Matyu 20:22 - Nobonob Baibel

²² Anilah nug anam a amu, Jesus Nug aum. “Ag atteb amu, ag keeke amunu tutukku ii dootteb. Keeke laa le mua ele bia da lakkul amu, aa amu lakkulahnu elelete?” awa aum. Nug anam a amu, aa Nug amegppa apiɗ. “I am elele,” aoya apiɗ.

Matyu 20:22 ပူးပေါင်းရင်းမြစ်များ

Sam 75:3

Haen wan nug uɗalele, danab ah wanppa daatteb ele ag uug doyegeg, daib da wan ɠagattag medattem. Sila.

Prowerb 16:18

Aun laa nug dada kobol hekku amu, nug padal mekku. Ao, danab nug dada ha laa eɗittaknu dabmak aotte amu, nug na qekku.

Aisaia 51:17

Juda danab ah, ag ahan dayeg! Ag aheg! Ag eheɗ heeg, Yawe oppoɗi be, bu mattom. Amu ahilag bu Nug eppegppanu amu, bu amuam wain nau kap-ppa daatte, amubia daye, ag wain amu aakku lana malappig. Ao, wain nau amu, wain amuam danab he nauhtte ele amu, ag amu ohnab lana malappig.

Aisaia 51:22

Naɗi Yawe, ahilag Kayak, Nug hettoɗiakppa ahilag ehanittak daatte amu, Nug atte. “Antteg! Da kap laa, wain kap amuppa daatte, wain amu he, danab nauhtte ele amu, da kap amu ag eppelagppanu eɗue aomi. Ag eheɗ heeg, da oppoɗil be, bu mattami, amu bu mattak amuam wain nau kap-ppa daatte bia, amge ag baula wain amu ii lamana. Am malak.

Jeremaia 49:12

Yawe Nug inam atte. “Bu mettak dahil am le nau kap-ppa daatte bia. Danab nug bu aokkunu daatte amu, nug le nau amu mettai latte. Huu laa, ag Esau buɗub eheɗ nau heppig bia ii heppig, amge da le nau amu mattai lappig. Ag lappig amunu, Esau buɗub ag naunab heegeg uɗie, gemu ele hetteb amunu, da ag le nau amu lakkulagnu iite madakkul? Da madakkul. Ag genab bu aoglag. Ag bu aqak amu ii eɗidmana,” awa atte.

Matyu 26:35

Am Pita nug aum. “Iitta! Da na ele mauhkkunih dayeb amu, da amunu uug ii doottem, amge da nahipnu, ‘Da Nug ii doottem,’ ii apa! Iittanab iitta,” awa aum. Nug anam a amu, ippunittak awak danab laa oh ele ag anam appig.

Matyu 26:39

Nug anam awowa, Nug nakok baula wana ukka, appa Nug laippun gateg qaun o, gomela, iɗu wanppa ma, unuqitta aum. “O Mama, uug oh da maokkul ele, amuam leppu mua eheɗ nau kap-ppa daatte bia, amu na ib laa anidna appe, da le kap amuppanu da ii lapa, amge na dahil dabmaknab aottem ii dim lamidmana. Iitta. Na nahip dabmaknab aottem amuib dim lamidkkutnu ool daatte!” awa aum.

Matyu 26:42

Jesus Nug anam ana, Nug eɗua ukka, baula unuqitta aum. “O Mama, da le kap imunu ii lakkulnu amu, na ib laa anidkkutnu elele iitta dayeb, na nahip dabmak aakkuib dim lamitte!” awa aum.

Matyu 26:56

Amge keeke imu oh amu propet nai yaappig, amu meu medatte,” awa aum. Anam a amu ippunittak awak danab oh ag Nug uuidna oolna goppig.

Mak 14:36

“O Mame, Mame, aɗi keeke haknu daatte amu, na hekkutnu elele. Amu uug oh da maokkul ele, amuam leppu mua eheɗ nau kap-ppa daatte bia, amu na ib laa anidna appe, da le kap amuppanu amu da ii lapa, amge na dahil dabmaknab aottem ii dim lamidmana, na nahip dabmaknab aottem, amuib dim lamidkkutnu ool daatte!” awa aum.

Luk 12:50

amge uug laa da maokkulnunab daatte amunu, da gemu ukka batakppa oolppa uug nau doottem.

Luk 22:42

“O Mame, uug oh da maokkul ele, amuam leppu mua eheɗ nau kap-ppa daatte bia, amu na ib laa anidna appe, da le kap amuppanu amu da ii lapa, amge na dahil dabmaknab aottem ii dim lamidmana, na nahip dabmaknab aottem, amuib dim lamidkkutnu ool daatte” awa aum.

Jon 18:11

Anam he amu Jesus Pita amegppa aum. “Na nahip qep elab eɗun abenppa me! Attemu? Le mua kap-ppa daatte, Mame meɗom ele amu, da iite lapa?” awa aum.

Rom 8:26

Kayak Ouɗi Nug ele ig danab ig ɠagattag iitta ehanigtte. Ig aɗi keekenu unuqidkkunig amu, ig ii doottem, ig oonigppaib gaattem, ig miag matulta ii attem, amge Kayak Ouɗi Nug ig ehanikka, ihinignu Kayak unuqidtte.

Jems 4:3

Ag keeke aoglagnu Kayak unuqidtteb, amge ag ii aotteb. Aɗinu? Dabmak ahilag am tutukku iitta. Ag keeke ag oolag hettenuib, ag akka aon aɗaglagnu unuqidtteb.