɗoɗnu nai amelagppa mehuqmi, am gemu da doottem, ag oh da iɗul baula ii anidmana.

Rom 10:18

Amge da oɗ mettem. Israel danab amu ag nai iite dooppig? Yo, ⌊Kayak nai atte, amubia⌋ ag dooppig. ⌊Nai amuam inam.⌋ “Keeke amu oh baalag am wan atu ohppa ukka malom daatte. Yo, ahilag nai amu wan oh tualom daatte.”

Kolosi 1:23

Anam amge, keeke laa ag Nai Ena am ena baknu dabmak aɗa dayak ippunigtte, am dabmak amuppanu eeɗatteb, ag Jesusnu Nai Ena doona, oolagppa genab dooppig ele, ag ooppa genab doyak amu uuna, ag nena qemananu, ag tuɗidna, ooppa genab doyak amu ɠagattag aɗan ɠagattagnab daaglagoitte. Jesusnu Nai Ena ag dooppig ele amu, danab wan ohppa daatteb, ag amunu mehuqak dooppig. Amu da Pol, da am nai amunu maɗi nid daattem.

Kolosi 1:6

Nai Ena wan atu ohppa ukke, danab ag doonna heeg, naɗi ma amu kobol ena, doyak digdig ena ele danab kuɗum ag aakku aon hetteb. Anamib aakku ahilagppa digmeum, deɗ amuppa Nai Ena amu nug he, ag aon, ag Kayaknu ehanittak okkai hamu megatte ele diig genab doon, ag kobol ena, dabmak ena ele aɗan oitteb.

Hibru 1:6

Laa ele amu Kayak Nug Bekka naanaeg wanppa meeb uɗikkunu haaha, Nug inam ele aum. “Kayaknu engel oh ag Nug noobppa dup nona binag meig!” awa aum.

Hibru 2:5

Aria ig gemu wan laa, butti aɗi bekkunu attem amu, Kayak Nug engel ag amu gumaglagnu laa ii maattom. ⌊Iitta. Nug nuhikkud danab ag gumaglagnu maattom.⌋

Revelesen 14:6

Aria, da engel laa nug hagagaɗa, nug Nai Ena bauklel hanhannu ele, danab oh wanppa daatteb, amuam danab ah ag wanppan wan ohppanu, huu ohppanu, nai ohppanu amu beɗulag iɗu iɗu ohppanu ele, ag amelagppa mehuqkkunu hab waappa aben gamag amuppa ugekke anidmi.

Revelesen 16:14

Ouɗi nau amu ag epponak keeke danab haknu elele iitta hetteb. Ag wanppan wan oh dilag king, ag Kayak Nukka Ɠagattag Oh Ele nuhig deɗ naɗippa, amuam deɗ Nug eheɗ hak danab oh epeɗiadkku amu, ag Nug ele ban hekkulagnu qagmattaglagnu gotteb.

Revelesen 3:10

Na dahil haknunab nai dim lamidna, uug oh oo bodoettak ele maon oime amunu, da danab ah wan atu oh dilagppa uug naɗi, ma anttak madakkunu bekku amu, da na atognoidkkul; uug amu nahip-ppa ii bema.