Matyu 21:16 - Nobonob Baibel

¹⁶ Nug oɗ medappig. “Na nid naunau aɗitai atteb umu doottemte?” aon appig. Aeg amu Jesus Nug amelagppa aum. “Da doottem, amge ag nai laa daatte ele amu ag iite ebqeppig. Nai amuam inam. ‘Na he, nid naunau amu nid yuɗ huhppanu ele ag na binan humaglagnu dootteb.’ ”

Matyu 21:16 ပူးပေါင်းရင်းမြစ်များ

Sam 8:2

Na he, nid naunau, amu nid yuɗ huhppanu ele ag na binan humaglagnu dootteb. Na amu heme, amunu diig am kekeɗ nahipad ag ib iitta ele daaglag. Ao, na amu heme, amunu diig am danab ag akka ag laa nau heppignu nob mattaglagnu hetteb ele amu, ag nai iitta, hamu daaglag.

Matyu 11:25

Jesus Nug haen amuppa nai amu mattia malowa Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem.

Matyu 12:3

Ag anam aeg amu, Jesus Nug amelagppa aum. “Ag Dawit nug nuhikkud danab ele ag enug aqe, Dawit aɗi heum amu, ag amu iite ebqeppig?

Matyu 19:4

Aeg amu Jesus Nug nob ma aum. “Ag Kayak naippa nai iite ebqeppig? Nai amuam inam. ‘Tatam keeke oh heum haenppa Kayak Nug danab ah haatom amu, Nug laa am danab, laa am ah haatom.’

Matyu 22:31

Amge eɗua hibaittak amunu amu ag Kayak naippa, nai laa Kayak Nug ag dooglagnu Moses amegppa mattie, nug yom amu, ag iite ebqeppig. Nai amuam inam.

Mak 13:17

Haen amuppa ah oolkad ele, ah ag nid yuɗ huh madatteb ele amu, ahilagnu gadonnab gadon.

Mak 2:25

Ag anam oɗ mettaeg amu Jesus Nug amelagppa aum. “Ag Dawit nug nuhikkud danab ele ag enug aqe, tutu mena daanna, Dawit aɗi heum amu, ag amu iite ebqeppig?

Luk 21:23

Amu haen amuppa ah oolkad ele, ah ag nid yuɗ huh madatteb ele amu, ahilagnu gadonnab gadon. Aɗinu? Haen amu uug okkainab wan imuppa bekku amu, Juda danab ah haen amuppa Kayaknu oppoɗi bak ag aqadkku.