Matyu 21:15 - Nobonob Baibel

¹⁵ Amge haen mana mettak danab okkai amu ɗo mehuqak danab ele ag Jesus kobol enanag heum anidna, nid naunau ag oolag gamag ahe, Kayaknu mettid lag nuhig tomppan keeke oh ele appa, “Ig Dawit Bekka onig humatu!” enan appig ele anidna, amu mana mettak danab okkai amu ɗo mehuqak danab ele ag oolag nauhe,

Matyu 21:15 ပူးပေါင်းရင်းမြစ်များ

Aisaia 26:11

O Yawe, na nau hak danab ah ele nob nau madakkutnu na eppen humame daattem, amge ag amu ii dabmetteb. Anam amu, na nahipad danab ah ehanadkkutnu yag-nab-bak doottem ippunadppe, nau hak danab ag amu anidna, dabmak eheɗ aoppig dooppeg, uɗalag nekkunu ool daatte! Ge, na heppe, aab aɗu na nahipad kekeɗ dilagnu bappaidme amu, aab aɗu amuam hipunin danab ah ewadkkunu oɗ medattem.

Matyu 20:24

Ag anam mattieg amu, ippunittak awak danab eblaih tanig ele laa ag nai amunu doona, ag eamag dilahnu oolag nauhom.

Matyu 21:23

Amu dimppa Jesus Nug Kayaknu mettid lakka noa, danab ah amelagppa nai mattieye, mana mettak danab okkai, amu Juda dilag ikki danab ele ag Jesus gumidna gona, oɗ mettan appig. “Na ɠagattag aɗippa uɗat imu hettem? Aun nug ɠagattag amu mettom?” aon appig.

Matyu 21:9

Ag anam duqeg, Jesus ugekke, danab ah kuɗumnab ag anuqna ukkaegeg, laa ag Jesus dim lamittegeg gona, ag oh enan appig. “Ig Dawit Bekka onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Kayak, Nug attannab daatte amu, ig Nug onig humatu!” aon eppig.

Matyu 22:42

“Kristus, nuhignu amu ag attem dootteb? Aun bekka amu Kristus?” awa aum. Nug anam a amu ag, “Dawit bekka,” aon appig.

Matyu 26:3

Haen amuppa mana mettak danab okkai amu Juda dilag ikki danab ele, ag oh mana mettak ikki danab onig Kaiapas nug laug enanagppa qagmeppig.

Matyu 26:59

Pita nug appa dayeye amu, lag ooppa mana mettak danab okkai amu Juda dilag hettoɗiak okkai onig Sanhidren, amunu danab ele, ag oh Jesus qeppeg mauhkkunu nai hambuppuak laa nuhigppa yaaglagnu madippig, amge ag laa ii anidppig.

Matyu 27:1

Wakkaɗe buttua mana mettak danab okkai oh, amu Juda dilag ikki danab ele ag Jesus qeppeg mauhkkunu nai qagappig.

Matyu 27:20

Aria, Pailat nug nai amu doyeye, mana mettak danab okkai, amu Juda dilag ikki danab ele ag Pailat nug Barabas uhuqa madatta, Jesus qeeb mauhkkunu danab ah oolag yaan heppig.

Matyu 9:27

Jesus Nug aab amu uua ugekke, danab aɗit amelah gaɗuak ele aa Nug dim lamidya, onigppa eyaya apiɗ. “Dawit bekka, na ihinihnu oot gai-iitta doona oot metan ehanite!” aoya epiɗ.

Mak 11:18

Jesus Nug anam a amu, mana mettak danab okkai amu ɗo mehuqak danab ele ag danab ah laa kuɗum amu oh ag Jesusnu nainu oolag okkai dayom anidppig amunu, ag Jesusnu baɗan, qeppeg mauhkkunu ib madippig.

Luk 20:1

Am deɗ laa Jesus Nug Kayaknu mettid lag ooppa danab ah nai ippuanattatta, Nug Nai Ena amelagppa mehuqeqe, mana mettak danab okkai amu ɗo mehuqak danab am Juda dilag ikki danab ele ag Jesus gumidna gona,

Luk 22:2

mana mettak danab okkai, ɗo mehuqak danab ele ag danab ah baɗadna appig. “Ig attem heta, Jesus qepput mauhkku,” aon madippig.

Luk 22:66

Anam amu, aam beebe, Juda dilag hettoɗiak okkai onig Sanhidrennu danab, mana mettak danab okkai amu ɗo mehuqak danab ele ag uɗin qagmeeg, ag Jesus aon gona, ag noolagppa meeg dayom.

Jon 11:57

Am mana mettak danab okkai amu ɗo gumak danab-Parasia ele ag tatam danab amelagppa, danab laa nug Jesus adeppa daatte amu doya amu, nug ag amelagppa ab, Jesus aon maniguittakppa mekkulagnu appig.

Jon 12:19

Ag goppig amunu ɗo gumak danab-Parasia ag akka akka nai mattin appig. “Ig nuhig ib oo nekkunignu elele iitta. Antteg! Danab ah oh Nug dim lamidtteb,” aon appig.

Jon 4:1

Haen amuppa ɗo gumak danab-Parasia ag, “Jesus Nug ippunittak awaknu danab aokkunu Jon eɗitta, danab ah kuɗum diia layadtte,” nai anam dooppig.

Jon 7:42

Kayak naippa yaak laa daatte. Nai amuam inam. ‘Kristus nug Dawit buɗubppa Betlehem, anukka amuam Dawit appag diig amu, Nug appa bekku,’ ” aon appig.