Matyu 22:31 - Nobonob Baibel

³¹ Amge eɗua hibaittak amunu amu ag Kayak naippa, nai laa Kayak Nug ag dooglagnu Moses amegppa mattie, nug yom amu, ag iite ebqeppig. Nai amuam inam.

Matyu 22:31 ပူးပေါင်းရင်းမြစ်များ

Matyu 12:3

Ag anam aeg amu, Jesus Nug amelagppa aum. “Ag Dawit nug nuhikkud danab ele ag enug aqe, Dawit aɗi heum amu, ag amu iite ebqeppig?

Matyu 12:7

Ag Kayak naippa nai laa daatte, nai amu doolob amu ena. Nai amuam inam. ‘Da ag laanu oolag gai-iitta doon oolag mattan ehanadkkulagnu anuqak doottem. Da ag doɗ main meɗaglagnu anuqak ii doottem.’ Ag amunu meu genabnab doolob amu, ag danab imu eheɗ laa ii heppig ele beɗulkadppa nai ii yaalob.

Matyu 21:16

Nug oɗ medappig. “Na nid naunau aɗitai atteb umu doottemte?” aon appig. Aeg amu Jesus Nug amelagppa aum. “Da doottem, amge ag nai laa daatte ele amu ag iite ebqeppig. Nai amuam inam. ‘Na he, nid naunau amu nid yuɗ huhppanu ele ag na binan humaglagnu dootteb.’ ”

Matyu 21:42

Aeg amu, Jesus Nug amelagppa aum. “Ag Kayak naippa nai laa daatte amu, ag iite ebqeppig? Nai amuam inam. ‘Men laa, lag hak danab ag men amu uuppig, amge lag mameg nug men amu awa me, lagnu men anuqak daatte. Naɗi Nug men amu he, men amu anuqaknab dayeye, ig amenigppa anidta, ig enanag doot, dabmak kuɗum aottem.’

Matyu 22:30

Amu eɗua hibaittak haen dimppa danab ag ah ii diimna, ah ele ag danab ii diimna. Iitta. Ag engel hab aabppa daatteb bia daaglag.

Matyu 22:32

‘Da am Abrahamnu Kayak, Aisaknu Kayak, amu Jakopnu Kayak ele,’ awa aum. Kayak Nug danab mauhppig dilag Kayak ii daatte; Nug danab bau daatteb dilag Kayak daatte,” awa aum.

Matyu 9:13

Gemu ag nai imu Kayak Nug mattiom, nuhig naippa daatte, ag nai amu anidna doyeg! Nai am inam. ‘Da ag laanu oolag gai-iitta doon oolag mattan ehanadkkulagnu anuqak doottem. Da ag doɗ main meɗaglagnu anuqak ii doottem.’ ” Jesus Nug anam anana, Nug tuɗitta aum. “Da genab tutukku hak danab ag oolag eɗukkunu ii uɗimi. Iitta! Da hipunin danab ag oolag eɗukkunu uɗimi,” awa aum.