Matyu 21:44 - Nobonob Baibel

⁴⁴ ((Am laa nug men amu attan na qekku amu, nug nakok nauhkku, amge men amu nug laa qaɗeppa na qekku amu, nug nauha auta aokku,” awa aum.))

Matyu 21:44 ပူးပေါင်းရင်းမြစ်များ

Sam 2:12

Yawe Nug ahilagnu oo nauheb, ag nauhmananu amu, ag Yawe bekka waappa daan, Nug oɗe dim lamitteg! Aɗinu? Yawe, nuhig oppoɗi bak kobol nau haknu am paha ahatte. Amge danab ah ag Nug waappa padal mak eɗitteb ena dayaknu ehanittak aon daatteb amu, ag itittak ena aoppig daatteb.

Aisaia 28:13

Ag uuppig amunu, Yawe Nug nukka geha ag sul madakku. Nug danab nid naunau doyak aoglagnu keeke digdignu awa uɗia, sul madatte, Nug amubia haaha, “Ippa ɗo daatte, appa ɗo daatte. Ippa na oiyak nahip gume! Appa na oiyak nahip gume! Ippunittak iguppa aweg! Ippunittak aguppa aweg!” awa akku. ⌊Nug sul baubau anam maatta hekku, amge doyak awaknu ib uug iitta amuppa ele ag uun heppeg, kaaka aqeb, ii dim lamidkkulag⌋ amunu, Yawe Nug heeb ag eheɗ nau aoppeppeg, ahilkad kekeɗ ag eɗadna, wan laappa diia ukka laih me dayak danab ah daaglagnu diin gokkulag.

Aisaia 60:12

Amunu diig am wan laappan danab huu atten ag, ag Juda waappa daanna, ehanadkkulagnu uuglag dayeb amu, da Yawe, da heppi, ag padal mena, iitta mekkulag.

Sekaraia 12:3

Haen wanppan wan ohnu danab ag ahan, Jerusalem banelag uɗippeg, deɗ amuppa da heppi, Jerusalem amu men uug naunab, humaknu elele iittanab bia daakku. Aun nug men amu humakkunu hekku, nug guittak aokku, ⌊amubia aun nug Jerusalem heeb nauhkkunu hekku, nug guittak aokku⌋.

Matyu 21:43

Amunu da ag amelagppa attem. Kayak Nug nuhig ɗo maɗoɗ ahilagppanu awa, danab laa eppelagppa meeb, ag meu ena aon mettaglag.

Matyu 21:45

Jesus Nug keeke danab ag dootteb ii dootteb ele ouaqata, ippuanattak nai laala mattiom amu, mana mettak danab okkai amu ɗo gumak danab-Parasia ele ag Nug ahilagnu nai mattiom dooppig.

Matyu 26:24

Danab Bekkalag da, Kayak nai atte amubianab da mauhkkul, amge danab nug Danab Bekkalag da, kekeɗ eppelagppa meiɗkku amu, nuhignu gadonnab gadon. Nug anig nug ii menulo am ena,” awa aum.

Matyu 27:25

Nug anam a amu, ag appig. “Am ena. Nuhig mauhaknu aab am ig, ihinkad nid naunau ele, ig oh ihinigppa dayaɗ!” aon appig.

Luk 2:34

Simeon anam ana, nug itittak ena matowa, nid anig Maria amegppa aum. “Doye, nid imu heeb, Israel danab ah kuɗum ag nena qekkulag, amge Nug heeb, kuɗum ag eɗun ahaglag. Nug am Kayak anidkkunignu epponak keeke daakku, amge danab kuɗum nuhignu nai nau akkulag.

Luk 20:18

Am laa nug men amu attan na qekku amu, nug nakok nauhkku, amge men amu nug laa qaɗeppa na qekku amu, nug nauha auta aokku,” awa aum.

Jon 19:11

Anam a amu Jesus amegppa aum. “Attannu laa Nug na ɠagattag ii mettalo amu, na dahilppa aɗi hekkutnu elele iitta amunu, aun nug da na eppenppa meiɗom ele, nuhig hipunin am okkainab, nahip eɗittak,” awa aum.

Rom 9:33

Kayak naippa, nai amunu inam daatte. “Antteg! Sion appa da men laa eppami daatte. Men amuam men laa danab ippulagppa dayeye, danab ag men amuppa baelag qena, nena qetteb bia daatte. Ao, men amuam, men laa he, danab ag nena qetteb bia daatte. Amge aun laa nug nuhignu ooppa genab dookku, nug geha uɗa nak iinab aoma,” awa atte.

1 Tesalonaika 2:16

Danab amu ag Kayak Nug iitta aɗi eɗua diikkunu oolag ii daatte amunu ig Nai Ena, iitta aɗi amelagppa mehuqkkunignu ib oo nekkulagnu hetteb amunu amu, ag ahilag hipunin okkainab meegeg, Kayaknu oppoɗi bak miagnab ag qaɗelagppa daatte.

1 Pita 2:8

Aria Kayak nai amunu laa am, “Men amuam men laa danab ippulagppa dayeye, danab ag men amuppa baelag qena, nena qetteb bia daatte. Ao, am men laa he, danab ag nena qetteb bia daatte.” Aɗinu ag baelag qetteb? Ag Nai Ena oolagppa genab ii dootteb. Ag oolagppa genab ii dootteb amunu, ag nena qekkulagnuib daatteb.