Matyu 2:2 - Nobonob Baibel

² “Nid nakok laa doum, Nug Juda dilag king amu, Nug adeppa daatte? Ig nuhig hoɗoppai aam bedeppa anidta, Nug noobppa dup nota binag mekkunignu uɗimut,” aon appig.

Matyu 2:2 ပူးပေါင်းရင်းမြစ်များ

Sam 2:6

Nug amelagppa mattiaya, Nug atte. “Da hei, laa da tituanmi ele, nug Sion appa, king daatte. Ao, qauko Sionnu amu, qauko amu dahilnu tituanak daatte.” Yawe Nug anam awa atte.

Sam 45:11

Na am ah iɗun tuqaknab, amu ⌊Israel⌋ dilag king nug amunu enanagnab dootte. Nug am nahip naɗi amunu na nug binag okkai mette!

Aisaia 60:3

Juda danab ah, amahlak Yawenu ahilagppa uɗitte amu, wanppan wan ohppan danab ag ahilag amahlak, amuppa uɗiglag. Ao, king ag aam buttua ba, wan atu oh amahlak medatte, amubia king ag amahlak okkai ahilag am anidkkulagnu uɗiglag.

Jeremaia 23:5

Da Yawe, da inam attem. “Haen laa dimppa amu, da geha heppi, danab laa Dawit buɗubppanu bekku; ad diigppa ita bau bette, amubia bekku. Danab amu nug genab tutukku hak danab, amu nug geha king dayaya, nug geha doyak dabmak ena ele dim lamitta, nai doya mala hettoɗia epeɗia elele mettak kobol, kobol genab tutukku ele dim lamitta, nug danab ah gumadkku.

Jeremaia 30:9

Ag laa waalagppa ii daan, ahilag maɗi nid ele ii daamna. Iitta. Ag Yawe, Nug am ahilag Kayak, ag Nug waappa daan, Nug oɗe dim lamidkkulag. Ag ahilag king, nug Dawit buɗub laa amu, ag nug waappa ele daan, nuhig maɗi nid maɗi ah ele daaglag. Dawit buɗub king daakkunu amu, Yawe, Nug amunu atte. “Da tituanen ehanidppi, nug king daakku,” awa atte.

Sekaraia 9:9

Danab ah ag Sion appa daatteb, ag oolag huana gamag ahaɗ! Yo, danab ah ag Jerusalem daatteb, ag oolag gamag aheb, huana eig! Antteg! King ahilag Nug ahilagppa aakku uɗitte. Nug genab tutukku hak kobol haaha, nug danab ah ehanatteb, padal ii memananu kobol ele dim lamitta haaha uɗitte. Nug nukka Nug onig qe ne, ⌊Nug danab onig iitta bia,⌋ Nug donki laa attan dayaya uɗitte. Yo, Nug donki nag laa ⌊nakok okkai meum⌋ attan dayaya uɗitte.

Namba 24:17

Da laa anidttem, amge gemu iitta. Ao, da nug anidttem, amge umanab daatte. King naɗi laa hoɗoppai bia, geha Jakop buɗubppanu uɗikku. Yo, king naɗi laa geha Israel danab ah dilagppanu uɗikku. Nug geha Moap danab uɗalkad aoɗadkku. Yo, nug geha Set buɗubppan danab ⌊am Moap danab, nug ag⌋ ikkilkad oh aoɗadkku.

Matyu 2:3

Aon aeg amu, King Herot nug nai amu doya ottaie, Jerusalem danab ah oh ele ottaippig.

Matyu 21:5

Nai amuam inam. “Ag danab ah Sion daatteb amelagppa appeg doyeg! ‘Antteg! King ahilag Nug ahilagppa aakku uɗitte. Nug nukka nug onig qe ne, ⌊Nug danab onig iitta bia,⌋ Nug donki laa attan dayaya, aakku uɗitte. Yo, Nug donki nag laa ⌊nakok okkai meum⌋ attan dayaya, aakku uɗitte’ ”

Matyu 27:11

Aria, Jesus Pailat noobppa hibaitta dayeye, Pailat Jesus oɗ mettom. “Na Juda dilag kingte?” awa aum. A amu Jesus, “Na aakku attem,” awa aum.

Luk 19:38

Ag Kayak binag human, baalag okkai enan appig. “King nug Naɗi onigppa uɗitte amu, ig Naɗi Nug itidkkunu oonig daatte. Nuhigppa Kayak Nug ig danab, ihinignu oo ena daatte. Ig Kayak Ebehi Ele, Nug binag attannab humatu.”

Luk 2:11

Gemu deɗ imuppa Dawitnu aabppa, am Betlehem amu, appa ah laa nid awom. Nid amu Nug danab dilag Padal ii maknu ehanittak daatte; Nug amu Naɗi, Kristus.

Luk 23:3

Ag anam aeg amu Pailat nug Jesus oɗ mettom. “Na Juda dilag kingte?” A amu Jesus aum, “Na aakku attem,” awa aum.

Luk 23:38

Amu nuhignu nai laa inam aon yaana, ad emaitak igippa atulppig. “Danab imu nug amu Juda dilag king.”

Jon 1:49

Jesus anam a amu, Nataniel oɗeppa awa aum. “Ippunittak danab, na am Kayak Bekka, na Israel dilag king,” awa aum.

Jon 12:13

Ag anam doona, ag ad pam eppeg uɗug ele qiialadna, Jesus uɗa tekkulagnu gona eppig. “Ig Kayak onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Naɗi Nug Israel dilag king itidkkunu oonig daatte!” aon appig.

Jon 18:37

Jesus anam a amu, Pailat nug Jesus amegppa aum. “Na anam attem amunu, na aakku king daattem,” awa aum. Nug anam a amu, Jesus Nug aum. “Na dahilnu, ‘Na am king daattem,’ mattina attem amu na tutukku attem. Da anil nug da doyak diig genabib mehuqeqe oikkulnu menuiɗom. Ge, diig amunu da wanppa uɗimi. Laa oh ag doyak diig genabib dim lamidtteb amu, ag dahil nai dootteb,” awa aum.

Jon 19:19

Pailat nug nai laa ya, ad emaitak igippa atulom. Nai am inam. Jesus Nasaret ted, Juda dilag king.

Jon 20:28

Nug anam a amu, Tomas oɗeppa awa aum. “Na dahil Naɗi! Na dahil Kayak!” awa aum.

Jon 9:38

Jesus Nug anam a amu, danab nug aum. “Naɗi, da oolppa genab doottem,” awa aum. Nug anam ana, nug dup noa, Jesus binag meum.

Hibru 1:6

Laa ele amu Kayak Nug Bekka naanaeg wanppa meeb uɗikkunu haaha, Nug inam ele aum. “Kayaknu engel oh ag Nug noobppa dup nona binag meig!” awa aum.

Revelesen 22:16

Da Jesus, da dahil engel laa mei, ahilagppa ukka, nai dahil imu tamaniak ohppa ag amelagppa mehuqkkulagnu madakkunu ukkom. Dawit nug dahilppan be, da nug buɗubppan bemi. Da hoɗopai boitinannu amahlak bia daattem,” awa aum.