Matyu 20:21 - Nobonob Baibel

²¹ Nug anam heum amu, Jesus Nug aum. “Na aɗi keekenu oot hette?” awa aum. Jesus Nug anam a amu, ah nug Jesus amegppa aum. “Na appe, nid dahilaɗ aɗit imu aa nahip ɗo maɗoɗppa na heqon laih laih daaglah; laippu laa na heqon naɗiap-ppa dayebeb, laa na heqon nanehppa daakku,” awa aum.

Matyu 20:21 ပူးပေါင်းရင်းမြစ်များ

1 King 2:19

Aria, Batseba nug anam awowa, nug ukka, King Solomon antta, oɗ metteb, nug Abisak awa, Adonaiya medakkunu ukkom. Ukke, King Solomon nug Batseba uɗieye antta, nug aha, ukka uɗa ta, nug noobppa dup noa, gomelom. Nug anam hewowa, nug eɗua sia kingppa dayaya, nug maɗi nid he gona, sia king laa aon dona, Solomonnu sia king gukkuittak, nug eppeg naɗiap-ppa meeg, amu Batseba nug sia amuppa dayom.

1 King 3:5

Solomon nug anam ha, nug tuqan Gibeon appa niieye, Yawe Nug tul niiakppa gumitta na, amu Kayak Nug aum. “Na aɗi keeke da medakkulnu oot hette amu, na appe doyei!” awa aum.

Esta 5:3

Qakun amu lauɗitte, aakku king oɗ mettom. “Kuin Esta, na aɗinu oot hette? Na aɗi oɗ meɗakkutnu uɗime? Na da wan gumattem amu gamagppa obaten, maha laa na medakkulnu appe amu, da na medakkul,” awa aum.

Sam 110:1

Yawe Nug dahil Naɗi amegppa inam atte. “Na da eppel naɗiap-ppa daappe ukkeb, da nahip kekeɗ na waatppa maadkkul,” awa aum.

Sam 45:9

Na waatad oolagppa king aɗelkad ag aakku daatteb. Amu kuin nug bala, bala amuam gol Opir wanppanu hak amu, kuin nug bala amu awa ma, na eppen naɗiap-ppa hibaitta daatte.

Jeremaia 45:5

Da anam hekkul amunu, na keeke okkai nakka nahipnu aokkutnu am enate? Na anam aokkutnu aib heme. Aɗinu? Da heppi, danab ah imu ag padal mekkulag, amge da ele heppi, na adeppa adeppa gokkut amu, appa ag na nidappeg ii mauhmana. Iitta. Na bau daakkut.” ’ ” Yawe Nug Jeremaia amegppa anam a, Jeremaia nug Baruk amegppa aum.

Matyu 18:1

Haen amuppa Jesusnu ippunittak awak danab ag Jesus gumidna uɗin oɗ medappig. “Aun am Kayaknu ɗo maɗoɗ ooppa okkai daatte?” aon appig.

Matyu 19:28

Nug anam a amu Jesus Nug eɗua, ag oh amelagppa aum. “Da genab ag amelagppa attem, keeke oh bau bak haenppa, Danab Bekkalag da, da sia king binag amahlak oppiaawak ele dahilppa daabppi, ag da dim lamiɗtteb ele ag sia king 12ppa daanna, Israel dilag huu okkai 12 amu gumadkkulag.

Matyu 20:22

Anilah nug anam a amu, Jesus Nug aum. “Ag atteb amu, ag keeke amunu tutukku ii dootteb. Keeke laa le mua ele bia da lakkul amu, aa amu lakkulahnu elelete?” awa aum. Nug anam a amu, aa Nug amegppa apiɗ. “I am elele,” aoya apiɗ.

Matyu 20:32

Aa anam eeheh amu, Jesus baeg ya daya, onilahppa e doeh, amelahppa aum. “Da ahilahppa aɗi hekkulnu oolah daatte?” awa aum.

Mak 10:51

Nug gumitta wa amu, Jesus nug oɗ mettom. “Da nahipnu aɗi hekkulnu oot daatte?” awa aum. Awa a amu nug aum. “Ippunittak danab, na heppe, da neegkkulnu ool daatte,” awa aum.

Mak 16:19

Naɗi Jesus Nug anam a amu Kayak Nug he, Jesus Nug hab aabppa ta, Kayak eppeg naɗiap-ppa heɗep na dayom.

Mak 6:22

Haen amuppa ag Herotnu hobulppa daaegeg, Herodias aɗeg, lag oo amu ooppa noa, ahi goɗeɗe, Herot aɗi ag nug anidna, ag ittag aqe, King Herot nug aha, nug nid ahin amu amegppa aum. “Na aɗin oot hette? Na keeke laa aokkutnu oot dayeb am da na medakkul,” awa aum.

Luk 18:41

“Da nahipnu aɗi hekkulnu oot daatte?” awa aum. Awa a amu nug aum. “Naɗi, da neegkkulnu ool daatte,” awa aum.

Luk 19:11

Jesus Nug Sakius laugppa dayaya, nai amu mattie doyeg, Nug Jerusalem guguitta dayom amunu, danab ah ag, “Kayaknu ɗo maɗoɗ am geha iikku miag atikku,” dabmenan dooppig amunu, ag anam dabmemananu, Jesus Nug nai tuɗitta, keeke danab ag dootteb ii dootteb ele ouaqata ippuanatta inam mattiom.

Luk 22:24

Amu hewona, ippunittak awak danab ag ahilag dabmakppa, ag oolagppanu aun nug am okkai daattenu aɗaeg be, mattin aeg ona aeg do heegeg,

Jon 15:7

Ag dahilppa daaglag dayeb, dahil nai ele ahilagppa dayeb, ag oolag daatte amu, ag amunu oɗmak hena, ag aoglag.

Aposel 1:6

Anam amunu, haen laa ag oh qagmena, ag Nug oɗ medappig. “Naɗi, haen imuppanab na heppe, Rom ag ahappeg, ig Israel ig eɗut wan ihinig gumagnigte?” aon appig.

Rom 12:10

Amu ag lailkad ena daaglagnu oolag mattan, ahilagnu oolag mauhaɗ! Ag oh nug binag mettak elelenab heig!

Rom 8:34

Aun nug danab ah amu hipuninnu nob nau aoglagnu akku? Auntai, laa iitta. Aɗinu? Jesus Kristus Nug nukka aakkuib mauhowa, Nug eɗua hibaitta, gemu Nug hab aabppa Kayak eppeg naɗiap-ppa dayaya, ihinignu Kayak unuqidtte.

Kolosi 3:1

Kayak Nug he, ag Kristus ele oh eɗun hippaidppig amunu, ag keeke attannu, aben amuppa Kristus Nug Kayak eppeg naɗiap-ppa heɗep na daatte amu, ag keeke amuib aoglagnu dabmenana oiyeg!