Matyu 2:7 - Nobonob Baibel

⁷ Ag anam aeg amu Herot nug nai amu doya, nug lokkumakppa aam bedeppanu hoɗoppai magau danab, ag oɗelagppa hoɗoppai amu haen ganebnab ba dayom, am nug ag amunu oɗ matte, mattieg doyom.

Matyu 2:7 ပူးပေါင်းရင်းမြစ်များ

Sam 55:21

Nuhig nai amu enanag, ee enanag bia, amge nug ooppa amu, nug nug qaknuib hette. Yo, nuhig nai amu enanag, beɗu laittaknu goɗen enanag bia, amge nug oo unuqag amu, nug danab ah aqakkunu hette!

Eksodas 1:10

Ahappeg, ig pehettak dabmetu! Israel danab ah imu ag tuɗidna appatnana, kuɗumnab daappeppeg, haen laa ihinig kekeɗ banenig uɗiglag dayeb, haen amuppa Israel ag ihinig kekeɗ ele ouqeppeg, ig ele ban heppeg, ag wan imu uun, oolna gomananu, ig dabmak ena aot, ⌊ib enanag epeɗidta, oolaknu ib ahilag amu oo netu⌋!” awa aum.

Namba 24:17

Da laa anidttem, amge gemu iitta. Ao, da nug anidttem, amge umanab daatte. King naɗi laa hoɗoppai bia, geha Jakop buɗubppanu uɗikku. Yo, king naɗi laa geha Israel danab ah dilagppanu uɗikku. Nug geha Moap danab uɗalkad aoɗadkku. Yo, nug geha Set buɗubppan danab ⌊am Moap danab, nug ag⌋ ikkilkad oh aoɗadkku.

Matyu 2:1

Maria nug Juda wanppa, Betlehem appa, Herot okkai king dayeye, Jesus menue, hoɗoppai magau danab ag aam bedeppanu ahan uɗin, Jerusalem bena oɗ meppig;

Matyu 2:16

Anam aakku, amge Herot nug ii mauhom haenppa, magau danab ag eɗun goppig, haen amuppa nug ag buppuidna autna aoppig doyom amunu, nug oppoɗi huanak be ameg kokoɗ eppe, nuhikkud daup ag gona, Betlehemnu nid naunau, Betlehem talilittak eleppanu nid naunau oh ele, ahilag maɗ aɗit, laa ag maɗ aɗit ii aoppig ele, magau danab ag hoɗoppai digmena anitteg, Herot amegppa aeg doyom bia amu, daup ag amu oh aqaglagnu haknunab a, ⌊ag gona human aqappig⌋.

Matyu 2:8

Doya amu nug ag Betlehem gokkulagnu a, ag gokkulagnu heegeg, nug ag amelagppa aum. “Ag gona, nid nakok amu pehettan mattin anidna, ag eɗun uɗin appeg, da ele ukken, Nug noobppa dup noin binag mekkul,” awa aum.

Aposel 24:22

Peliks nug Pol nai amu mattie doya, nug am Kristen dilag ooppa genab doyak amu Kristen kobol ele tutukku doyom ele amunu, nug Juda amelagppa, “Ag daappeg, dimppa daup dilag ikki anuqak Lisias nug neeb amu, da nai imu bappaidkkul,” awa aum.

Revelesen 12:15

Kayak haug amu ah mette, mat naɗinab nug oɗeppanu le okkai keleb, ui bia ugakka, ah amu awa heeb mauhkkunu heum,

1 Samuel 18:21

Saul nug oo gamag ahe, nug inam dabmeum. “Da geha Dawit, nug da aɗel aokkunu elele appi, ewau matulak awaknu nai amu da nug ele qagapuɗ, da aɗel nug geha Dawit mauhkkunu ib daakku. Da geha appi, ah nob daden amu, Dawit nug Pilistia ele ban hekkulagnu daakku, amu ag geha nug qeppeg mauhkku.” Saul nug dabmak anam awa, nug Dawit amegppa baula aum. “Gemu na geha da aɗel amu aokkut,” awa aum.