Matyu 2:5 - Nobonob Baibel

^5-6 Awa a amu ag appig. “Kayaknu propet nug amunu nai inam yom. ‘O Betlehem, na Juda wanppan aab laa. Na Juda wanppan aab laa daattem, amu na ele Juda wanppan aab laala onilag ele, na aab amu oolagppa daan, hamu bia ii daattem. Iitta. Na ag oolagppa onin ele daattem. Aɗinu? Nahip-ppa geha danab okkai bekku, amu Nug Israel danab ah dahilad gumadkku.’ Propet nug anam yom amunu, ig doottem, Kristus Nug Betlehem, Juda wanppa bekku,” aon appig.

Matyu 2:5 ပူးပေါင်းရင်းမြစ်များ

Genesis 35:19

Aakku Rahel mauhe, ag nug Eprat ukkaknu ib daugppa boumppig. Eprat onig laa am Betlehem.

Matyu 2:1

Maria nug Juda wanppa, Betlehem appa, Herot okkai king dayeye, Jesus menue, hoɗoppai magau danab ag aam bedeppanu ahan uɗin, Jerusalem bena oɗ meppig;

Matyu 2:4

Ottaieg amu, Herot nug ɗo mehuqak danab, mana mettak danab okkai ele, nug amu oh qagmaatta, ag oɗ matta aum. “Kristus Nug aab attenppa bekku?” awa aum.

Jon 7:42

Kayak naippa yaak laa daatte. Nai amuam inam. ‘Kristus nug Dawit buɗubppa Betlehem, anukka amuam Dawit appag diig amu, Nug appa bekku,’ ” aon appig.

Josua 19:15

Amu wan amuppa aab onilkad Katat, Nahalal, Simron, Idala, Betlehem ele daappig. Wan amuppa, aab oh daappig amu, ahilag ebqak am 12. Aab naunau laala aab amu taliliattak daappig amu, ag aab amu ele ag madappig.

Ikki Danab 17:7

Deɗ laa amu, Lewi buɗubppan mana mettak danab iitta, ag oolagppan nid bau laa nug Israel dilag huu okkai Juda, appa, Betlehem aabppa, appa Juda oolagppa daya,

Rut 1:1

Haen epeɗiak danab ag Israel danab ah gumadppig, haen amu ooppa deɗ laa enug haen okkai laa Juda wanppa beum. Enug haen amuppa amu Juda danab laa, Betlehem aabppanu amu, nug aha, wan laa onig Moap, appa maɗ laala dayowa, eɗua uɗikkunu dabmaama ukkom. Danab amu, nug onig Elimelek; nug wau, bekoɗ ele oh diie goppig. Nug wau onig am Naomi, amu nug bekoɗ onilah am Malon, Kilion ele. Ahilag aab ikki onig amu Eprata. Ag Juda wanppa, Betlehem aabppanu. Amu ag ahan, Moap gona, appa daanna,

Rut 1:19

Naomi, Rut ele aa anam mattiya maloya, aa oh aakku gopiɗ. Aa goya, Juda wanppa teya goya, Betlehem aabppa tepiɗ. Teeh amu, Betlehem danab ah ag ottainna, ah ag appig. “Imuam Naomite?” aon appig.

Rut 2:4

Rut nug bali agekke, haen ukke amu, Boas nug Betlehem appanu aha, datta uɗia, maɗi nid humatta, ag amelagppa aum. “Yawe Nug ag ele daaglagnu ool daatte,” awa aum. A amu, ag eɗun appig. “Yawe Nug na ele itidkkunu oonig daatte,” aon appig

Rut 4:11

Boas anam a amu, Israel dilag ikki danab, amu laala ele daappig, ag oh appig. “Ig aakku anidta, ig laa aɗi heehe anttomnu mattiak danab aakku daattem. Yawe Nug heeb, Rut, nug ah nahip daakku amu, nug Rahel, Lea ele, ah aɗit amu aa buɗulti am ig Israel danab ah, amu ah amu nug ah aɗit amubia ba dayebeb, na aab ikki onig Eprata, na amu dilag oolagppa, Betlehem aabppan danab ah oolagppa ele, na onin ele daakkutnu oonig daatte.

1 Samuel 16:1

Amu Yawe Nug Samuel amegppa aum. “Da hei, Israel dilag king dayaknu ehah am Saul eppegppa, nug baekkudppa eppelagppa ele ii daatte, me na nuhignu haen elab oot doyeye, oot uugnab doottem. Amu haen gane laa ele ukkeb, na kobol amu uukkut? Uuppe! Da danab laa, Jesi, Betlehem daatte, nug bekka, da nug king daakkunu tituanmi amunu, na ad olip meunu goɗen idppa qeppe noob, aon Betlehem Jesi laugppa gona, goɗen amu aon, laa nug king daakku amu, na nug igippa gokkaɗe!” awa aum.