Matyu 23:12 - Nobonob Baibel

¹² Am danab aun nug onig humatte amu Kayak Nug heeb, danab amu nug onig nekku. Ge danab aun nug onig qe nette amu, Nug danab amu onig am humakku.

Matyu 23:12 ပူးပေါင်းရင်းမြစ်များ

Job 22:29

Aɗinu? Danab laa uugppa tena, uɗa nak dooppeg, na Kayak amegppa, ‘Ehanadppe, ag eɗun, uɗa nak iitta ele daaglagnu oɗ medattem!’ unuqidppe, Nug danab uɗa nak aoppig ele ehanatteb, ag eɗun, enaib daaglag.

Sam 138:6

Yawenu binag amahalak oppiaawak ele am okkainab amunu, Nug attannab daatte me, nug danab ah ag akka onilag qeeg nette ele, Nug amu dilag dabmette. Nug amu dilag dabmette, amge Nug dada danab ah umanabnu doyadtte; ag lokkumkkulagnu elele iitta.

Prowerb 15:33

Danab nug Yawenu ebehi oh bodoetta le mette amu, nug doyak dabmak ena ele aotte; amu nukka onig qe nak, amuam tatam dayeb, dimppa binag ele daakku.

Prowerb 29:23

Danab nug dada hette, nuhig hak amu he, nug na qette; amge danab nug oo bodoettakppa daatte amu, nug binag aotte.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Daniel 4:37

Am gemu amu, da Nebukatnesar, da hab attannu King, Kayak, Nug aɗi hette amu, Nug tutukkuib haaha, Nug nai doya mala hettoɗia epeɗia elele mettak kobol ele dim lamitta hette amunu, da Nug binag okkai, onig okkai ele medattem. Laa ag dada danab daan oitteb ele, Nug heeb, ag onilag iitta daaglagnu elele.” Nebukatnesar nug anam aum.

Matyu 18:4

Amunu laa nug onig qe ne oitte, nid nakok imubia amu, nug Kayaknu ɗo maɗoɗ ooppa, laa oh eɗattak daatte.

Matyu 5:3

“Danab aun aɗi ag oolagppa, ag am elele iitta dootteb ele amu, ag itittak ena aoppig daatteb. Aɗinu? Ag Kayaknu ɗo maɗoɗ ooppa daatteb.

Luk 14:11

Am danab aun nug onig humatte amu, Kayak Nug heeb, danab amu nug onig nekku, amge danab aun nug onig qe nette amu, Kayak Nug danab amu onig humakku,” awa aum.

Luk 18:14

Jesus Nug nai amu mattiowa, Nug baula amelagppa aum. “Da ag amelagppa attem, Kayak he, takis awak danab nug genab tutukku hak danab daye, eɗua laugppa ukkom, amge danab laa nug am anam iitta. Amunu laa nug onig humatte amu, Kayak Nug heeb danab amu nug onig nekku, amge danab nug onig qe nette amu, Kayak Nug danab amu nug onig humakku,” awa aum.

Jems 4:6

Anam daatte amunu, Kayak Nug ehanittak okkai hamu mettak, Nug amu megatte. Diig amunu Kayak naippa, nai inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

1 Pita 5:5

Ag danab bau ag onilag qeppeg neeb, ikki danab waalagppa dayeg! Ag oh ag ag onilkad qeppeg neeb, ag nug ehanittak kobol heig! Aɗinu? Kayak naippa, nai amunu inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

1 Pita 5:6

Amunu Kayak Nug geha nuhig deɗppa ag humadkkunu, ag akka ag onilag qeppeg neeb, ag Kayak eppeg ɠagattag waappa dayeg!