Matyu 20:19 - Nobonob Baibel

¹⁹ ag iitta aɗi eppelagppa meiɗkkulag. Meiɗppeg, ag aon aon iuna, bu qaun eleppa eheɗ mataɗilna, ad emaitakppa atuliɗkkulag. Ag anam atuliɗppeg mauhe, deɗ ewamppa, Kayak heeb, da eɗuen hippaidkkul,” awa aum.

Matyu 20:19 ပူးပေါင်းရင်းမြစ်များ

Job 30:8

Ag danab dabmak ena iitta ele, ag onilkad laa iitta; danab laa ag lamatteg, ag laih gona daatteb.

Sam 35:16

Danab ag Kayaknu, nuhig haknu ele uuak doon, laa aon aon qedatteb, amubia ag da eheɗnab aon aon iutteb. Ag dahilnu aelkad emalna daatteb.

Aisaia 26:19

Ig anam daamut, amge ⌊O Yawe, nahipad⌋ huu mauhna, moɗppa daatteb, ag geha eɗun ahaglag. Ag beɗulag eɗua, bau ahakku. O ag danab ah, ag matmatppa niitteb amu, ag eɗun, bau ahan gamalag ahebeb, ag eig! Aɗinu? Yawe Nug heeb, tuqan baito wan qaɗaiettakppa na, leppu mette, gikkiɗah bau bette, amubia ag moɗppa daatteb ele, ag eɗun ahaglag.

Aisaia 53:3

Danab ah ag nuhignu ena iinab doon, ag nug guhuɗidppig. Nug bau dayaya, nug oo doyak huanaknab doyaya, guittak huanak ele doyom. Danab ah ag laa, ag nug nakok laa anidkkulagnu oolag iinab hette amu, ag Yawenu maɗi nidnu ena iinab dooppig. Ig nug binag nakok laa ii mettamut.

Hosea 6:2

Deɗ aɗit uueb, Yawe Nug heeb, ig bau ena daagnig. Yo, deɗ ewamppa ig Nug noobppa daagnignu Nug heeb, ig bau, ena daagnig.

Matyu 12:40

Anukka propet Jona nug deɗ ewam, tuqan ewam ele kakai naɗi ooppa niiom, gemu haen imunu danab ah, amu dilag epponak keeke daakkulnu, anamib Danab Bekkalag da, da deɗ ewam, tuqan ewam ele da wan ooppa niikkul.

Matyu 16:21

Haen amuppa Jesus Nug digma, Nug ib laa iitta, Nug Jerusalem ukkeb, appa Juda dilag ikki danab, mana mettak danab okkai, amu ɗo mehuqak danab ele ag heppeg, Nug guittak kuɗum dookku, ag qeppeg mauhkku, deɗ ewam uueb Kayak heeb, Nug eɗua hippaidkku amu, Nug nuhikkud ippunittak awak danab amelagppa aum.

Matyu 17:23

ag heppeg da mauhkkul. Mauhppi, deɗ ewamppa Kayak heeb, da eɗue hippaidkkul,” awa aum. Nug anam a, nuhikkud ippunittak awak danab ag oolagppa uugnab dooppig.

Matyu 27:26

Ag anam aeg amu, Pailat nug Barabas uhuqa matta, nug nuhikkud daup ag Jesus bu qaun eleppa eheɗ mataɗkkulagnu ana, ag ad emaitakppa atulkkulagnu ag eppelagppa meum.

Matyu 27:63

Qagmena ag appig. “Naɗi, ig hambuppuak danab amu, nuhig nai laa daunigppa doum. Nug bau dayaya Nug, ‘Deɗ ewam ukkeb, da eɗue hippaidkkul,’ aum

Mak 14:65

Ag anam ana amu laa ag digmen hunu qena, lamenppa ameg qakkona, eppelag bitakkan makkuɗnana appig. “Kayak ehanitteb, na aun na oittom appe dootu!” aon appig. Aria, mana mettak ikki danab, nuhikkud daup, ag ele nug makkuɗppig.

Mak 15:1

Aria, wagɗe buttuanab amu, mana mettak danab okkai, Juda dilag ikki danab, ɗo mehuqak danab amu Juda dilag hettoɗiak okkai onig Sanhidren, amunu danab ele ag oh qagmena, Jesus mauhkkunu nai qakkona, Jesus eppeg muɗippa qakkana, aon gona, Pailat eppegppa meppig.

Mak 15:15

Ag anam eeg amu Pailat nug danab kuɗum ag oolag ena daakkunu Barabas uhuqom. Barabas uhuqa amu, nug nuhikkud daup ag Jesus bu qaun eleppa eheɗ mataɗkkulagnu ana, ag ad emaitakppa atulkkulagnu ag eppelagppa meum.

Luk 18:32

Ag geha da aiɗna, iitta aɗi eppelagppa meiɗppeg, ag aon aon iuna, guhuɗilna amu hunu iuglag.

Luk 23:11

Herot nug nuhikkud daup ele ag Nug hippeg qakkan, aon aon qettan, dimettan, lamen elab enanag laa aon takkidna meeg, eɗua Pailat toppa ukkom.

Luk 24:46

amelagppa aum. “Anukkanu uɗiak amu, Kayaknu nai yaappig ele am inam ippunigtte. Kristus Nug guittak awa mauhowa, deɗ ewamppa nug eɗua hippaidkku. Am anam ippunigtte.

Aposel 2:23

Kayak Nug anukka nuhig doyakppa anam hekkunu nai mattiom, amu Nug Jesus awa, ag eppelagppa me, ag danab nau, ahilag ehanittakppa, ag ad emaitakppa atulna, qeeg mauhom.

Aposel 21:11

Nug ig gumikka uɗia, nug Polnu matagiɗ awa, nug nukka nug baeg eppeg Pol baeg eppeg iitta, nug baeg eppeg ele amuppa qakkowa, nug aum. “Kayak Ouɗi Nug inam awa atte. ‘Juda danab okkai Jerusalemnu, ag geha matagiɗ imu mameg amu inam hippalna, aon gona, iitta aɗi mattaglag,’ ” awa aum.

Aposel 4:27

Dawit nug aum bia amu ag genab anam heppig. Herot Antipas, Pontius Pailat ele am iitta aɗi danab amu ag Israel ele, ag oh aab okkai imuppa qagmena, ag Jesus geɗidppig, Nug am maɗi nid nahip, oppiaawak ele. Na Nug anukka goɗen gokkaɗakppa tituanme.