Matyu 20:26 - Nobonob Baibel

²⁶ Amge kobol amu ag oolagppa aib dayom. Iitta. Danab nug ag oolagppa okkai daakkunu oo dayeb amu, nug ahilag maɗi nid dayaɗ!

Matyu 20:26 ပူးပေါင်းရင်းမြစ်များ

Esekiel 24:13

Jerusalem danab ah, ag kobol nau heppig; ag gappai heeb baknu kobol dim lamidppig. Anam amu, da heppi, ag oppiaawak daaglagnu hemi, amge ag uun, dubuttid ele daaglagnu heppig. Anam amunu, ag bu awak iitta eleppa oppiaawak baula ii daamna. Iitta. Da ahilagnu oppoɗi bak doottem, amu da bu eheɗ madappi ukkeb, gogppa teeb, dahil oppoɗi bak oug meeb, ag oppiaawak daaglag.

Matyu 20:27

Ele amu, danab laa nug ag oolagppa anuqak daakkunu oo dayeb, nug ahilag begbeg maɗi nid dayaɗ!

Matyu 25:44

Da anam appi amu, ag akkulag. ‘Naɗi, na ganeb enug daame, o na le baat diiom, o na aab diig danab iitta daame, o na lamen iitta daame, o na oɗe daame, o iitta na maniguittakppa daame amu, ig na anidta ii ehanidmut?’ aon akkulag.

Matyu 27:55

Aria, ah kuɗum ag Jesus ehanidkkulagnu Galilinu dim lamidna goppig ele, ag piɗe daanna, neegna daappig.

Mak 10:43

Amge kobol amu ag oolagppa aib dayom. Iitta. Danab nug ag oolagppa okkai daakkunu oo dayeb, nug ahilag maɗi nid dayaɗ!

Mak 10:45

Ag anam hekkulagnu diig amu Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta! Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

Mak 9:35

Ag anam heeg amu Jesus Nug heɗep na daya, Nug ippunittak awak danab 12 onilagppa e doeg, Nug aum. “Danab laa nug anuqak daakkunu oo dayeb amu, nug danab laala oh waalagppanab dayaya, ahilag maɗi nid dayaɗ!” awa aum.

Luk 18:14

Jesus Nug nai amu mattiowa, Nug baula amelagppa aum. “Da ag amelagppa attem, Kayak he, takis awak danab nug genab tutukku hak danab daye, eɗua laugppa ukkom, amge danab laa nug am anam iitta. Amunu laa nug onig humatte amu, Kayak Nug heeb danab amu nug onig nekku, amge danab nug onig qe nette amu, Kayak Nug danab amu nug onig humakku,” awa aum.

Luk 22:26

Iitta aɗi dilagppa am anam daatte, amge ag dahilad daatteb amu, ag am anam iitta. Ag oolagppa danab aun nug okkai daatte, nug danab dimnab daatte bia dayaɗ! Aun nug ikki daatte amu, nug ahilag maɗi nid dayaɗ!” awa aum.

Jon 18:36

Pailat anam a amu Jesus aum. “Dahil ɗo maɗoɗ am wan imuppan iitta. Dahil ɗo maɗoɗ wan imuppanulob amu dahilad danab ag ban heppeg, Juda okkai ag da ii aɗailob. Amge dahil ɗo maɗoɗ amu ippanu iitta,” awa aum.

Aposel 13:5

Saiprus goya, aa Salamis teya, appa Juda dilag nai doyak lag laalappa teya, aa Kayak nai mehuqeheh, Jon Mak nug ele oh daanna, ahilah ehanatak dayom.

2 Korint 1:24

Ag ahilag ooppa genab doyakppa daatteb amunu, ig ahilag ooppa genab doyak gumagnignu ii hettem. Iitta. Ig ag maɗoɗppan gamag ahak dooglagnu ig ag ele, ig tamanit, uɗat hettem.

2 Timoti 1:18

amunu, da keeke amu ohnu amu da gogtak haenppa, Naɗi Nug nuhignu oo gai-iitta doya oo metta ehanidkkunu unuqidttem. Nug Epesus appa keeke kuɗumppa ehaniɗom ele amu, na amu doon malame.

Pilemon 1:13

Da Jesusnu Nai Ena mehuqiqi, ag da hippaliɗppig daattem amunu, da maniguittakppa haen imuppa daabppi, Onesimus nug na out dayaya, nug da ehaniɗebeb daagnihnu ool dayom.

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.

1 Pita 4:11

Ao, danab ag ahilag uɗat oh anidna, Jesus Kristus onigppa ag Kayak binag mekkulagnu amu, danab laa nug Kayak nai mehuqtte ele dayeb, nug Kayak nai tutukku mehuqaɗ! Amu danab laa nug layag ehanidtte ele dayeb, nug ɠagattag Kayak medatte ele amuppa uɗat haɗ! Binag amahlak oppiaawak ele, ɠagattag oh ele hanhan alet ele Jesus Kristus, nuhigppa dayaɗ! Genab.

1 Pita 5:3

Ag ikki danab, ag Kayaknu danab sipsip bia, Kayak Nug ag eppelagppa maattom daatteb ele amu, ag amu dilagnu hamu bia anadna, kobol ɠagattagppa gumadkkulagnu aib heppig. Iitta! Ag antte oo maittak danab daanna, amuppa ag ib tutukku ippuanatteg!

Revelesen 17:6

Da ah amu nug Kayaknu danab ah oppiaawak ele, ag Jesusnu madippig amu, nug ag tiilag, le ɠagattag latteb bia la, kaaka qe dayom. Da anttena, da ottaie dabmak kuɗum aomi.