Matyu 2:4 - Nobonob Baibel

⁴ Ottaieg amu, Herot nug ɗo mehuqak danab, mana mettak danab okkai ele, nug amu oh qagmaatta, ag oɗ matta aum. “Kristus Nug aab attenppa bekku?” awa aum.

Matyu 2:4 ပူးပေါင်းရင်းမြစ်များ

2 Stori 34:13

Ag musik haknu doyak okkai ele amu, ag danab oh uɗat digdig heegeg, ag gumadna daappig. Amu Lewi buɗub laa, ag nai yaak danab, yaak danab, amu od gumak danab ele daappig.

2 Stori 34:15

Hilkaia nug buk amu anttowa, nug nai yaak danab Sapan amegppa inam aum. “Da buk laa Yawenu mettid lagppa dayeye anidmi. Buk amuam Yawenu Ɗo Nai Buk,” awa aum. Hilkaia nug anam ana amu, nug buk amu Sapan mettom.

2 Stori 36:14

Sedekaia nug anam heum, amge amuib iitta. Iitta. Mana mettak danab anuqak oh, Juda danab ah ele ag Yawe ippuanattomnu oo metta ii uuak kobol ii dim lamidna, ag amu hena, tuɗid tuɗid, ag amu okkai heppig. Ag danab ag Yawe ii dootteb ele kobol nau, Yawe Nug kobol amunu ooppa uuaknab dootte amu, ag kobol amu hetteb ele, amu Juda danab ah, mana mettak danab anuqak ele ag kobol amu dim lamidnana, ag Yawenu mettid lag, Jerusalem appa, Yawe Nug he, nuhignu tituana mettak dayom amu, ag lag amu heeg, dubuttid ta dayom.

Esra 10:5

Sekania nug anam Esra amegppa aum amunu, Esra nug aha, mana mettak danab anuqak, Lewi buɗubppan mana mettak danab iitta, amu Israel danab oh ele ag ah amunu nai amu dim lamidnana, ag laihnu ah, ahilkad nid ele appeg gokkulagnu anana, ahilag nai amu Kayak onigppa ɠagattag qettana akkulagnu aum. Nug anam aum amu, danab amu ag aakku Kayak onigppa ahilag nai amu ɠagattag qettan, nai amu appig.

Esra 7:6

Matu anak amuib, Esra amu, nug am nai yaak danab, nug Babilon appanu uɗia, Jerusalem beum. Nug am ippunittak danab laa, nug Mosesnu ɗo nainu sul okkai ha malom. Yawe, Israel dilag Kayak, Nug ɗo amu Israel danab ah mattom. Kayak Nug Esra ehanittom amunu, Esra nug keeke laa oh amunu king oɗ mettom ele, king nug nug mettom.

Nehemaia 12:7

Salu, Amok, Hilkaia, amu Jedaia ele. Haen Jesua nug mana mettak ⌊ikki⌋ danab dayeye, huu amu ag, ag lailkad mana mettak danab oh dilag anuqak daappig.

Sam 2:2

Wanppan king, amu wanppan okkai ele ag qagmena, maittak nau aon, ban hekkulagnu bappaidtteb. Ao, ag oh ag Yawe, amu laa Yawe king daakkunu goɗen gokkaɗakppa tituanom ele ban hekkulagnu dabmetteb.

Jeremaia 8:8

Ag inam atteb. “Ig Yawenu ɗo ele amunu, ig am danab doyak dabmak ena ele,” amge ag diig attemun anam atteb? Genabnab genab, ahilag ippunittak danab ag uɗat okkai henan, ɗo dahil yaan ippunadppig, amge maɗi ahilag amuam meu iitta.

Malakai 2:7

Nug amu heumnu diig am: Mana mettak danab nug doyak tutukkuib madikkunu daatte. Ao, danab ah ag mana mettak danab dilagppanu ippunittak aoglagnu daatte. Diig laa am, mana mettak danab anen anen ag am Yawe Nukka Ɠagattag Oh Elenu nai awa ukkak danab daatteb.

Matyu 13:52

Ag, “Yo,” aon aeg amu, Nug ag amelagppa aum. “Anam amu ɗo mehuqak danab oh, ag Kayaknu ɗo maɗoɗ ooppa noppig ele amu, ag am lag okkai mameg bia daatteb. Nug keeke maknu oo nuhigppanu keeke alag, bau ele akke do madatte,” awa aum.

Matyu 2:3

Aon aeg amu, King Herot nug nai amu doya ottaie, Jerusalem danab ah oh ele ottaippig.

Matyu 2:5

Awa a amu ag appig. “Kayaknu propet nug amunu nai inam yom. ‘O Betlehem, na Juda wanppan aab laa. Na Juda wanppan aab laa daattem, amu na ele Juda wanppan aab laala onilag ele, na aab amu oolagppa daan, hamu bia ii daattem. Iitta. Na ag oolagppa onin ele daattem. Aɗinu? Nahip-ppa geha danab okkai bekku, amu Nug Israel danab ah dahilad gumadkku.’ Propet nug anam yom amunu, ig doottem, Kristus Nug Betlehem, Juda wanppa bekku,” aon appig.

Matyu 21:15

Amge haen mana mettak danab okkai amu ɗo mehuqak danab ele ag Jesus kobol enanag heum anidna, nid naunau ag oolag gamag ahe, Kayaknu mettid lag nuhig tomppan keeke oh ele appa, “Ig Dawit Bekka onig humatu!” enan appig ele anidna, amu mana mettak danab okkai amu ɗo mehuqak danab ele ag oolag nauhe,

Matyu 21:23

Amu dimppa Jesus Nug Kayaknu mettid lakka noa, danab ah amelagppa nai mattieye, mana mettak danab okkai, amu Juda dilag ikki danab ele ag Jesus gumidna gona, oɗ mettan appig. “Na ɠagattag aɗippa uɗat imu hettem? Aun nug ɠagattag amu mettom?” aon appig.

Matyu 26:3

Haen amuppa mana mettak danab okkai amu Juda dilag ikki danab ele, ag oh mana mettak ikki danab onig Kaiapas nug laug enanagppa qagmeppig.

Matyu 26:47

Jesus anam nai mattieye amu, ippunittak awak danab 12 oolagppanu laa onig Judas, amu danab kuɗum ele, danab amu ag qep elab, daɗib ele aɗappig amu, ag uɗippig. Mana mettak danab okkai amu Juda dilag ikki danab ele ag heeg, danab amu, Judas ele uɗippig.

Matyu 27:1

Wakkaɗe buttua mana mettak danab okkai oh, amu Juda dilag ikki danab ele ag Jesus qeppeg mauhkkunu nai qagappig.

Matyu 7:29

Aɗinu? Nug ahilag ɗo mehuqak danab nai ippunadppig bia ag ii ippuanattom. Iitta. Nug danab nug anam hekkunu ehah ele, Nug amubia nai ippuanattom.

Mak 8:31

Aria, haen amuppa Jesus, Nug am Danab Bekkalag, Nug digma, Nug ib laa iitta, Nug guittak kuɗum dookku, Juda dilag ikki danab, mana mettak danab okkai amu ɗo mehuqak danab ele ag geɗidna, ag ⌊heppeg, laa ag⌋ qeppeg mauhkku, deɗ ewam uueb Kayak heeb, Nug eɗua hippaidkku, Nug nuhikkud ippunittak awak danab amelagppa aum.

Luk 20:19

Amu mana mettak danab okkai amu ɗo mehuqak danab ele ag Jesus Nug keeke danab ag dootteb ii dootteb ele ouaqata, ippuanattak nai amu ag eheɗ hak ahilag anidkkulagnu mattiom doona, ag haen amuppanab ahan aɗaglagnu ib madippig, amge ag danab ah dilag baɗappig.

Luk 23:10

Amu mana mettak danab okkai amu ɗo mehuqak danab ele ag appa hippaidna daan, oolagppa gakkaɗak doon, beɗuppa nai yaappig.

Jon 18:3

Amunu Judas nug Rom dilag ban danab laala, amu daup ag Kayaknu mettid lag gumappig ele, ag oolagppanu mana mettak danab okkai amu ɗo gumak danab-Parasia ele ag laala heeg goppig ele amu, Judas nug ag oh ib ippuanatte, aben amuppa uɗippig. Ag amahlak, hul amu ban haknu keeke ele aon goppig.

Jon 3:10

Nug anam a, Jesus baula Nikodemus oɗeppa awa aum. “Na am Israel dilag ippunittak danab okkai laa, amu attemun na keeke imu ii doottem?

Jon 7:32

Danab ah kuɗum ag Jesusnu anam mattiegeg, mana mettak danab okkai amu ɗo gumak danab-Parasia ele ag danab ah nai kuɗum mattiegeg doona, ag ahilag daup laa Jesus aɗaglagnu maatteg uɗippig.

Jon 8:3

Nug anam ippunittak nai madette, Juda dilag ɗo mehuqak danab amu ɗo gumak danab-Parasia ele ag ah ⌊gamu ele⌋ laa ewau pakkua gappai hak kobol heehe anidppig ele, aon dona, danab ah kuɗum noolagppa meeg hibaitta dayom.

Aposel 23:9

Amunu qagmeppig ele amu muttub okkai qena, amu ɗo mehuqak danab laala, ag ɗo gumak danab-Parasia huuppanu, ag ahan ɠagattag mena appig. “Ig danab amu anidttem amu, nuhigppa eheɗ hak laa daye ii anidttem. Amu ouɗi laatai, iitta engel laatai ele nai madipiɗ,” aon appig.

Aposel 4:5

Aria, Pita, Jon ele aa maniguittak ooppa daaeh ukke, wagɗe deɗ amuppa Juda dilag danab okkai, Juda dilag ikki danab, amu ɗo mehuqak danab ele ag uɗin, Jerusalem qagmeppig.

Aposel 6:12

Ag anam hambuppueg, danab ah, Juda dilag ikki danab amu ɗo mehuqak danab ele ag ottaina, Stivennu eheɗ dooppig. Eheɗ doyeg, ag ahan, nug aɗan, aon Juda dilag hettoɗiak okkai onig Sanhidren, appa gona,