Matyu 20:2 - Nobonob Baibel

² Ag deɗ laippunu uɗatnu daden silwa men doɗo tanig ele aoglagnu oolag laippu mena, uɗat hekkulagnu maatte goppig.

Matyu 20:2 ပူးပေါင်းရင်းမြစ်များ

1 King 18:12

Amge da na uuitte goppi, Yawenu Ouɗi Nug na awitta, aben laih da ii doottemppatai meitteb daappe, da ukken, Ahap amegppa appi, nug na maditta, ii anitta amu, geha da iweb mauhkkul. Amge da nid nakokppanu uɗie, gemu batak, haen amu oh da Yawenu ebehil oh bodoetta le meum.

2 Stori 34:3

Josaia nug king dayaya, nuhig king dayaknu maɗ eblaih aɗitppa nug nid bau dayaya, nug digma, nug memetab Dawitnu Kayak antta dim lamidkkunu Nug mattiom. Nug king dayaya, nuhig king dayaknu maɗ 12ppa amu, nug digma, nug aabaabppanu mettid lag nakok, kayak hambuppuak Aserah dabmekkulagnu biidod, kayak hambuppuak dottolkad adppa hak, amu kayak hambuppuak dottolkad aenppa keeke, hak ele, keeke amu oh Juda wanppa, Jerusalem appa ele daamnanu, amu oh oppiak ele daaglahnu uɗat heum.

Eklisiastis 12:1

Na kaino mena, uug digdig anidkkut. Ao, na kaino mena, na, “Da gemu dahil oiyaknu ool ittag ii qette,” akkut, amunu gemu, haen amu ii uɗiom daatte, na gemu na nid bau daanna; na laa Nug na heittom ele amu, na Nug dabmette!

Matyu 18:28

Amge haen maɗi nid amu nug noa ugakka, ibppa nuhig uɗat laippu laa anttom; layag amu nug nuhigppanu lon awom, amu lon amunu daden nob men doɗo nakokib. Aria antta, nug layag baagppa aɗe, ulah pehettak aokkunu elele iitta daye, nug amegppa aum. ‘Na lon dahilppanu aome amu, na lon amunu daden nob meɗe,’ awa aum.

Matyu 20:1

Aria, Jesus Nug nai tuɗitta aum. “Kayaknu ɗo maɗoɗ am imubia. Danab nug wan okkai ele, nug buttuanab aha, ee oɗiak abenppa maɗi nid nuhig uɗat hekkulagnu anadkkunu ukka, nug laa ag deɗ amuppa uɗat aoglagnu daaegeg anatta, nug ag nuhig grep dadppa uɗat hekkulagnu diiom.

Matyu 20:13

Ag anam aeg, amu dad mameg nug oɗelagppa awa, ag oolagppanu laippu laa amegppa nai inam aum. ‘Layal, da nahipnu eheɗ laa ii hemi. Da na ele uɗat nob dadennu oonih laippu iite memuɗ?

Matyu 20:3

Aria, 9 kilok keeke nug eɗua ukka, danab laala ag ee oɗiak abenppa hamu hippaidna daaegeg anattom.

Matyu 20:9

Dad mameg nug anam a amu, uɗat nid ag aam ameg tanig eleppa uɗat digmeppig ele, ag uɗin, anen anen silwa men doɗo tanig ele aoppig.

Matyu 22:19

Men doɗo takisnu laa ippuniɗppeg anttei!” awa aum. Awa a, ag men doɗo laa, onig Danarius, ag amu aon doppig.

Matyu 9:37

Amu Jesus Nug anam anattowa, Nug nuhig ippunittak awak danab amelagppa aum. “Datta ee kuɗumnab oɗuppig daatteb, amge uɗat nid kuɗum iitta

Mak 12:15

Ig mettagnig o iitta?” aon appig. Ag anam appig, amge Jesus Nug ag hambuppuak danab dilag kobol heppig doya, Nug aum. “Aɗinu ag heppeg, ɗo danab ag da aɗailkkulagnu hetteb? Ag men doɗo laa onig danarius aon doppeg, da anttei!” awa aum

Luk 1:15

Nug Naɗi noobppa onig am binag ele daakku. Nug wain amu kaaka qaknu le laa oh ele ii lama. Nug anig ooppa dayebeb amu Kayak Ouɗi am nug ooppa ambekku.

Luk 10:35

Gume ukke, wagɗe deɗ amuppa nug silwa men doɗo aɗit awa, ɗo lag mameg amu medatta, amegppa aum. ‘Na men doɗo imuppa danab imu dabmettan autna awe! Na danab imu ehanidppe, men doɗo imu iitta meeb, nug ena daakkunu, na keeke laa men doɗo nahip-ppa daden mekkut dayeb amu, aria dimppa haen da eɗue uɗien, da nob na medakkul,’ ” awa aum.

Luk 20:24

“Ag men doɗo laa onig danarius ippuniɗppeg anttei!” awa aum. A amu ag men doɗo ippunitteg antta, Nug oɗ mattom. “Men doɗo amuppa amu, aun onig dottog ele daatte?” oɗ mattom. Nug anam awa oɗ matte ag appig. “Amu Sisarnu,” aon appig.

Revelesen 6:6

Hab daup waɗele Kayaknu bauklel aotteb ele, ag oolagppa baag laa oqotti inam ba a doomi. “⌊Enug haen ɠagattag daatte amunu,⌋ danab nug deɗ laippunu uɗatnu nob am wit aeg waa nakok laippu aakkuib aokku. O iitta bali aeg am waa nakok ewam aakkuib aokku. Anam dayebeb, danab aun laa nug goɗen, wain ele aib heeb nauhom,” awa aum.

1 Samuel 2:18

Amu nid danab Samuel, nug Silo appa Yawe noobppa lamen enanag-epod linenppa hak tagakka, Yawenu ɗo maɗoɗ uɗat heum.

1 Samuel 2:26

Eli bekoɗ aa anam hepiɗ, amge nid danab Samuel nug ena maama, Yawe noobppa, amu danab noolagppa ele nug ena oiya, am tuɗitta he, enaib dooppig.

1 Samuel 3:1

Aria, nid danab Samuel nug Eli waappa dayaya, nug Yawe noobppa Yawenu ɗo maɗoɗ uɗat heum. Amu haen amuppa amu, Yawe Nug deɗ laippu laippuib he, danab laala ag tul niinna, ag nuhig nai ib amuppa dooppig. Nug haen kuɗum anam ii heum; haen laippu laippuib heum amunu, haen amuppa Yawe Nug nai haen kuɗum miag ii atiom.

1 Samuel 3:21

Amu Yawe Nug tuɗitta, Silo appa Samuel gumitta naana, Nug Samuel amegppa nai mattiom amunu amuppa, Nug Samuel Nug diig ippunittom.