Matyu 22:12 - Nobonob Baibel

¹² King nug danab amu antta amu, nug amegppa aum. ‘Lai, attemun na ewau matulaknu hobulnu lamen ⌊mettami amu⌋ ii mena, lag imu ooppa neme?’ Nug anam a amu, danab amu nug nai iitta, toetta dayom.

Matyu 22:12 ပူးပေါင်းရင်းမြစ်များ

Job 5:16

Kayak anam hette amunu, daɗek ag ena bekkulagnu dabmak aɗan oiglagnu elele. Kayak anam hette amunu, nai doya mala, hettoɗia, epeɗia, elele ii mettak kobol iitta mette.

Sam 107:42

Am genab tutukku hak danab ag Yawe keeke amu he anadna, ag gamag ahak dootteb, amge nau hak danab ag oɗelag qamut-tteb.

Jeremaia 2:23

Ag, “Kayaknu neekkakppa ig oonigppa dubuttid ii teum daatte,” atteb, amge attem hena, ag anam atteb? Ag, “Ig kayak hambuppuak Bal iɗu iɗu dim dim ii lamidmut,” atteb, amge attem hena anam maditteb? Amu oh am nai genab iitta. Ag oolnu noak onig Hinom, ag appa kayak hambuppuak noolagppa dup nona binalag iite metteb? Ag hetteb. Ag aɗi aɗi heppig dabmena autna aweg! Ag kamel balat, dawai antteb papalkkunu qaiqaɗ laih gotte laih uɗitte, ag amubia kayak hambuppuak dilag dup nona binalag mekkulagnu hetteb.

Jeremaia 2:26

Amu Israel oh ag uɗa nak nau guittak eleppa daatteb. Haen polis ag yab danab aɗaeg, uɗa nak nau guittak ele dootte, uɗa nak ahilagppa anamib daatte. Ag, ahilag king, ahilag ehanittak anuqak danab, ahilkad mana mettak danab, amu ahilkad propet danab ele, ag oh anamib.

Matyu 20:13

Ag anam aeg, amu dad mameg nug oɗelagppa awa, ag oolagppanu laippu laa amegppa nai inam aum. ‘Layal, da nahipnu eheɗ laa ii hemi. Da na ele uɗat nob dadennu oonih laippu iite memuɗ?

Matyu 26:50

Nug anam ootuqitte amu Jesus Nug amegppa aum. “O lai, aɗinu na uɗin, ippa ina daattem?” awa oɗ mettom. Jesus anam a, danab ag Jesus aɗappig.

Matyu 5:20

Da tutukku ag amelagppa attem. Ahilag genab tutukku hak am ɗo mehuqak danab, ɗo gumak danab-Parasia ele dilag ii eɗadkku dayeb, ag Kayaknu ɗo maɗoɗppa nokkulagnu elele iittanab.

Rom 3:19

Anam amu, danab laippu laa nug, “Da am genab tutukku hak danab,” akkunu elele iittanab daakkunu, danab oh wan atu ohppanu ag Kayaknu epeɗiak waappa daaglagnu, ig ɗo nai nug aɗi atte amu, nug danab oh dilagnu atte doottem.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

Taitus 3:11

Na doottem, danab amu nug ib ena eɗitta, hipuninppa daatte. Nug nukka nuhigppa nai yaatte.

1 Samuel 2:9

Yawe Nug nuhikkud danab ah ag nuhignu oo metta ii uuak kobol dim lamidtteb ele am atognoadtte. Ao, Nug he, nau hak danab ag gatatu ooppa daanna mauhtteb. Aɗinu? Danab ag akka, ag ahilag ɠagattagppa ena ii daatteb.