Matyu 23:5 - Nobonob Baibel

⁵ Ag keeke oh danab amelagnuib hetteb. Ag Kayak nai inaknu kunup okkai henan, uɗalagppa amu eppelagppa ele qakkana, unuqittak lamen daugppa bala elab elab ele hetteb.

Matyu 23:5 ပူးပေါင်းရင်းမြစ်များ

2 King 10:16

Jehu nug Jonadap amegppa inam aum. “Na doppe, da ele goɗa, geha na da Yawe Nugib dim lamidkkulnu wagai mettemnu, na dahil yag-nab-bak amunu doottem anidkkut,” awa aum. Jehu nug anam ana he, Jonadap nug ele oh aa bannu karisppa Samaria gopiɗ.

Eksodas 13:9

Aria, Bret Yis Iitta Lanaknu Hobul Nakok, amuam geha danab nug aɗi keeke dabmekkunu oo hette ele, nug amu dabmekkunu nug eppeg gomeppa nai ye daatte, o nug uɗappa keeke laa aiha daatte amu, hobul amuam, ag Yawe Nug ahilagnu uɗat naɗi heum dabmekkulagnu, nuhig ɗo nai ele dabmena mattiglagnu at amubia daakku. Aɗinu ag Yawenu ɗo dabmena, amunu mattiglag? Yawe Nug uɗat naɗinab ha, Isipnu diia omalatte uɗippig.

Prowerb 3:3

Na oo mauhaknab kobol, oo metta ii uuak kobol ele aib uuatme. Ao, na danab nug keeke qettoɗmanu nug baagppa qakke daatte, amubia na kobol amu hanhan dim lamidkkutnu anam bia he! Ge, na danab laa nug keeke laa daug atimanu uɗugppa yaatte, amubia na kobol amu daut atimanu aon ootppa me!

Lewitikas 13:32

Am deɗ eblaih aɗitppa amu, mana mettak danab nug gaɗa oɗe amu pehettak itala, gaɗa oɗe amuam beɗu laih ii awom, appa uɗig lanlan ii eppak, gaɗa oɗe amu teppu ooppa ii noak anidkku dayeb amu,

Matyu 9:20

Amu ah laa appa dayom ele, tiig nak oɗe maɗ 12 nuhigppa dayom. Nug anam dayaya, nug ooppa, “Da lamen elab nuhig nakokib aɗakkul amu, da ena daakkul,” aum amunu, nug Jesus dimugppa gumitta wana, lamen daug lauɗittom.

Luk 16:15

amge Nug ag amelagppa aum. “Ag amu danab dilag neekkakppa genab tutukku hak danab daaglagnu, ag amunuib oolag daatte, amge Kayak Nug ag oolag diig dootte. Danab ag aɗi keekenu enanag dootteb ele, Kayak Nug amunu ooppa uuaknab dootte.

Luk 20:47

Ɗo mehuqak danab ag anam henana, ag ah qab hambuppualadna, ag laulkad yab aotteb. Ag yab awona, ahilag hipunin amu danab ah amelagppa lokkumkkulagnu ag unuqittak elab hetteb amunu, epeɗiak haenppa geha ag uug okkainab aoglag,” awa aum.

Jon 12:43

Ag danab ag binalag mekkulagnu oolag mauhttom. Kayak Nug ag binalag mekkunu amu, ag amunu oolag ii mauhom.

Jon 5:44

Ag am lailkad dilagppa binalag okkai aoglagnu hetteb, amge binalag laa, Kayak toppanu uɗitte ele, ag amu aoglagnu ii hetteb amunu, ag attem hena, oolagppa genab dooglag?

Jon 7:18

Am danab laa nug nukka nuhig dabmakppa nai maditte amu, nug nukka binag okkai aokkun hette. Amge danab laa, nug laa me uɗiom ele, nug binag mette amu, danab amu nug doyak diig genabib dim lamidtte; nug nuhigppa eheɗ laa ii daatte.

Duteronomi 11:18

Anam amunu, ag nai dahil imu aɗan autnanab aweg! Ag eɗun dabmekkulagnu, ag eppelkadppa at dayaknu qakkaladppeg daaglag. Ag hanhan anidkkulagnu, ag uɗalkadppa qata-aqadkkulag.

Duteronomi 22:12

Na muɗi tutu kuɗum qagmak amu lamen qaɗeppan uttug waɗele ohppa mena koitkkutoitte.

Duteronomi 6:8

Am ag dabmenan oiglagnu amu, ag pepa qattippa yaan, ag eppelagppa at dayaknu qakkaglag, amu ag uɗalkadppa ele qata-aqadkkulag.

Pilipai 1:15

Amu genab, laa ag Kayak ehaniɗe, da Kristusnu Nai Ena mehuqttem anidna, ag amelag qe oolag elele ii daye, ag onilag attan ta daakkunu, layag ele kekeɗ mettakppa ele ag Kristusnu nai mehuqtteb. Laa ag anam hetteb, amge laala ag dabmak ena ele nai mehuqtteb.

Pilipai 2:3

Ag akka akka ahilagnuib dabmenan, keeke laa aib heppig. Amu ele ag akka hamu onilag humanna, keeke laa aib heppig. Ag akka ag onilag qeppeg neeb, danab laa dilagnu, “Da ag eɗadttem,” aib dooppig.

2 Tesalonaika 2:4

Danab amu nug danab laa oh ag keeke oh dilagnu, “Imuam Kayak,” atteb, keeke amu noolagppa ag gatelag qaun otteb ele amu, nug amu oh tappeb neeb, nug onigib humeb, attan tekku. Nug Kayaknu mettid lag, appa nug aguppa daakkunu ta dayaya, nuhignu, “Da iikkuib am Kayak,” awa akku.