Matyu 20:20 - Nobonob Baibel

²⁰ Haen amuppa Sebedi wau nug bekoɗ, Jems, Jon ele, ag Jesus gumidna gona, anilah nug Jesus noobppa gateg qaun o, keeke laanu oɗ medakkunu heum.

Matyu 20:20 ပူးပေါင်းရင်းမြစ်များ

Matyu 10:2

Nug totol danab 12 ɠagattag anam mattom amu, ag onilag am inam. Tatam am Saimon, amu Jesus Nug onig laa, Pita ataɗom. Laa amu Andru, nug Pita ele aa am eamag. Aɗit laa am Sebedi bekoɗ, Jems Jon ele.

Matyu 14:33

Ulah toette, uub attan daappig ele ag Jesus noobppa dup nona binag mena appig. “Genab na am Kayak Bekka,” aon appig.

Matyu 15:25

Jesus Nug anam a amu, ah nug uɗia, Jesus noobppa gateg qaun o, “Naɗi na da ehaniɗkkutnu oɗ medattem!” awa aum.

Matyu 2:11

ag lag ooppa nona, nid nakok, amu Nug anig Maria ele anatppig. Anatna, ag nid nakok noobppa dup nona binag meppig. Binag mewona, ag ahilag battam hipana, gol, prankinsens, mir ele, ag amu nuhig daakkunu Nug medappig.

Matyu 27:56

Ag oolagppan laa am Maria, Makdala ted, laa amu Maria, Jems Josep ele anilah, laa amu Sebedi bekoɗ anilah.

Matyu 28:17

Gona, appa ag Nug anidna, nug noobppa dup nona binag meppig, amge laala ag oolagppa dabmak aɗit ele dayom.

Matyu 4:21

Dim lamitteheh amu, Jesus Nug nakok laa ele le ihi matta wana, nug Sebedi bekoɗ Jems, Jon ele anatom. Jems, Jon ele aa ele am eamag. Aa amu aa mamelah Sebedi ele, ag uub attan uhui bappaladnana daappig. Daaegeg Jesus Nug aa onilahppa e,

Matyu 8:2

Dim lamittegeg, danab laa nug gaɗa oɗe nau ele, nug Jesus noobppa ukka, gateg qaun o, Jesus amegppa aum. “Naɗi, na oot heeb, na heppe, oɗe dahil iitta mekkunu amu, na elele daattem,” awa aum.

Mak 15:40

Amu Jesus Nug ad emaitakppa dayeye, ah laala ag piɗe daanna, neegna daappig. Ag oolagppan laa am Maria, Makdala ted, laa amu Jems gehanu Josep ele anilah Maria, laa am Salome.