Matyu 23:14 - Nobonob Baibel

¹⁴ ((O gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag ah qab hambuppualadna, ag laulkad yab aotteb. Ag yab awona, ahilag hipunin amu danab ah amelagppa lokkumkkulagnu ag unuqittak elab hetteb amunu, epeɗiak haenppa geha ag uug okkainab aoglag.))

Matyu 23:14 ပူးပေါင်းရင်းမြစ်များ

Job 22:9

⌊Na amu heme, amge laala ele am:⌋ na ah qab laa gamu mauhom ele, nug eenu na unuqitte, na hee, nug eɗua, ee iitta ele lakka ukkom. Ao, na hee, nid ag mamelkad mauhadppig, ag nau daappig amu, ag eppelkad qiiak bia daappig.

Job 31:16

Amu da daɗek danab ag eenu oolag heehe, da ee keeke, ii mattalomlob, o iitta, ah qab nug ehanittak laa aolonu dabmaama dayom am, da ii mettalomlob,

Eksodas 22:22

Ag ah qab, o nid laa anilkad mamelkad mauhppig amu, ag laa amubia, ag ahilagppa aib eheɗ heppig.

Matyu 11:24

Da ag amelagppa attem; epeɗiak haen Sodom am nob nau aokku, amge na Kaperneam, na am nob nau amu eɗittak aokkut,” awa aum.

Matyu 23:13

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag Kayaknu ɗo maɗoɗnu od danab ah amelagppa maitteb. Ag akka amu ag amuppa ii notteb. Am danab ah ag amuppa nokkulagnu hetteb amu, ag ippulag oo netteb.

Matyu 23:33

Ag danab nau, mat nau bia! Kayak Nug ag hettoɗiakppa maatteb, ag padal mekkulag. Ag attem hena amu ii anidmana?

Mak 12:40

Ɗo mehuqak danab ag anam henana, ag ah qab hambuppualadna, ag laulkad yab aotteb. Ag yab awona, ahilag hipunin amu danab ah amelagppa lokkumkkulagnu ag unuqittak elab hetteb amunu, epeɗiak haenppa geha ag uug okkainab aoglag,” awa aum.

Luk 12:48

amge maɗi nid nug nuhig danab okkainu dabmak ii dootte, amge nug bu aokkunu kobol heum amu, geha nuhig danab okkai nug nakokib makkuɗkku. Danab ag keeke kuɗum aoppig amu, ag eɗun keeke kuɗum nob mekkulag. Am danab laa nug eppegppa keeke kuɗum mak daatte amu, geha laa ag nug keeke huanak nob madakkunu onigppa ekkulag,” awa aum.

Luk 20:47

Ɗo mehuqak danab ag anam henana, ag ah qab hambuppualadna, ag laulkad yab aotteb. Ag yab awona, ahilag hipunin amu danab ah amelagppa lokkumkkulagnu ag unuqittak elab hetteb amunu, epeɗiak haenppa geha ag uug okkainab aoglag,” awa aum.

2 Timoti 3:6

Danab amunu laala ag haen oh oqeqaɗakppa ah dabmak tutukku iitta ele laulkadppa tena, hambuppualadna heeg, ah amu ag amu ag danab amu dilag dabmak dim lamidtteb. Ah amu, ahilag oiyakppa ag hipunin digdig heegeg, beɗulkadppa aab daye, ag beɗunu oo gamag ahak kobol eheɗ oh dilag eeɗak doon, amu dim lamidkkulagnu dabmak aotteb.

Taitus 1:10

Aɗinu? Nai tappe nak danab, ag oɗelagppa nai meu iitta hambuppuak kuɗum maditteb ele, ag kuɗum daatteb. Danab amunu oolagppa Juda laa ag gaɗa otaɗaknu dabmak okkai aotteb ele amu, ag laa eɗattak anuqak daatteb.

Jems 3:1

O lailad, danab kuɗum laa ele ag oolagppanu ippunittak danab bekkulagnu aib dabmeppig. Aɗinu? Ag dootteb, dimppa Kayak Nug epeɗiak ɠagattag ippunittak danab ihinigppa haaha, Nug epeɗiak nakok bodoettak Nug baekkudppa laala dilagppa hekku.

2 Pita 2:14

Hambuppuak ippunittak danab amu ag ewau pakkua gappai hak kobol hekkulagnu ah oh neekkadnana daatteb, ag hipunin hekkulagnu oolag ahakib daatte. Ag kobol amu henana, laa ag kobol tutukku dim lamittaknu bodoettak amu eeɗatteh, ag hipunin hetteb. Ag baubau awaknu hik aqeeqe men doɗo awaknu kobol amu, ag amu doon autna aotteb. Ag eheɗ laa awaknu anak waappa daanna oitteb.

2 Pita 2:3

Ippunittak danab hambuppuak amu ag men doɗo baubau awaknu hik aqebeb, ag geha ippunittak kobol genab iitta, ahilag dabmakppanu aakkuib ag ippunadnana, men doɗo aoglagnu hekkulag, amge Kayak Nug ameg ii amuhe niitte. Iitta. Nug ag nob nau madakkunu meum daatte; ag ii eɗidmana.