Matyu 21:17 - Nobonob Baibel

¹⁷ Nug anam ana, Nug aha uuatta, aab okkaippanu dimittim ukkom. Nug ukka, tuqan amuppa Betani appa dayom.

Matyu 21:17 ပူးပေါင်းရင်းမြစ်များ

Jeremaia 6:8

O Jerusalem danab ah, ag bu amu aomnanu, ag hamu bia aib dooppig. Iitta! Ag nau baula aomnanu dabmeig! Iitta dayeb amu, laa nug appa daakkunu elele iitta daakkunu, da dimatten heppi, ahilag wan am hele-ettak daakku,” awa atte.

Hosea 9:12

Ag nid ii menumna, me ag menuadlob amu da heppi, oh iitta mekkulag. Haen da dimadattem amu, ahilagnu am gadonnab gadon.

Matyu 16:4

Ag danab nau. Ag Kayak uuna, kobol laala dim lamadtteb ele. Ag da Kayak dabmettaknu kobol danab haknu elele iitta heppi anidkkulagnu atteb, amge da laa ii hepa. Jona nuhigppa aɗi beum aakkuib ag ippunadkkul.” Jesus anam awowa, Nug uuatta ukkom.

Matyu 26:6

Aria, Jesus Nug Betani appa danab onig Saimon, nug ⌊matu⌋ gaɗa oɗe nau ele, ⌊gemu iitta meum⌋ amu, nug laugppa dayeye,

Mak 11:1

Aria ag gona, Jerusalem gukkuidna, aab aɗit Betani, Betpasi ele, aa Olipnu Qaukoppa daapiɗ, ag aab amuppa tekkulagnu tenana, appa Jesus Nug ippunittak awak danab aɗit laa maate gokkulahnu a daaeheh,

Mak 11:11

Ag gona, Jerusalem tena nona amu, Jesus Nug Kayaknu mettid lag ooppa noa, keeke oh anatta malowa, tueb meum amunu, Nug nuhikkud ippunittak awak danab ele ag eɗun, Betani goppig.

Mak 11:19

Jesus Nug anam he, tueb meeme, Nug nuhikkud ippunittak awak danab ele ag Jerusalem uuna, aab okkai amu dimittim goppig.

Mak 14:3

Aria, Jesus Nug Betani appa danab onig Saimon, nug ⌊matu⌋ gaɗa oɗe nau ele ⌊gemu iitta meum⌋ amu, nug laugppa balalppa ee lanan dayeye, ah laa nug men id enanag, leppu muttuɗig enanag, nob okkainab ele inak, amu awa, Jesus gumitta uɗiom. Ag leppu amu bala laa onig nad, amuppaib heppig. Aria, ah amu nug id amu awa uɗia baag qe aoɗe, leppu amu Jesus igippa gokkaɗom.

Mak 3:7

Jesus Nug anam he amu, Nug nuhikkud ippunittak awak danab ele ag ahan, aab amu uun, Galili le amegppa ukkaegeg, danab ah kuɗumnab Nug dim lamidna uɗippig. Ag Galilinu,

Luk 10:38

Jesus Nug nuhikkud ippunittak awak danab ele ag gonana amu, Nug aab nakok laappa no, ah laa onig Marta nug omalatta, laugppa ukkom.

Luk 19:29

Nug ukka, aab aɗit Betpasi, Betani ele, Olipnu Qaukoppa daapiɗ, Nug aab aɗit amuppa tekkunu taata, appa nug he, nuhikuɗ ippunittak awak danab aɗit laa matte gokkulahnu a daaeheh, Nug amelahppa aum.

Luk 24:50

Nug anam awowa, Nug aha, diie gona, Betani guguittak appa Nug eppeg huma itattom.

Jon 11:1

Aria, danab laa onig Lasarus, Betani ted, nug am oɗe ele. Amu Maria, Marta ele, aa am e makkeg amu, aa ele am aab amuppanu.

Jon 11:18

Jerusalemnu Betani ukkak am 3 kilomita bia, umanab iitta