Matyu 21:34 - Nobonob Baibel

³⁴ Dimppa, haen grep meu awak haen miag do, nug nuhikkud maɗi nid laa maatte, ag grep meu nuhig aoglagnu dad uɗat danab gumadna goppig.

Matyu 21:34 ပူးပေါင်းရင်းမြစ်များ

Aisaia 5:4

Amu muɗi grep nug geha ba, meu ena okkunu da uɗat ena hemi, amge aɗinu muɗi grep ag meulag, meu doɗo naunau ona, lanaknu ena iitta, mua ele oppig? Am keeke laa haknu dayomtai, da keeke amu iite hemi?

Jeremaia 35:15

Da haen kuɗum dahilad maɗi nid, ag propet amu, da ag maatti, ag gona, ag Israel, ag amelagppa inam appig. ‘Ag anen anen ag nau hak ahilag uun, ii henana, ag ena hak henana, ag kayak laa dim lamadna, waappa daan, ag oɗelag dim lamidkkulagnu aib heppig. Ag amu hekkulag dayeb amu, ag haen elab wan imuppa, da wan imu ag mamelkad aɗi mattami amu, ag wan imuppa haen elab daaglag.’ Da propet oɗelagppa haen kuɗum anam ami, amge ag daulag human, nai dahil ii dabmedappig. Ag dahil nai ii dooppig.

Matyu 21:35

Ag ukkaeg amu, dad uɗat danab ag nuhikkud maɗi nid amu diin, laa makkuɗna, laa qeeg mauhe, laa amu menppa makkuɗppig.

Matyu 21:38

Nug me ukkom, amge haen dad uɗat danab ag nid amu anidna, akka akka nai mattina appig. ‘Nid imu nug dimppa mamegnu keeke oh aokku amunu, ahappeg, ig qepput mauheb, ig dad nuhig imu aotu!’ aon appig.

Matyu 21:40

Jesus anam awona, Nug nai tuɗitta oɗ mattom. “Aria, ag attem dootteb? Dimppa dad mameg nug uɗia, dad uɗat danab attem hadakku?” awa aum.

Matyu 21:41

Jesus Nug anam a amu, ag appig. “Nug maɗi nid nau amu aqa aut autanab aweb mauhkkulag. Mauhppeg, nug grep dad amu eɗua awa, dad gumak danab laa eppelagppa meeb, dimppa ag meu ena haenppa aon mettaglag,” aon appig.

Matyu 22:3

Nug ee hewowa, nuhikkud maɗi nid laala maatte, ag king nug anukka ewau matulak hobulnu deɗ mattom ele amu, ag onilagppa eppeg, uɗin hobulppa daaglagnu goppig. Gona onilagppa eppig, amge ag hobulppa ukkaknu uuppig.

Mak 12:1

Jesus Nug anam awowa amu Nug digma, keeke danab ag dootteb ii dootteb ele ouaqata ippuanittak nai laala inam aum. “Danab laa nug grep dad eppowa, aɗ ita, dad ooppa grep meu tappa leppu awaknu aben laa ha, nug neekkeb ukkeb, aɗi uɗitteb anttaknu lag attan ta ukkak laa ele heum. Aria, nug uɗat amu oh ha mala, nug dad uɗat danab eppelagppa mewowa, nug aha, atu laih umanab ukkom.

Mak 12:7

Nug anam a, nug bekka ukke, amu dad uɗat danab ag anidna, ag akka akka appig. ‘Nid imu nug dimppa mamegnu keeke oh aokku amunu ahappeg, ig nug qepput mauheb, dad imuam ihinig daakku,’ aon appig.

Mak 12:9

Jesus Nug anam ana amu, Nug nai tuɗitta oɗ mattom. “Ag anam heppig amunu, dad mameg nug ahilagnu aɗi hekku? Nug inam hekku. Nug aha ukka, dad uɗat danab amu oh aqeb mauhppeg, nug grep dad amu eɗua awa, danab laala eppelagppa mekku,” awa aum.

Luk 20:9

Jesus Nug anam awowa, Nug digma keeke danab ag dootteb, ii dootteb ele ouaqata ippuanatta, danab ah amelagppa mattia inam aum. “Danab laa nug grep dad eppom. Nug grep dad eppowa amu awa, nug dad uɗat danab eppelagppa mewowa, nug aha laih umanab ukka haen elab dayom.