Matyu 21:10 - Nobonob Baibel

¹⁰ Danab ah ag anam eegeg, Jesus Nug Jerusalem aab ooppa no, danab ah aab okkai amu ooppanu ag huanak ottaina appig. “Danab umu am aun?” aon appig.

Matyu 21:10 ပူးပေါင်းရင်းမြစ်များ

Solomonnu Ahi 3:6

Laa nug atu taɗakppanu aab kah taata, wan ele aɗeɗe gotte bia uɗitte am aun? Ge, laa imu nug leppu muttuɗig enanag, mir, frankinsens, spais laa oh ele laihnu awa, dadennu mak danab dilagppanu awak, nug amuppa beɗu laitte, nuhigppanu muttuɗig enanag oowo doottem ele amu, nug am aun?

Aisaia 63:1

Laa nug Edomnu uɗitte am aun? Nug Bosranu, lamen kokoɗnab laittak ele uɗitte, amge nug am aun? Nuhig lamen am enanagnab, me nug am aun? Nug danab ɠagattag okkai naɗi ele, amu nug huana tappa uɗitte. Danab amu nug nukka, nug am aun daattenu am inam atte. “Imu da, da aɗi madittem amu, nai amuam genab tutukkuib. Da danab ah padal memananu ehanadkkulnu ɠagattag elelenab ele,” awa atte.

Matyu 2:3

Aon aeg amu, King Herot nug nai amu doya ottaie, Jerusalem danab ah oh ele ottaippig.

Matyu 21:11

Ag anam oɗ meeg amu, danab ah kuɗumnab ag Jesus omalppig ele ag appig. “Nug amu Jesus, Nug am propet, Galilinu aab Nasaret danab,” aon appig.

Matyu 21:9

Ag anam duqeg, Jesus ugekke, danab ah kuɗumnab ag anuqna ukkaegeg, laa ag Jesus dim lamittegeg gona, ag oh enan appig. “Ig Dawit Bekka onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Kayak, Nug attannab daatte amu, ig Nug onig humatu!” aon eppig.

Luk 20:2

Nug amegppa inam appig. “Na appe ig dootu! Na ɠagattag aɗippa uɗat imu hettem? Aun nug ɠagattag amu mettom?” aon appig.

Luk 5:21

Nug anam a amu ɗo mehuqak danab amu ɗo gumak danab-Parasia ele appa daana, ag akka akka dabmakppa inam appig. “Danab imu amu Nug am aun? Nug nai umu atte amu Nug Kayaknu dabittak nai maditte. Kayak Nug nukka hipunin uhuqa megakkunu elele,” aon appig.

Luk 7:49

Jesus Nug ah amegppa nai anam a amu, danab nug ele oh balalppa daappig ag akka akka nai mattin appig. “Nug am danab aun; Nug hipunin uhuqa mettak danabte?”

Luk 9:9

Ag anam aeg am Herot anam doya, nug aum. “Genab da Layattak Jon baag otaɗmi, amge danab umu Nug am aun, ag nuhignu nai amu anam atteb?” awa aum. Awa anana nug Jesus anidkkunu heum.

Jon 2:18

Anam daye amu, Juda okkai ag amu anidna, ag Jesus amegppa appig. “Na Kayak dabmettaknu kobol danab haknu elele iitta aɗi laa heppe, ig anidta, na heme imu hekkutnu ehah ele daattem amu, ig doognig?” aon appig.

Aposel 9:5

Anam awa a, Saul nug aum. “Naɗi na am aun?” awa oɗ mettom. Oɗ mette amu Naɗi Nug eɗua aum. “Da am Jesus; na da eheɗ heiɗttem.

Rut 1:19

Naomi, Rut ele aa anam mattiya maloya, aa oh aakku gopiɗ. Aa goya, Juda wanppa teya goya, Betlehem aabppa tepiɗ. Teeh amu, Betlehem danab ah ag ottainna, ah ag appig. “Imuam Naomite?” aon appig.

1 Samuel 16:4

Yawe Nug ib amuppa hekkunu Samuel amegppa a, Samuel nug Yawe aum oɗe bia heum. Nug aha, Betlehem ukke, ikki danab aab amuppan ag nug uɗiom, ag amunu baɗan, nug uɗa tena, ottaina, ag amegppa appig. “Danab okkai, na oot maɗoɗ elete uɗime?” aon appig.