Matyu 2:23 - Nobonob Baibel

²³ Nug ukka, aab laa Nasaret appa ta dayom. Amuppa propet ag nai madippig amu, nai amu elele mettom. Nai amuam inam. “Ag nuhignu, Nug am Nasaret danab,” akkulag.

Matyu 2:23 ပူးပေါင်းရင်းမြစ်များ

Namba 6:13

Amuam laa nug Nasarait daakkunu nai ana qakkak heeb, gamagppa keeke nuhigppa beeb, nug hekkunu daatte, amge ɗo imu am, laa nug Nasarait daakkunu nai qagatte, nug haen amu eɗitteb, aɗi aɗi hekkunu daattenu ɗo. Nug mana mettak danab toppa wab, mana mettak danab nug omala, mettid haknu peh lag danab ah appa qagmetteb ele, nug peh amu odppa wakku.

Matyu 1:22

Keeke amu oh am propet laa Naɗi oɗe awa, nai mattiom, nai amu elele medakkunu beum. Propet nug inam aum.

Matyu 21:11

Ag anam oɗ meeg amu, danab ah kuɗumnab ag Jesus omalppig ele ag appig. “Nug amu Jesus, Nug am propet, Galilinu aab Nasaret danab,” aon appig.

Matyu 26:71

Nug awona amu aha wana, lagnu haɗap odppa ukka dayeye, maɗi nid ahin laa na, nug danab appa daappig ele amelagppa aum. “Danab imu nug anukka Jesus, Nasaret ted ele oipiɗ,” awa aum.

Mak 1:24

“Jesus, Nasaret ted, na ig attem heigkkutnu uɗime? Na heppe, ig nauhkkunignu uɗimete? Da na dooidttem; Laa Kayaknu Oppiaawak Ele, amuam na aakkuib,” awa aum.

Mak 1:9

Aria, haen amuppa Jesus Nug Galilinu aab Nasaret, Nug appanu aha uɗie, Jon nug Jodan leppa laaittom.

Luk 1:26

Amu Elisabet nug oo ele dayeye, kalam eblaih laippu ele ooppa Kayak Nug engel Gabriel me, Nug Galilinu aab Nasaret, appa ukkom.

Luk 18:37

A amu ag nug amegppa appig. “Jesus, Nasaret ted, Nug uɗitte,” aon appig.

Luk 2:39

Amu aa keeke oh Naɗinu ɗo atte bia heya malaeh, ag Galili goya, ahilah aab Nasaret, ag appa goppig.

Jon 18:5

Anam a amu Nug oɗeppa aon appig. “Jesus Nasaret ted,” aon appig. Aeg am Jesus ag amelagppa aum. “Da iikku,” awa aum. Judas, nug Jesus kekeɗ eppelagppa meum ele amu Nug ele oh hippaidna daappig.

Jon 18:7

Ag nena qeeg amu Jesus Nug baula oɗ mattom. “Ag aun maditteb?” awa aum. Anam a amu ag appig, “Jesus Nasaret ted,” aon appig.

Jon 19:19

Pailat nug nai laa ya, ad emaitak igippa atulom. Nai am inam. Jesus Nasaret ted, Juda dilag king.

Aposel 2:22

Amu Israel danab ag nai imu doyeg! Da ag amelagppa Jesus, Nasaret ted, nuhignu appi dooglag. Ag akka aakku dootteb, Kayak Nug ehanitte, Nug ag oolagppa kobol danab haknu elele iitta, uɗat ɠagattagnab, Kayak dabmettaknu kobol danab haknu elele iitta digdig heum. Kayak he, Jesus anam heum, amuam Kayak Nug Jesus me neum ippunadtte.

Aposel 24:5

Danab imu ig nug anidmut. Nug eheɗ kuɗum he bette. Nug wan atu ohppa Juda dilagppa nug he, Juda ag ahan nug qak bia hetteb. Aria huu ena iitta laa, ag amunu Nasaret huu aon atteb amu, danab imu nug ahilag anuqak danab laa daatte.

Ikki Danab 13:5

Aɗinu? Na oot ele daan, nid danab menukkut. Na menuppe, auntai laa nug ikki uɗug iinab otaɗma. Aɗinu? Nug dokku, haen amuppa nug digma, Kayaknu danab, Nasarait atteb, nug anam daakku. Nug geha Israel ag Pilistia eppelagppa daamnanu digma, ag ehanadkku,” awa aum.

1 Samuel 1:11

Hana nug unuqittatta, nug Yawe amegppa genabnab hekkunu nai anan qakka, inam aum. “O Yawe Nakka Ɠagattag Oh Ele, na nahip maɗi ah, da, na dahilnu dabmenana, da uug nau ele doottem amu, na amu ele dabmenana, na dahilnu daut ii atikku dayeb, na nid danab meɗappe amu, O Yawe, da nid amu, nug haen oh nahip daakkunu, da na medappi, danab laa nug nid amu ikki uɗug iinab otaɗma,” awa aum.