Matyu 21:27 - Nobonob Baibel

²⁷ Ag anam ana amu, ag Jesusnu nai nob eɗun, “Ig ii doottem,” aon appig. Aeg amu Jesus Nug aum. “Aakku amunu, da ele ɠagattag aɗippa uɗat hettem amu appi ii doomna,” awa aum.

Matyu 21:27 ပူးပေါင်းရင်းမြစ်များ

Aisaia 28:9

⌊Ag anam henana, ag dahilnu inam atteb.⌋ “Danab imu nug aun, amunu nug ig doyak megakkunu hette? Ao, nug am aun, amunu nug ig diignu doyak tutukku ippunikkunu hette? Ig am nid naunau, anilkad geha iikku huh aɗadppig, ag nai mattiglagnu, dabmak aoglagnu ele elele iitta, ig ag biate?

Aisaia 6:10

Naɗi Nug anam ana, Nug da amelppa nai tuɗitta aum. “Heppe, danab ah imu ag oolag ɠagattag eppaɗ! Heppe, ag daulag nai dookkunu elele iitta dayaɗ! Heppe, ag amelag amuhak dayaɗ! Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag,” awa aum.

Matyu 15:14

Amubia amu ɗo gumak danab-Parasia, ahilag ippunittak am iitta mekku amunu, ag ahilagnu aib uug aqom. Ɗo gumak danab-Parasia ag danab ah omaladtteb, amge ag amelag gaɗuom. Am ameg gaɗuak laa, nug laa, nug ele ameg gaɗuak ele, nug ib ippunitteb amu, aa oh moɗppa neya qekkulah,” awa aum.

Matyu 16:3

Aria buttua amu ag atteb, ‘Gemu amu lombig hinqak, hab am kokoɗ amunu haen nau, gu ulah ele daakku,’ aon atteb. Ag hab waappan keeke epeɗikkulagnu dootteb, amge ag haen gemu imunu Kayak dabmettaknu kobol danab haknu elele iitta daatteb anidna epeɗikkulagnu ii dootteb.

Matyu 21:26

Amge ig, ‘Danabnu keeke,’ akkunig amu, danab oh ag Jonnu, nug am propet dootteb amunu, ig ahilagnu baɗattem,” akka akka aon appig.

Matyu 21:28

Jesus Nug nai anam mattiowa, Nug nai baula ele tuɗitta aum. “Ag attem dootteb? Danab laa nug nid danab aɗit ele, amu nug aha ukka, nid tatamnu amegppa, ‘Na gona grep dad dahilppa uɗat he!’ awa a, nid amu nug,

Jon 9:30

Ag anam aeg, danab ameg ena dayom ele nug aum. “Imuam laanab, ag Nug adeppanu uɗiom ii dootteb amge Nug he, da amel obatom.

Rom 1:28

Laa ele amu, ag Kayaknu dabmak aɗan oiglagnu uuppig amunu, Kayak Nug ag ahilag kobol nau, dabmak nauppanu bette, ag amu dim lamidkkulagnu uuattom. Amu ag kobol nau, danab ag hekkulagnu elele iitta amu, aakku hetteb.

2 Korint 4:3

Amge Nai Ena ig mehuqttem ele imu, nai amu lokkumak daatte dayeb, am danab ag padal mekkulagnu oitteb ele, ag amelagppaib lokkumak daatte.