Matyu 22:3 - Nobonob Baibel

³ Nug ee hewowa, nuhikkud maɗi nid laala maatte, ag king nug anukka ewau matulak hobulnu deɗ mattom ele amu, ag onilagppa eppeg, uɗin hobulppa daaglagnu goppig. Gona onilagppa eppig, amge ag hobulppa ukkaknu uuppig.

Matyu 22:3 ပူးပေါင်းရင်းမြစ်များ

Sam 68:11

Naɗi Nug keeke bekkunu aum, am danab ah kuɗumnab ag nai Kayak Nug heeb bekku, ag nai aumnu oo gamag ahak eleppa eppig.

Aisaia 30:15

Aɗinu ⌊ag anam nauhkkulag⌋? Naɗi Yawe, Israel dilag Kayak Oppiaawak Ele, Nug amunu inam atte. “Da ag ehanadppi, padal ii memananu ib am, ag oolag eɗueb, ag hik ii aqebeb, ag dabmak ahilag ii dim lamidmana. Ao, ag ɠagattag daaglagnu ib am, ag heɗi ii aqebeb, ahilag dabmak ii dim lamidmana, ag dahilnuib oolagppa genab dooglag. Anam daatte, amge ag amu uun autna aoppig.

Jeremaia 25:4

Ag dahil nai aakkuib ii dooppig. Iitta. Yawe Nug nuhikkud maɗi nid, ag propet, Nug ag laa kuɗum ele haen kuɗum maatte uɗin, ag amelagppa nai madippig, amge ag daulag human, ahilag nai ii doon, ahilag nai ele dab-ii-medappig.

Jeremaia 35:15

Da haen kuɗum dahilad maɗi nid, ag propet amu, da ag maatti, ag gona, ag Israel, ag amelagppa inam appig. ‘Ag anen anen ag nau hak ahilag uun, ii henana, ag ena hak henana, ag kayak laa dim lamadna, waappa daan, ag oɗelag dim lamidkkulagnu aib heppig. Ag amu hekkulag dayeb amu, ag haen elab wan imuppa, da wan imu ag mamelkad aɗi mattami amu, ag wan imuppa haen elab daaglag.’ Da propet oɗelagppa haen kuɗum anam ami, amge ag daulag human, nai dahil ii dabmedappig. Ag dahil nai ii dooppig.

Hosea 11:2

Da amu hewoya, haen kuɗum laa ele da ⌊propet oɗelagppa⌋ Israel danab ah ag uɗin, da dim lamiɗkkulagnu onilagppa emi; amge ag da anam heiyi, ag da oɗel ii doon, ag da dimeɗan, uuiɗna tuɗidna umanab goppig. Dahilad danab ah ag doɗ main, kayak hambuppuak Bal iɗu iɗu madappig. Ao, ag kalu danab ile muttuɗig enanag bette ele ahilag kayak hambuppuak dottolkad binalag mekkulagnu main medappig.

Hosea 11:7

Danab ah dahilad ag da dimeɗan, kayak hambuppuak laala dim lamadkkulagnu dabmak aoeg ɠagattag eppom daatte. Propet ag Israel ag eɗun dagattolppa uɗiglagnu onilagppa etteb, amge laippu laa da binal mekkunu ii hette.

Sepanaia 1:7

Ag Naɗi Yawe noobppa toettan dayeg! Aɗinu? Yawenu deɗ naɗi miag uɗiom daatte. Laa amu, danab nug mana mettak hewowa, doɗ amu teppu nuhignu daatteppa hobul hekkunu bappaidtte, amubia Yawe Nug hobul babaittom. Nug he, laa hobul amuppa daaglagnu ag nuhikkud daaglagnu tituanattak daatteb.

Matyu 21:34

Dimppa, haen grep meu awak haen miag do, nug nuhikkud maɗi nid laa maatte, ag grep meu nuhig aoglagnu dad uɗat danab gumadna goppig.

Matyu 23:37

O Jerusalem, Jerusalem, na propet aqae mauhtteb, maɗi nid Kayak nahip-ppa maatte uɗitteb ele, na ag ele menppa aqae mauhtteb. Da haen kuɗum na begapad, matuk anig nakkud haugppa qagmaatta tonadtte, amubia qagmaadkkulnu hemi, amge ag uuppig.

Matyu 3:2

Nug nai mehuqaqa inam aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Matyu 9:15

Ag Jesus amegppa anam appig amu, Jesus Nug aum. “Da am danab nug ah aotte bia. Aria, dahil ippunittak awak danab, ag am da lailad. Amu ig doottem, ewau matulak haen am oo gamag ahak ele amunu, danab nug ah aotte, nug daatte haenppa, nug laikkud ag uug doonna, ee ohnu kud mena daaglagnu am iitta. Ag oolag gamag ahak ele amunu, ag ee ii uumna, ag lakkulag. Anam aakku daatte, amge deɗ laa dimppa ag lailag, ah awom ele amu, nug laih ukkeb, haen amuppa ag oolag uug ele amunu, haen amuppa ag ee ohnu kud mena daaglag. Amu da ami, amubia. Da am danab ah aotte bia. Dahil ippunittak awak danab ag am da lailad bia. Da gemu ag ele daattem amunu, ag ee ohnu kud mena daaglagnu elele iitta. Dimppa da goppi, ag anam hekkulag,” awa aum.

Luk 13:34

O Jerusalem, O Jerusalem, na propet aqae mauhtteb, maɗi nid Kayak nahip-ppa maatte uɗitteb ele amu, na ag ele menppa aqae mauhtteb. Da haen kuɗum na begapad, matuk anig nug nakkud haugppa qagmaatta tonadtte, amubia qagmaadkkulnu hemi, amge ag uuppig.

Luk 15:28

A amu nid tatamnu nug anam doya, oo nauhe, nug lag ooppa noak uuom. Uue aria mameg aha dimittim doa, nug oo mekkunu oo mak nai amegppa aum,

Luk 19:27

King nug anam ana, nug nai tuɗitta aum. ‘Aria laa ag da kekeɗ meɗan, da ahilag king daakkulnu uuppig amu, ag diin, da noolppa ippa dona, aqappeg mauheg!’ awa aum.” Jesus anam aum.

Jon 5:40

amunu, aɗinu ag da gumiɗna uɗina, bauklel aoglagnu ii hetteb?

Aposel 13:45

Amge haen Juda laala ag danab ah kuɗumnab qagmeeg anadna, ag, ihinigppa anam daalon dabmak aɗan daan, ag ahan, Pol nai mattiom amu, laa ag amu doomnanu, nai amu tabappeg nokkunu henana, ag Polnu nainu nai iɗu iɗu mattin, dappidna, aon aon qedappig.

Rom 10:21

Amge Israel dilagnu amu nug aum. “Da amu hein, amu da deɗ oh amun tuqan ele danab ah ag oɗe ii dim lamittak danab ah, ag ahilag dabmak ɠagattag eppak daatte, da ag ehanadkkulnu heinne daami.”

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Hibru 9:15

Amunu Kayak Nug danab onilagppa eum ele, danab amu ag itittak ena haen ohnu ele, Kayak anukka Nug bekkod madakkunu nai qakka aum amu, ag amu aoglagnu elele daaglagnu, Kristus Nug nug tituana nai qakkak baunu gamag danab daatte. Kayak Nug amu madakkunu elele daattenu diig am Kristus Nug danab ag nug tituana nai qakkak alag waappa daana, hipunin heppig ele, ag hipunin amuppanu uhuqak aoglagnu mauhom.

Revelesen 22:17

Amu Kayak Ouɗi amu Sipsip Nag wau, aa attep. “Na do!” Am aun nug nai amu doya nug, “Na do!” anaɗ! Am laa ele, laa nug le baag diieb, am nug doaɗ! Am laa nug bauklel le lakkunu oo hette ele amu, nug doa, bauklel le lanaɗ! Kayak Nug le amu hamu medatte.

1 Samuel 9:13

Amu aa goya, aabppa teya, ooppa noyaya, aa nug anidkkulah. Nug aabppan mettid lag nakokppa, danab laa ele mana mettaknu doɗ lakkulag amunu, aa ig amut bia hekkulah dayeb, aa nug aben amuppa ii tak haenppa anidkkulah. Aɗinu? Nug teppu amu ititteb, danab ag aakku lakkulag; tatam ii itittom haenppa ii lamana. Aa paha teiɗ! Aɗinu? Aa anam hekkulah amu, aa haen amuppa anidkkulah,” aon appig.