Matyu 21:19 - Nobonob Baibel

¹⁹ Nug enug qe, ad fig laa ib daugppa dayeye antta, meu lakkunu waum, amge meu laa ii anttom. Iitta! Uɗugib anttom. Antta amu Nug ad amu amegppa inam aum. “Na baula meut iinab omana! Iittanab iitta,” awa aum. Anam a ad fig nug pahanab bunaɗom.

Matyu 21:19 ပူးပေါင်းရင်းမြစ်များ

Aisaia 5:2

Nug wan buue be, men oh akke ukke, muɗi grep eppeg enaib epeɗia eppom. Dad amu gamagppa nug neekkeb ukkeb, aɗi uɗitte anttaknu lag attan ta ukkak menppa hak laa heum. Amu nug dad ooppa nug grep meu tappa leppu awaknu aben laa heum. Nug keeke amu oh ha malowa, nug “Muɗi grep dahil imu geha meulag ena, ubuhi ele daaglag,” dabmeum. Nug anam dabmeum, amge anam iitta. Muɗi grep amu meu ena ii oppig, meulag doɗo naunau oppig; lanaknu am mua ele, ena iitta.

Jeremaia 8:13

Yawe Nug atte. “Da heppi, ahilag ee meu ii oma. Grep muɗippa meu laa ii daama. Ad fig uɗug bunaɗppeg, meu ii oma. Da aɗi keeke Juda danab ah mattami amu, da ag eppelagppanu eɗuen hiɗakkul.

Matyu 21:20

Ad nug bunaɗe amu ippunittak awak danab ag anam anidna, ag eheɗ ottaina appig. “Attem he, ad fig nug pahanab bunaɗom?” aon appig.

Mak 11:14

Anam antta amu, Nug aum. “Na danab laa meu lakkunu na baula meut iinab omana!” awa aum. Awa a amu nuhikkud ippunittak awak danab ag nai amu dooppig.

Mak 11:20

Aria, buttua amu ag eɗun, Jerusalem gokkulagnu ahan gonana, ibppa ag ad fig, Jesus ad amunu meu baula ii omanu aum ele amu, nug eppeg diɗi oh bunaɗom anidna,

Luk 3:9

Antteg! Epeɗiak haen am miag. Ad meu ii otte amu nug mameg o qiie, aab aɗuppa mawe te eotte,” awa aum.

Jon 15:2

Mame Nug dahilppa eppeg oh meu ii niitteb ele okkulatta geɗadtte. Eppeg laa meu niitteb ele, ag meu huana okkulagnu Nug bappaladtte.

Jon 15:6

Laa nug dahilppa ii daatte ele, nug muɗi grep ebekkud danab ag okkulna akkaeg ukke bunaɗtteb, amubia daatte. Danab ag muɗi grep ebekkud amu qagmaadna akkaeg, aab aɗuppa teeg eotte.

2 Timoti 3:5

Ag Kayaknu kobol amu gaɗalagppaib, danab amelagnuib hekkulag, amge Kayak kobolnu ɠagattag amu, ag dimettaglag. Na danab amu dilagnu qe mena oiye!

Taitus 1:16

Ag oɗelagppa, “Ig Kayak doottem,” atteb, amge ahilag hakppa ag Kayak dimedatteb. Ag danab naunab, oɗe dim lamittak danab iitta. Kobol ena laa ahilagppa ii daatte amunu, ag ena hekkulagnu elele iitta.

Jut 1:12

Danab nau amu ag hanhan ag danab nai imu aotteb ele, ag ahilag hobul oo mauhak ele, hobul amuppa ag ele qagmena daanna, ee lanana, ag hobul dubuttid medatteb, amge danab amu ag ii baɗatteb. Ag akka agib ehanadkkulagnu hetteb. Danab amu ag am lombig laa, gu ahilagppanu ii nette; ulah iwalatte gotteb, amubia. Ag am ad, meu awak haenppa meu ii otte bia. Ag am ad bunaɗom, danab ag ad diig hiɗappig bia daatteb.

Revelesen 22:11

Anam amu, laa nug kobol eheɗ hette amu, nug tuɗid eheɗ hekku; laa nug danab nau, uɗig wak ele amu, nug tuɗid danab nau, uɗig wak ele daakku. Laa nug tutukku hette amu, nug tuɗid tutukku hekku; laa nug Kayaknu oppiaawak ele daatte amu, nug tuɗid Kayaknu oppiaawak ele daakku,” awa aum.