Matyu 20:15 - Nobonob Baibel

¹⁵ Nug anam ana, nug tuɗitta aum. ‘Da dahil keekeppa, keeke laala hekkulnu ool dayeb amu, da hekkulnu elele iittate? O iitta, da danab imu laa oh ehanadkkulnu hettem amu, na amunu amen qe, oot elele ii daattete?’ ” Jesus Nug anam aum.

Matyu 20:15 ပူးပေါင်းရင်းမြစ်များ

Eksodas 33:19

Nug anam a amu, Yawe Nug Moses amegppa eɗua, nob ma inam aum. “Da geha dahil kobol ena oh na ippunittoya, geha da onil, Yawe, da amu na noomppa mehuqkkul. Doye! Da danab laanu oo gai-iitta doya oo metta ehanittak kobol dim lamidkkulnu ool daatte dayeb amu, da aakku hekkul, o da danab laanu oo bodoetta le maknu kobol dim lamittaknu ool daatte dayeb amu, da anam hekkul.

Prowerb 23:6

Na danab ag nug ehanittak ii dootteb ele, na amu dilag ee aib lame; ag ee enanag eletai, amge na ee amunu aib oot huana heum.

Prowerb 28:22

Danab nug, nug ehanittak uua, nukka nuhignuib dabmette, nug enub okkai aokkunu hik qette; amge nug ii dootte, uma iitta nug daɗek daakku.

Jeremaia 18:6

“O Israel danab ah, da waa keeke hak danab hette bia amu, da ele amubia hekkulnu elele iittate? O Israel buɗub, wan am waa, hinai keeke hak danab eppegppa daatte, amubia ag da eppelppa daatteb.

Matyu 11:25

Jesus Nug haen amuppa nai amu mattia malowa Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem.

Matyu 20:14

Nahip daden aon ukke! Daden da na mettami, daden anamib da danab dimnunab imu ele madakkulnu ool daatte,’ awa aum.

Matyu 6:23

amge na amen am nau dayeb amu, na beɗun laih laih laa oh am gatatu manak ooppa daaglag. Amunu amubia, na ootppa Kayak keekenu dabmekkutnu elele iitta daattem dayeb amu, na gatatu naunab ooppa daattem.

Mak 7:22

baubau awaknu hik qak kobol, oo aeg bak kobol, nai hambuppuak anak kobol, gappai heeb baknu kobol, laan ameg qe oo elele ii dayak kobol, danab laanu baeg qak nai anak kobol, beɗuppa tak kobol, amu Kayak dab-ii-maama hak ele.

Aposel 13:45

Amge haen Juda laala ag danab ah kuɗumnab qagmeeg anadna, ag, ihinigppa anam daalon dabmak aɗan daan, ag ahan, Pol nai mattiom amu, laa ag amu doomnanu, nai amu tabappeg nokkunu henana, ag Polnu nainu nai iɗu iɗu mattin, dappidna, aon aon qedappig.

1 Korint 4:7

Aun na danab okkai meittom? Keeke aɗi laa na Kayak nuhigppanu ii aome? Kayak Nug na keeke oh mettom amunu, aɗinu na binan mena, keeke amu diig daattem bia doottem?

Epesus 1:11

Ig Kristusnu uɗat okkaippa Kayak bekkod daattem. Kayak Nug keeke oh attem bekkunu dabmette amu, anamib bette amunu, Nug ig nuhikkudnab daagnignu dabmaama meikkom daatta, ig Nug bekkod daattem.

Epesus 2:1

Ag anukka oittappig amu, haen amuppa ag hipunin digdig heegeg, Kayak ele oolag laippu ii oinna, mauhak bia daattappig.

Epesus 2:5

haen ig hipunin heta, mauhak bia daatta, Kayak ii dim lamidttamut ele, haen amuppa Kayak Nug Kristus maɗette ahe, ig ele bau mekkom. Nuhig ehanittak okkai hamu megatte amuppa aakkuib Kayak Nug ig eɗua awikkom.

Duteronomi 15:9

Am ag dabmen autna aweg! Am ag dabmak nau aon aɗan, akka akka ahilagnu inam aib appig. “Nakok laa ele amu maɗ eblaih aɗit ele, amuam lonnu hippalakppanu uhuqaknu maɗ amu, maɗ amu digmekkunu daatte, am da men doɗo dahil eɗuen aokkulnu elele iittatai.” Dabmak amuam ena iitta. Ag amubia dabmena, ag daɗek keeke laa ii mattaglag am eheɗ. Danab amu amu, ag am ag lailkad, am ag ii ehanadkkulag dayeb amu, ag eheɗ heppignu Yawe oɗ mettaglagnu elele daatte. Ag anam heppeg, Kayak Nug ag eheɗ heppig akku.

Duteronomi 28:54

Am danab laa ag oolagppan, nug hanhan laa dilagnu oo doyak okkai dootte ele, haen nau amu beeb, nug nug awagnu, amagnu, nug wau gamagnabnu, nid nuhikkud ii mauhppignu ele amu, nug amu oh dilagnu oo ii bodoetta, le mekku.

Jems 1:18

Iitta! Nug nukka dabmak nuhig dim lamitta, Nug nai nuhig doyak diig genabibppanu, Nug amuppa ha, ig Nug danab ag attem daaglagnu dabmeum ele amu, ig amubia daagnignu Nug bauklel ig mekkom.

Jems 5:9

O lailad, ag lailkad ele aib nug naittuɗ meppig. Ag kobol amu hekkulag amu, Kayak Nug ag epeɗiatta, nob nau madakku. Amu Epeɗiak Danab Nug dokkunu haen miagnab malom daatte.